bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezra 5
Ezra 5
Mossi MPBU (WẼNNAAM SEBRE 2014)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 6 →
1
Daar a yembre, Wẽnnaam no-rɛɛsdb a yiibu, a Aaze, ne a Ido biig a Zakari togsa pĩnd-n-bãngr gomde, Zʋɩf-rãmb nins sẽn be Zeruzalɛmã ne Zʋʋda pʋgẽ wã wɛɛngẽ, ne Israyɛll Wẽnnaamã sẽn be ne bãmbã yʋʋre.
2
Dẽ, a Seyaltiyɛll biig a Zorobabɛlle, ne a Yotsadak biig a Zozoe yikame n sɩng Wẽnnaam doogã sẽn be Zeruzalɛmã meebo. La Wẽnnaam no-rɛɛsdbã sẽn be beenẽ wã sõng-b lame.
3
La Wakat-kãng bala, gʋvɛrneer a Tatnayi sẽn so Efrat kʋɩlgã rʋʋndã, ne a Setaar-Boznayi, ne b tʋmd-n-taasã kẽnga bãmb nengẽ n tɩ sok-b yaa: «Yaa ãnda soab n kõ yãmb noor tɩ y lebs n me Wẽnnaam doogã, la y yik a lalsã?»
4
Dẽ, b leb n yeelame yaa: «Togs-y tõnd neb nins sẽn naag roogã meeb pʋgẽ wã yʋyã.»
5
La Wẽnnaam dag n bee ne Zʋɩf-rãmbã kãsem-dãmba. Dẽ, b ka tõog n kɩt tɩ b yals tʋʋmdã ye. B kẽnga taoore, la b gũud b sẽn na n tɩ togs rĩm a Daryuus yellã, la rĩmã sẽn na n tʋm leokr ning tɩ wa yel-kãng wɛɛngẽ.
6
Gʋvɛrneer a Tatnayi sẽn be Efrat kʋɩlgã rʋʋndã, ne a Setaar-Boznayi ne b tʋmd-n-taasã sẽn yit Afarsak sẽn be Efrat kʋɩlgã rʋʋndã gʋlsa sebr n tʋm dĩm a Daryuusi.
7
B gʋlsa sebrã n yeel yaa: «Rĩm a Daryuusi, bɩ y vɩɩmd ne laafɩ la bãane!
8
Tõnd dat n togsa rĩmã, tɩ tõnd gilga Zʋʋda soolmã pʋga, n kẽng Wẽnnaam-kãsengã roogẽ, la d mikame tɩ Zʋɩf-rãmbã lebs n meta roogã ne kug-peesdse, la b ningd ra-bɛd n met a lalsã. B sɩd tʋmda tʋʋmdã ne maag-m-menga, la a kẽngda tao-tao.
9
La tõnd soka kãsem-dãmbã yaa: Ãnda n kõ yãmb noor tɩ y lebs n me ro-kãngã, la y maneg n yik a lalsã?
10
La tõnd leb n soka bãmb n na n bãng neb nins sẽn get tʋʋmdã yellã yʋyã, sẽn na n yɩl n gʋls tʋʋmdã taoor dãmb yʋy n wa kõ yãmba.
11
Ad b sẽn leok tõnd to-to: Tõnd yaa yĩngr la tẽng Wẽnnaamã tʋmtʋmdba, la tõnd lebs n meta roog ning Israyɛll rĩm-kãseng a yembr sẽn dag n me hal yʋʋm zãrã.
12
La tõnd yaab-rãmbã rag n maaname tɩ Wẽnnaam sẽn be yĩngrã sũurã yiki. Dẽ, Wẽnnaam basame tɩ Babilond naab a Nebukatnedzaar sẽn yaa Kalde rãmbã buudã sãam Wẽnd doogã, la a yõg nebã n kẽes yembd Babilonde.
13
La baoosgo, rĩm a Siruus sẽn deeg a naamã tɩ yʋʋmde, a kõo noor tɩ b lebs n me Wẽnnaam doogã.
14
Naab a Nebukatnedzaar dag n wʋka sãnemã ne wanzuri wã teedã sẽn dag n be Wẽnnaam doogã pʋg Zeruzalɛmã, n kẽng n tɩ ning Babilond wẽnd doogã pʋga. La rĩm a Siruus yiisa teedã Babilond wẽnd doogẽ wã n kɩs ned a yembr yʋʋr sẽn boond t'a Sesbatsaare. A Sesbatsaar yaa rĩm a Siruus sẽn dag n yãk ned ning n kɩt t'a lebg Zʋʋda gʋvɛrneerã.»
15
La rĩmã yeela a Sesbatsaar yaa: «Wʋk te-bãmbã, tɩ b sã n wa lebs n me Wẽnnaam doogã a pĩnd zĩigẽ wã Zeruzalɛm tẽngã pʋga, bɩ f kẽng n tɩ ning-b beenẽ.»
16
Yaa rẽ n kɩte, t'a Sesbatsaar wa Zeruzalɛm ka, n wa lebs n yẽbg Wẽnnaam doogã. La sẽn sɩng ne badaare, b meta Wẽnnaam doogã, la a ket nan ka me n sɛ ye.
17
Dẽ wã, sã n taa rĩmã yam, bɩ b kɩt tɩ b vees Babilond dĩm-dãmbã seb-kʋdã pʋse, n ges rĩm a Siruus sã n dag n kõo noor tɩ b lebs n me Wẽnnaam doogã sẽn be Zeruzalɛmã bɩ a ka kõ. La rẽ poore, bɩ rĩmã togs tõnd bãmb yam-yãkr sẽn yaa to-to yel-kãngã wɛɛngẽ.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 6 →
All chapters:
1
2
3
4
5
6
7
8
9
10
Recommended Reading
Commentary
Ezra Commentaries
→
Devotional
Ezra Devotional Guide
→
Get This Bible
Mossi MPBU (WẼNNAAM SEBRE ) Study Bible
→