bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezra 8
Ezra 8
Mossi MPBU (WẼNNAAM SEBRE 2014)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 9 →
1
Ad neb nins sẽn tũ maam n yi Babilond sẽn yaa rĩm a Artagzɛrzɛɛs soolmẽ wã n lebg n wa wã kãsem-dãmb yʋy ne b roto:
2
A Fine yagensã sʋka, yaa a Gersom, a Itamaar yagensã sʋka, yaa a Dãniyɛlle, a Davɩɩd yagensã sʋka, yaa a Hatuusi,
3
a Sekaniya yagensã sʋka, ne a Paryoos yagensã sʋka, yaa a Zakari ne neb koabg la pis-nu la b sõd n gʋlse.
4
La a Pahat-Moaab yagensã sʋka, yaa a Zerakiya biig a Ɛliyoenayi ne neb kobsi sẽn tũ yẽnda.
5
La a Sekaniya yagensã sʋka, yaa Mahaziyɛll biigã ne neb kobs-tã sẽn tũ yẽnda.
6
A Adin yagensã sʋka, yaa a Zonatã biig a Ebɛɛd ne neb pis-nu sẽn tũ yẽnda.
7
A Elam yagensã sʋka, yaa a Ataliya biig a Ezayi ne neb pis-yopoe sẽn tũ yẽnda.
8
A Sefatiya yagensã sʋka, yaa a Mikayɛll biig a Zebadiya ne neb pis-nii sẽn tũ yẽnda.
9
A Zoaab yagensã sʋka, yaa a Yekiyɛll biig a Abdyaase, ne neb kobs-yi la piig la a nii sẽn tũ yẽnda.
10
A Selomit yagensã sʋka, yaa a Yosifa biigã, ne neb koabg la pis-yoob sẽn tũ yẽnda.
11
A Bebayi yagensã sʋka, yaa a Bebayi biig a Zakari ne neb pisi la a nii sẽn tũ yẽnda.
12
A Azgaad yagensã sʋka, yaa a Katan biig a Yohanan ne neb koabg la piigã sẽn tũ yẽnda wã.
13
La yaoolem dãmb yaa a Adonikam yagensã. Bãmb yʋy la woto: Yaa a Elifelɛte, a Yeyiyɛlle, a Semaya, ne neb pis-yoobã sẽn tũ bãmbã.
14
A Bigvayi yagensã sʋka, yaa a Utayi ne a Zabuudi, ne neb pis-yopoe wã sẽn tũ bãmbã.
15
Mam tigma nin-bãmbã fãa kʋɩlg ning sẽn zoet n teesd Ahava wã noore, la tõnd paa beenẽ rasem a tãab tõre. La mam sõda nebã ne maan-kʋʋdbã, n mik tɩ bãmb sʋkã, Leevi buudã yageng ka be beenẽ ye.
16
Dẽ, mam kɩtame tɩ b bool kãsem-dãmbã. A Eliyezɛɛre, a Ariyɛlle, a Semaya, a Elnatã, a Natã, a Zakari, ne a Mesulam, la a Yoyariib ne Elnatã sẽn yaa zãmsdbã.
17
Mam tʋma bãmb Kasifiya naab a Ido nengẽ. La m wilga bãmb bũmb ning b sẽn segd n tɩ yeel a Ido ne a ba-biisã sẽn yaa Wẽnnaam doogã tʋmtumdb n be Kasifiya soolmẽ wã. Mam yeelame tɩ b wilg-b tɩ b bao neb n tall n wa kõ-do, tɩ b tõe n maand tõnd Wẽnnaamã roog tʋʋmde.
18
Tõnd Wẽnnaamã sẽn nong tõndã yĩnga, bãmb waa ne a Serebiya. A Serebiya yaa a Makli biig a yembre, la a tara yam, n yaa Leevi yagenga, la a Leevi yaa a Israyɛll biiga. La yẽnda kambã, ne a ba-biisã, yɩɩ bãmb piig la a nii n tũ yẽnda.
19
La a Meraari yagensã sʋka, yaa a Hasabiya ne a Ezayi ne a saam-biisã ne b kambã sõor sẽn ta pisi.
20
La paasa ne Wẽnnaam doogã tʋmtʋmdb nins a Davɩɩd ne nanambsã sẽn dag n yãk tɩ b tʋmd Leevi buudã neb yĩngã. B sõdga bãmb ne b yʋyã, la b yaa neb kobsi la pisi.
21
La tõnd sẽn wa n be Ahava kʋɩlgã noor beenẽ, mam yãka yam tɩ tõnd fãa na n loee noor n sik d mens tõnd Wẽnnaamã taoore, n kos-b tɩ b sõng tõnd tɩ d so-toakã yɩ sõama, tõnd ne d zagsã, la d laogã zãng yĩnga.
