bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezra 10
Ezra 10
Mossi MPBU (WẼNNAAM SEBRE 2014)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
1
A Ɛsdraas sẽn wa n yĩg Wẽnnaam doogã noor n pʋʋsdẽ la a yãbd n kot Wẽnnaam sugrã, Israyɛll neb wʋsg wa n tigmã taab yẽnda nengẽ. La yaa pagb la raopa, ne kamba. La nebã fãa naaga taab n yãb wʋsgo.
2
La a Yekiyɛll biig a Sekaniya sẽn yaa a Elam yagengã yeela a Ɛsdraas yaa: «Tõnd sẽn peeg tẽngã nebã sẽn yaa bu-zẽmsã kom-pugli n maan d pagbã, tõnd beega Wẽnnaam hal wʋsgo. La baoosg zãnga, tẽeb ket n bee Israyɛll yĩnga.
3
Moasã, sẽn yaa woto wã, tõnd na n dɩka sard ne tõnd Wẽnnaamã, n dig bu-zẽmsã kom-pugli nins fãa tõnd sẽn peeg n maan d pagbã ne b kambã tɩ b looge. Dẽ, tõnd na n maana wa yãmb ne neb nins sẽn sakd tõnd Wẽnnaamã tõodã sẽn yeelã. Bɩ d maan wa sẽn zems tõogã.
4
Woto wã, Ɛsdraase, yik tɩ yellã fãa bee fo nugẽ, tõnd bee f poorẽ. Paam daood n maan tʋʋmdã.»
5
La a Ɛsdraas yikame n kɩt tɩ maan-kʋʋdbã ne Leevi nebã nanambsã, la Israyɛll nebã fãa wẽen n yeel tɩ b na n maana wa sẽn togsã. La bãmb fãa wẽename.
6
Dẽ poore, a Ɛsdraas yii Wẽnd doogã zak pʋg n kẽng n tɩ zĩnd a Eliyasɩɩb biig a Yohanan yirã. La a Ɛsdraas ka tol n dɩ rɩɩbo, wall a yũ koom ye. Bala, yẽnda sũurã rag n sãama hal wʋsg ne a saam-biis nins sẽn yi yembdã pʋg n wa wã tʋʋm-beedã.
7
La b yiisa koɛɛg tɩ saag Zeruzalɛm ne Zʋʋda tẽngã pʋg n wilgi, tɩ neb nins sẽn yi yembdã pʋg n wa wã fãa tigim taab Zeruzalɛm.
8
La ned ning fãa sẽn ka wa-a tigingã rasem a tãabã pʋgẽ, wa nanambsã ne kãsem-dãmbã sẽn yeelã, b na n deesa a paoongã zãnga, la b yiis a soabã neb nins sẽn yi yembdã pʋg n wa wã sʋka.
9
La Zʋʋda ne Benzame raopa fãa tigma taab Zeruzalɛm rasem a tãabã pʋgẽ. La yaa kiuug a wɛ soabã rasem pisi (20) wã daar la b sẽn tigmã. Nebã fãa rag n tigma Wẽnd doogã zak pʋg n digd yellã poorẽ, la saagã sẽn dag n niidã me yĩnga.
10
La maan-kʋʋd a Ɛsdraas yikame n yeel bãmb yaa: «Israyɛll nebã, yãmb sẽn pees bu-zẽmsã kom-pugli n maan y pagbã yaa yel-beedo. Yãmb kẽesa Israyɛll nebã beegr pʋg n paase.
11
Bɩ y vẽneg fãa n togs Sẽn-Ka-Saab taoor moasã, tɩ bãmb yaa yãmb yaab-rãmbã Wẽnnaam, la y sak bãmb daabã, n welg y mens ne tẽngã nebã, la ne yãmb pagb nins sẽn yaa bu-zẽmsã.»
12
La nebã fãa sẽn wa tigingã zẽka b koees n yeele: «Yãmb sẽn goma yaa sɩda! Tõnd sɩd na n maana wa yãmb sẽn yeelã!
13
Nebã me yaa wʋsgo, la saagã me rag n niidame. Dẽ, tõnd ka tõe n pa yɩng vɩʋʋgẽ wã ye. La sẽn paas me, yel-kãngã manegr ka raar a yembre, wall rasem a yiib tʋʋmd ye. Bala, tõnd neb wʋsg bee beeg-kãngã pʋga.
14
Tõnd kotame, tɩ tõnd nanambsã yals nebã fãa yʋʋr yĩnga, tɩ Israyɛll neb nins fãa sẽn be tẽngã pʋg n peeg bu-zẽmsã kamb n maan b pagbã, tũ b tẽngã kãsem-dãmbã ne b bʋ-kaoodbã n wa daar ning b sẽn yãkã. La tõnd na n gesa yel-kãngã yell tɩ manege, hal tɩ tõnd Wẽnnaamã sũur sẽn yik ne tõnd yel-kãngã wɛɛngẽ wã sigi.»
