bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Chronicles 29
1 Chronicles 29
Mossi MPBU (WẼNNAAM SEBRE 2014)
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
1
Rĩm a Davɩɩd yeela zãma wã fãa yaa: Yaa mam biig a Salmo a yembr bal la Wẽnnaam yãk yã, la a yaa bi-bilfu, n nan ka mi bũmb ye. Tʋʋmdã yaool n yaa kãsenga. Bala, ro-bed-kẽen-kãngã ka ninsaal doog ye. Yaa Wẽnnaam Sẽn-Ka-Saab roogo.
2
Mam segla m Wẽnnaamã roog meeb ne m pãngã fãa. Mam segla sãnem, sãnem teedã fãa yĩnga, ne wanzuri, wanzuri teedã fãa yĩnga, la zũudu, zũud teedã fãa yĩnga, ne bãense, bãens teedã fãa yĩnga, la onigs kug-neeb ne kug-sẽgdɩ, la kug-pɩndse, ne kug sẽn tar kõbg buud toor-toore, la kug-sõama buud fãa ne kug-pɛɛl wʋsgo.
3
Sẽn paase, mam sũurã sẽn loe ne m Wẽnnaamã roogã yĩnga, mam dɩkda m meng paoong sẽn yaa sãnem ne wanzuri, n na n paas bũmb nins fãa mam sẽn segl zĩ-sõngã yĩngã, n kõt m Wẽnnaamã roog yĩnga.
4
Yaa ofɩɩr sãnem toan koabga, ne wanzuri halaal toan kobessi la pis-naase, sẽn na n tall n bol Wẽnnaam doogã lalse,
5
sãnem, sãnem teedã yĩnga, ne wanzuri, wanzuri teedã yĩnga, la ne tʋʋm nins fãa tʋʋm-mitbã sẽn na n maanã yĩnga. Moasã, ãnda yãmb sʋkã n na n yãk a sãnem ne a wanzuri n kõ Sẽn-Ka-Saab ne yamleoog rũndã?
6
Dẽ, buudã kãsem-dãmba, ne Israyɛll buudã nanambse, la tãb-biis tusr-tusr ne tãb-biis koabg-koabg nanambsã, n paas ne rĩmã tʋʋmã taoor dãmb yãka yam, n na n kõ kũun ne yamleoogo.
7
Bãmb kõo sãnem talã-rãmb tus a nu, sãnem wakɩ-koeems tus piiga, wanzuri talã-rãmb tus piiga, zũud talã-rãmb tus piig la a nii, ne kut talã-rãmb tus koabga, Wẽnd doogã tʋʋm yĩnga.
8
Neb nins sẽn dag n tar kug-sõama wã tallame n wa kɩs Gersom buudã ned a Yekiyɛlle, t'a ning Sẽn-Ka-Saab roogã laog bĩngr zĩigẽ.
9
Nebã maana sũ-noog ne kũun nins b sẽn tall n wa ne yamleoogã, bala, yaa ne b sũyã fãa la b sak ne yamleoog n tall n wa kõ Sẽn-Ka-Saabo. Rĩm a Davɩɩd me sũurã yɩɩ noog hal wʋsgo.
10
Dẽ, a Davɩɩd pẽga Sẽn-Ka-Saab zãma wã fãa taoor n yeele: «Sẽn-Ka-Saab sẽn yaa tõnd yaab a Israyɛll Wẽnnaam, reeg-y pẽgr zamaan woo zamaane!
11
Yãmb yaa kãsenga, y tara pãnga, y tara naam la ziiri, la neerlem yaa yãmb n so. Bala, bũmb nins fãa sẽn be yĩngr la tẽngã yaa yãmb n so. Yãmb n so naam, la y so bũmb fãa.
12
Arzɛk la ziir yita yãmb nengẽ, la y yaa bũmb fãa soaala. Yãmb tara pãnga, n tõe tɩ ned lebg kãsenga, la y kõ-a pãnga.
13
Moasã, tõnd Wẽnnaam, tõnd pʋʋsda yãmb barka, la d balemda yãmb yʋʋrã sẽn tar ziirã.
14
Mam yaa ãnda, la mam nebã yaa ãnda rãmba, tɩ tõnd tõe n kõ kũun a woto ne yamleoogo? Bũmb fãa yita yãmb nengẽ, la bũmb nins tõnd sẽn kõt yãmbã fãa yaa yãmb n kõ tõndo.
15
Tõnd yaa sãamb la nin-loogds yãmb taoore, wa d yaab-rãmbã fãa. Tõnd vɩɩmã dũniyã zug ka yaa wa sulunsuku, tɩ tẽeb kaẽ ye.