22
Rag n na n yɩɩ yãnd ne maam, tɩ m kos rĩmã tɩ b yãk tãb-biis n kõ tõnd tɩ b yãag tõnd tɩ d bɛɛbã ra wa tek n yek-d sorã zug ye. Bala, tõnd dag n wilga rĩmã tɩ tõnd Wẽnnaamã nug-sõngã maanda sẽn baood-b bãmbã fãa neere, n kogend-ba, la b sũur puugda wʋsg ne neb nins fãa sẽn ka baood-b bãmbã.
23
Dẽ, tõnd loee noor n pʋʋs n kos tõnd Wẽnnaamã tɩ b gũ tõndo, la bãmb leoka tõnd pʋʋsgo.
24
Rẽ poore, mam welga maan-kʋʋdbã kãsem-dãmb piig la a yiibu, ne a Serebiya la a Hasabiya ne b saam-biisã sʋk neb piiga.
25
La mam maka wanzuri wã ne sãnemã bãmb nifẽ, la ne teed nins rĩmã ne a sagendbã la a nanambsã, ne Israyɛll neb nins sẽn dag n be Babilondã sẽn dag n yãk n kõ tõnd Wẽnnaam doogã yĩngã.
26
La mam sẽn kɩs bãmbã yaa wanzuri kɩlo tus pisi, la wanzuri lagd zɩslem sẽn tat kɩlo tus a tãabo, ne sãnem kɩlo tus a tãabo,
27
la sãnem laas pisi, tɩ b ligd tat sãnem wakɩ-koeems tusri, ne zũud la-neeb a yiib sẽn pɩnda, n tar yõod wa sãnemã.
28
Dẽ poore, mam yeel-b lame: «B sẽn welg yãmb toor to-to Sẽn-Ka-Saab yĩngã, te-bãmbã me welga toor a woto Sẽn-Ka-Saab yĩnga. La wanzuri wã ne sãnemã yaa nonglem kũun nebã sẽn kõ Sẽn-Ka-Saab sẽn yaa yãmb yaab-rãmbã Wẽnnaamã.
29
Dẽ wã, bɩ y gũus y meng neere, n ges te-bãmbã yell n tall-b n kẽng Zeruzalɛm, n naag bãmb beenẽ, maan-kʋʋdbã taoor dãmb nifẽ, ne Leevi buudã taoore, la Israyɛll buudã nanambs nifẽ, Sẽn-Ka-Saab roogã ro-bãooneg pʋga.»
30
Dẽ, Maan-kʋʋdbã ne Leevi nebã reega wanzuri wã ne sãnemã, la teed nins b sẽn magã n tall n kẽng Zeruzalɛm n tɩ ning tõnd Wẽnnaamã roogẽ.
31
La pipi kiuugã rasem piig la a yiibã daare, tõnd yii Ahava kʋɩlgã n na n kẽng Zeruzalɛm. La tõnd so-toakã zãng pʋga, tõnd Wẽnnaamã tẽega b nug n sõng tõndo, la b fãag tõnd ne d bɛɛbã, la ne fãadbã sẽn dag n bẽt tõndã.
32
La tõnd sẽn ta Zeruzalɛm, tõnd vʋʋsa rasem a tãabo.
33
La rasem a naasã daare, tõnd kẽng n tɩ maga wanzuri wã ne sãnemã, la te-sõama wã tõnd Wẽnnaam doogã pʋgẽ, n yaool n dɩk-b n kɩs a Uuri biig a Meremot sẽn yaa maan-kʋʋdã. La neb nins sẽn dag n be ne yẽnda wã, yaa a Fine biig a Eleyazaar ne Leevi nebã, a Zozoe biig a Yozabaade, ne a Binui biig a Noadiya.
34
La b sẽn sõd fãa la b naag n sɛ, b gʋlsa zɩslmã zãng sebr pʋga.
35
Neb nins fãa sẽn yi yembdã pʋgẽ n lebg n wa wã maana maoong sẽn yõogd bugum n kõ Israyɛll Wẽnnaamã. Israyɛll nebã fãa yʋʋr yĩnga, bãmb kõo lols piig la a yiibu, pe-raad pis-wɛ la a yoobe, pe-ribli pis-yopoe la a yopoe, ne boees piig la a yiib yel-wẽnã sugr yĩnga. La b yõoga rũm-bãmbã fãa bugum zãng n kõ Sẽn-Ka-Saabo.
36
La rẽndã zugẽ, bãmb rɩka rĩmã koeesã n taas nanambsã ne gʋvɛrneer-dãmbã sẽn yit Efrat kʋɩlgã rʋʋndã sẽn wa n sõng nebã ne Wẽnnaam doogã.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 9 →
All chapters:
1
2
3
4
5
6
7
8
9
10
Recommended Reading
Commentary
Ezra Commentaries
→
Devotional
Ezra Devotional Guide
→
Get This Bible
Mossi MPBU (WẼNNAAM SEBRE ) Study Bible
→