bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Chronicles 17
1 Chronicles 17
Mossi MPBU (WẼNNAAM SEBRE 2014)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
1
Wakat ning rĩm a Davɩɩd sẽn kẽ a na-yirã, a yeela Wẽnnaam no-rɛɛs a Natã yaa: «Ade, mam sẽn be roog ning pʋgã maana ne sɛɛdr daado, tɩ Sẽn-Ka-Saab kaoolã koglgã yaool n be fu-roog tẽngre.»
2
La a Natã yeel a Davɩɩd yaa: «Bũmb nins fãa sẽn be fo tagsgẽ bɩ f maane, tɩ Wẽnnaam bee ne-fo.»
3
Badaar yʋng bala, koɛɛg n yi Wẽnnaam nengẽ n yeel a Natã yaa:
4
«Kẽng n tɩ yeel m tʋmtʋmd a Davɩɩd tɩ Sẽn-Ka-Saab yetame yaa: ‹Ka foom n na n me roog ning mam sẽn na n zĩnd a pʋgẽ wã ye.
5
Sẽn paas me, hal sẽn sɩng ne daar ning mam sẽn yiis Israyɛll nebã Ezɩpt tẽngã tɩ ta rũndã, mam ka tol n zĩnd roog pʋgẽ ye. Yaa fu-rot pʋgẽ bal la m dag n be n kẽnd zĩig fãa.
6
Rẽ yĩnga, zĩis nins fãa mam sẽn tũ Israyɛll nebã fãa n kẽngã, mam tol n yeela Israyɛll bʋ-kaoodb nins mam sẽn kõ noor tɩ b ges m nebã yellã ned ba a yembre, tɩ yaa bõe tɩ b ka maand sɛɛdr doog n kõ maam?›
7
Dẽ wã, yeel m tʋmtʋmd a Davɩɩde, tɩ Saasẽ-Pãng-Soabã yetame yaa: ‹Yaa mam meng n yãk foom wakat ning fo sẽn wa n gũud rũmsã, n kɩt tɩ f lebg Israyɛll sẽn yaa mam nebã naaba.
8
Zĩig ning fãa fo sẽn kẽngẽ, mam zĩnda ne foom, la m sãam f bɛɛbã fãa fo taoore. Mam na n kɩtame tɩ fo yʋʋrã yi, wa dũniyã nin-kãsems yʋy sẽn yi to-to wã.
9
Mam na n yãka zĩig n kõ Israyɛll sẽn yaa mam nebã, n kɩt tɩ b zĩnd ne bãane, tɩ nin-wẽnsã ra leb n nams-b wa pĩndã ye.
10
Sẽn sɩng ne wakat ning mam sẽn yãk bʋ-kaoodb n kɩt tɩ b soog Israyɛll sẽn yaa mam nebã, mam ninga f bɛɛbã fãa yãnde, la mam yeela foom tɩ yaa Sẽn-Ka-Saab na n kõ-f roogo.
11
Fo daarã sã n wa n ta a tɛk tɩ f sak f saam-dãmba, mam na n yãka fo yagensã sʋk ned a yembr sẽn yit fo pendẽ wã, n kɩt t'a led fo zĩigẽ n yɩ rĩmã, la m na n kɩtame t'a rĩungã paam pãnga.
12
Yaa yẽnda n na n me roog mam yĩnga, la m na n kɩtame t'a naamã paam pãng wakat fãa yĩnga.
13
Mam na n yɩɩ yẽnda ba, la yẽnda na n yɩɩ mam biiga. Mam ka na n tol n bas kɩs-sɩd ning mam sẽn dag n maan ne yẽnda wã, wa m sẽn bas kɩs-sɩd ning mam sẽn dag n maan ne rĩm ning sẽn deng-a foomã ye.
14
Mam na n kɩtame tɩ yẽnda zĩnd mam doogã ne m soolmã pʋg wakat fãa, la yẽnda rĩungã na n paama pãng wakat fãa.› »
15
Dẽ, a Natã rɩka gom-kãensã fãa ne vẽneg-kãngã fãa, n tɩ togs a Davɩɩde.
16
Rĩm a Davɩɩd kẽng n tɩ yalsa Sẽn-Ka-Saab taoor n yeele: «Wẽnnaam Sẽn-Ka-Saabo, mam yaa ãnda, la m doogã bee yɛ tɩ y tall maam hal n ta zĩig ning mam sẽn beẽ dũndã wã?
17
Wẽnnaam, rẽ ket n ka sek ye, tɩ y leb n gomd y sẽn tar saagr ning ne mam sẽn yaa yãmb tʋmtʋmdã yagens wɛɛngẽ, wakat sẽn wat yĩnga? Wẽnnaam Sẽn-Ka-Saabo, y get-m-la wa nin-kãsenga!
18
Mam na n leb n yeela yãmb tɩ bõe yɛsa, ziir ning yãmb sẽn kõt maamã poorẽ? Yaa yãmb n yãk maam.
19
Sẽn-Ka-Saabo, yaa maam, yãmb tʋmtʋmdã sẽn ta yãmb yamã yĩng la y sẽn maan bõn-kãsems a woto n na n kɩt tɩ nebã yãndã.
20
Sẽn-Ka-Saabo, sã n yaa ne tõnd sẽn wʋmd tɩ b gomdã, ned ka be n zem yãmb ye, la Wẽnnaam a to ka be sã n ka yãmb bala.
21
Dẽ yĩngã, buud bee dũniyã zug wa Israyɛll sẽn yaa yãmb nebã, tɩ b Wẽnnaamã fãag-b n kɩt tɩ b lebg a neb sɩda? Yãmb maana bõn-kãsems ne bõn-yɛɛsdse, n kɩt tɩ nebã bãng tɩ y yaa kãsenga. Yãmb kɩtame tɩ buud toay-toay zoe neb nins yãmb sẽn yiis Ezɩptã taoore.
22
Yãmb kɩtame tɩ Israyɛll nebã lebg yãmb neb wakat fãa yĩnga, tɩ yãmb a Sẽn-Ka-Saab lebg bãmb Wẽnnaam.
23
Moasã, Sẽn-Ka-Saabo, kɩt-y tɩ gomd ning yãmb sẽn gom mam sẽn yaa yãmb tʋmtʋmdã ne a yagensã wɛɛngẽ wã paam pidsg wakat fãa. Maan-y wa y sẽn yeelã.
24
Bɩ y pids y gomdã, tɩ y yʋʋrã yi wakat fãa tɩ nebã yeele: ‹Saasẽ-Pãng-Soabã yaa Israyɛll Wẽnnaam!› Bɩ maam a Davɩɩd sẽn yaa yãmb tʋmtʋmdã roog paam pãng yãmb taoore!
25
Bala, yãmb meng n wilg maam tɩ y na n kɩtame tɩ m yageng a yembr ledg maam m zaoorẽ wã. Yaa rẽ yĩng n kɩt tɩ m sũur keemẽ tɩ m yas yãmb taoor n pʋʋsdẽ.
26
Moasã, Sẽn-Ka-Saabo, yãmb n yaa Wẽnnaam, la yaa yãmb n kãab maam bõn-kãnga.
27
Taa yãmb yam tɩ y na n ning m doogã barka, t'a tõe n kaoos yãmb taoor wakat fãa. Bala yaa yãmb n so barka, la yãmb sã n ning barka, yaa wakat fãa yĩnga!»
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29