15
La a Azayɛll biig a Zonatã, ne a Tikva biig a Yaziya bal n kɩɩs koe-kãnga, a Mesulam ne Leevi ned a Sabtayi rag n bee bãmb poorẽ.
16
La neb nins sẽn dag n yi yembdã pʋg n wa wã maana wa b sẽn yeelã. Dẽ, b welga maan-kʋʋd a Ɛsdraas toore, la b welg Israyɛll buudã nanambsã toor-toore, n bool ned kam fãa ne a yʋʋre. Dẽ, bãmb tigma taab kiuug piig soabã pipi daare, n na n bao n bãng yellã võore.
17
La yʋʋmdã pipi kiuugã pipi daare, bãmb tõog n gesa raop nins fãa sẽn dag n peeg bu-zẽmsã kom-pugli n maan b pagbã yell fãa n sɛ.
18
Ad Maan-kʋʋdbã neb nins sẽn peeg bu-zẽmsã kamb n maan b pagbã: A Yotsadak biig a Zozoe ne a saam-biisã kamb sʋka, yaa a Maaseza, a Eliyezɛɛre, a Yariibi, ne a Gedaliya.
19
Bãmb fãa rɩka sard n yeel tɩ bãmb na n diga b pagbã, la b na n waa ne pe-raoog tɩ b maan maoong n kos Wẽnnaam sugr b beegrã yĩnga.
20
Sẽn paase, a Imeer yagensã sʋka, yaa a Hanani ne a Zebadiya.
21
A Harim yagensã sʋka, yaa a Maaseza, a Eli, a Semaya, a Yekiyɛlle, ne a Oozɩyaase.
22
A Pasewʋʋr yagensã sʋka, yaa a Ɛliyoenayi, a Maaseza, a Ismayɛlle, a Netaneyɛlle, ne a Yozabaad la a Eleyasa.
23
Leevi buudã sʋka, yaa a Yozabaade, a Simeyi, a Kelaya, b sẽn boond a soab t'a Kelitã, a Petahiya, a Zʋʋda ne a Eliyezɛɛre.
24
La yɩɩn-yɩɩndbã sʋka, yaa a Eliyasɩɩbe. La Zag-noy gũudbã sʋka, yaa a Salum, a Telɛm ne a Uuri.
25
La Israyɛll nebã sʋka, yaa a Paroos yagensã: a Ramiya, a Yiziya, a Malkiya, a Miyamin, a Eleyazaare, ne a Malkiya la a Benaya.
26
A Elam yagensã sʋka, yaa a Mataniya, a Zakari, a Yekiyɛlle, a Abdi, ne a Yeremot la a Eli.
27
A Zatu yagensã sʋka, yaa a Eliyohenayi, a Eliyasɩɩbe, a Mataniya, a Yeremote, la a Zabaad ne a Aziza.
28
A Bebayi yagensã sʋka, yaa a Yohanan, a Hananiya, a Zabayi, ne a Atlayi.
29
A Bani yagensã sʋka, yaa a Mesulam, a Maluki, a Adaya, a Yasuubi, a Seyall ne a Yeremote.
30
A Pahat-Moaab yagensã sʋka, yaa a Adna, a Kelalle, a Benaya, a Maaseza, a Mataniya, a Bɛtsalɛlle, a Binui ne a Manaase.
31
A Harim yagensã sʋka, yaa a Eliyezɛɛre, a Yisiya, a Malkiya, a Semaya, a Sɩmyõ,
32
a Benzame, a Maluk ne a Semariya.
33
A Hasum yagensã sʋka, yaa a Matnayi, a Matata, a Zabaade, a Elifelɛte, a Yeremayi, a Manaase ne a Simeyi.
34
A Bani yagensã sʋka, yaa a Maadayi, a Amram, a Uwɛlle,
35
a Benaya, a Bediya, a Keluhi,
36
a Vaniya, Meremote, a Eliyasɩɩbe,
37
a Mataniya, a Matnayi, a Yaasayi,
38
a Baani, Binui, a Simeyi,
39
a Selemiya, a Natã, a Adaya,
40
a Maknadbayi, a Sasayi, a Sarayi,
41
a Azareyɛlle, a Selemiya, a Semariya,
42
a Salum, a Amariya ne a Zozɛfe.
43
A Neebo yagensã sʋka, yaa a Yeyiyɛlle, a Matitiya, a Zabaade, a Zebina, a Yadayi, a Zowɛll ne a Benaya.
44
Nin-bãmbã fãa rag n peesa bu-zẽmsã kom-pugli n maan b pagba. La pʋg-kãens sʋkã, wʋsg rag n paama kamba.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
All chapters:
1
2
3
4
5
6
7
8
9
10