16
Tõnd Wẽnnaam Sẽn-Ka-Saabo, arzɛg-kãensã fãa tõnd sẽn segl n na n me roog yãmb yĩnga, la y yʋ-sõngã yĩngã yita yãmb nengẽ. Bũmb fãa yaa yãmb n so.
17
Mam Wẽnnaam, mam miime tɩ yãmb feesda sũyã, la y nonga tɩrlem. Mam kõo yãmb yamleoog kũun-kãensã fãa ne sũur sẽn yaa tɩrga, la yaa ne sũ-noog la mam get yãmb nebã sẽn be ka wã sẽn wa ne kũun n kõt yãmb ne yamleoogã.
18
Sẽn-Ka-Saab sẽn yaa tõnd yaab-rãmb a Abrahaam ne a Izak la a Zakoob Wẽnnaam, bɩ y kɩt tɩ tagsg a woto kell n zĩnd y nebã sũy pʋse, tɩ b yam kẽ yãmba.
19
Kõ-y mam biig a Salmo sũur sẽn pid ne ratem, t'a tõe n sak yãmb tõodã ne y zãmsgã la y noyã, la a rɩk b fãa n ning b nao-kẽndr zugu, n tõog n me roog ning mam sẽn segl bũmb fãa a yĩngã.»
20
A Davɩɩd yeela zãma wã fãa yaa: «M kot-y lame tɩ y pẽg-y Sẽn-Ka-Saab sẽn yaa yãmb Wẽnnaamã!» Dẽ, nebã fãa pẽga Sẽn-Ka-Saab sẽn yaa b yaab-rãmbã Wẽnnaamã. Bãmb wõgemda Sẽn-Ka-Saab taoore, la rĩmã taoore.
21
Vẽkembeoogo, Israyɛll nebã maana maand sẽn yõogd bugum n kõ Sẽn-Ka-Saabo. Bãmb kʋʋ lols tusri, ne pe-raad tusri, la pe-bi tusri, ne b bõn-yũudl kũunã, la maand wʋsg n kõ Sẽn-Ka-Saabo, Israyɛll nebã fãa yĩnga.
22
Badaare, bãmb dɩɩme la b yũ Sẽn-Ka-Saab taoor n maan sũ-noogo, la b moon naoor a yiibẽ soab n yeele, t'a Davɩɩd biig a Salmo yaa rĩmã. B pʋdga a Salmo zug rĩung kaam, t'a lebg naab Sẽn-Ka-Saab yĩnga, la b pʋdg a Sadok me zug kaam t'a lebg maan-kʋʋda.
23
A Salmo zaoonda Sẽn-Ka-Saab zaoorẽ wã, n na n led a ba a Davɩɩd zĩigẽ n lebg rĩmã. A paama tõogr wʋsgo, la Israyɛll nebã fãa rag n kelgd-a lame.
24
Nanambsã fãa ne gãndaadã, la baa ne rĩm a Davɩɩd kom-dibli a taabã fãa sulga b mens rĩm a Salmo taoore.
25
Sẽn-Ka-Saab zẽka a Salmo, n kɩt t'a lebg nin-kãseng Israyɛll nebã fãa nifẽ. Bãmb kɩtame t'a Salmo naamã tall ziir n yɩɩd Israyɛll rĩm-dãmb nins fãa sẽn deng yẽnda wã.
26
A Izayi biig a Davɩɩd rɩɩ naam Israyɛll tõrã fãa zugu.
27
Yẽnda sẽn dɩ naamã Israyɛllã yɩɩ yʋʋm pis-naase: Ebrõ yʋʋm a yopoe, Zeruzalɛm yʋʋm pis-tã la a tãabo.
28
Yẽnda paama sũ-noog a kʋʋlem wakate, n yaool n ki. Yẽnda rag n kʋʋla wʋsgo, n tar arzegs ne ziiri. La yẽnda biig a Salmo n led a zĩigẽ n lebg rĩmã.
29
Rĩm a Davɩɩd kibarã sɩngrã ne a baoosgã fãa gʋlsa bãngd a Sãmwɛll kibarã sebr pʋga, ne Wẽnnaam no-rɛɛs a Natã kibarã sebr pʋga, n paas yãt a Gaad kibarã sebr pʋga.
30
Seb-kãens leb n wilgda a Davɩɩd rĩungã fãa ne a gãndaalmã tʋʋmã, la bũmb nins fãa a sẽn maan Israyɛll pʋgẽ, wall tẽmsã soolem-dãmbã fãa pʋsẽ.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29