bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezra 6
Ezra 6
Mossi MPBU (WẼNNAAM SEBRE 2014)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 7 →
1
Woto, rĩm a Daryuus kõo noor tɩ b bao Babilond soolmã sɛb bĩngr dotã pʋse, la zĩig ning b sẽn bĩngd seb-kʋdã.
2
La Ekbatan na-tẽngã sẽn be Meed-rãmbã soolmã pʋgẽ wã, b yãnda seb-pindg sẽn be beenẽ tɩ b gʋls tẽegr koe-kãensã:
3
«Rĩm a Siruus sẽn deeg a naamã pipi yʋʋmde, a kõo noor n yeel yaa: B tog n lebs n mee Wẽnnaam doogã sẽn be Zeruzalɛmã, tɩ yɩ maoong maaneg zĩiga. La b tog n lebg n dɩka pĩnd yẽbgrã. A zãntlemã tog n yɩɩ kãntɩɩg pis-yoobe, t'a yalmã yɩ kãntɩɩg pis-yoobe.
4
Bɩ b ning kug-peesds n tong taab ruls a tãabo, ne ra-paal rulg a yembre. La yaa na-yirã n na n ges tʋʋmdã yaood yelle.
5
Sẽn paase, b tog lebsa teed nins rĩm a Nebukatnedzaar sẽn dag n tɩ wʋk Zeruzalɛm Wẽnd doogẽ wã n kẽng Babilondã, yaa sãnem ne wanzuri teedo. La b tog n tɩ lebsa bũmb fãa a zĩigẽ Zeruzalɛm Wẽnd doogã pʋga.»
6
Rẽndã yĩng kɩtame tɩ rĩm a Daryuus gʋls sebr n kõ gʋvɛrneer a Tatnayi sẽn so Efrat kʋɩlgã rʋʋndã, ne a Setaar-Boznayi ne b tʋmd-n-taasã sẽn be kʋɩlgã rʋʋndã n yeel-b yaa: «Yiis-y y toog yel-kãngã wɛɛngẽ.
7
Bas-y Zʋɩf-rãmbã tɩ b kẽng taoor ne Wẽnnaam doogã meebo. Zʋʋda gʋvɛrneerã, ne b kãsem-dãmbã tog n lebs n mee Wẽnnaam doogã a zĩ-kʋdgẽ wã.
8
Ad mam sẽn kõt yãmb noor tɩ y maan bũmb ninga: ‹Mam datame tɩ y sõng Zʋʋda kãsem-dãmbã b Wẽnnaamã roog meeb pʋgẽ. La yaa yõor-yaood ning b sẽn deeg kʋɩlgã rʋʋnd n wa yao rĩmã, la yãmb na n yãk n yao nin-bãmbã, tɩ tʋʋmdã ra tol n yals ye.›
9
Yãmb tog n kõo Zeruzalɛm maan-kʋʋdbã bũmb ning b sẽn datã daar fãa. Sã n yaa lolse, pe-raado, wall piis sẽn na n maan maoong sẽn yõogd bugum n kõ yĩngr Wẽnnaamã, la y kõ-b koodo, ne yamsem, la reezẽ rãam, ne kaam.
10
Rẽndã yaa sẽn na n sõng-b tɩ b paam kũun n maan maand sẽn yõogd bugum t'a yũugã yaa noog Saasẽ Wẽnnaamã yĩnga. Dẽ, bãmb na n pʋʋsa Wẽnnaam, dĩmã ne a kom-dibli wã vɩɩm yĩnga.
11
La ned sã n kɩɩs mam sẽn yeelã, mam kõta noor tɩ b vik a soabã roog ra-luk a yembr n vigl n luul-a beenẽ, tɩ rẽndã poor bɩ b sarem a roogã t'a lebg tãmpʋʋre.
12
Bɩ Wẽnnaam ning sẽn be Zeruzalɛmã meng sɩbg rĩm ning fãa, wall soolem ning sẽn na n mak n dat n sãam Wẽnnaam doogã, wall a kɩɩs mam yam-yãkrã. Yaa maam a Daryuus n kõt no-kãngã, bɩ b maan wa mam sẽn yeelã zãnga.»
13
Dẽ, gʋvɛrneer a Tatnayi sẽn so Efrat kʋɩlgã rʋʋnd soolmã, ne a Setaar-Boznayi ne b tʋmd-n-taasã saka rĩm a Daryuus noorã, n maan wa a sẽn yeelã.
14
Zʋʋda kãsem-dãmbã kẽnga taoor n me roogã ne tõogre, wa Wẽnnaam no-rɛɛsdb a Aaze ne a Ido biig a Zakari sẽn dag n yeelã. Bãmb mee roogã n sɛ wa Israyɛll Wẽnnaamã sẽn yeelã, la a yɩɩ wa rĩm a Siruus ne rĩm a Daryuus la rĩm a Artagzɛrzɛɛs sẽn yaa Pɛrs-rãmbã rĩm-dãmbã sẽn dag n kõ noorã to-to wã.
15
La b mee roogã n sɛ Adaar kiuugã rasem a tãab daare. Rag n yaa rĩm a Daryuus sẽn deeg a naamã tɩ yʋʋm-yoaablẽ.
16
Israyɛll nebã, ne Maan-kʋʋdbã, la Leevi buudã nebã, ne neb a taabã sẽn yi yembdã pʋg n lebg n wa wã maana Wẽnnaam doogã bark ningr tigr ne sũ-noogo.
17
Wẽnnaam doogã bark ningr yĩnga, b maana maoong ne lols koabga, la pe-raad kobs-yi, ne pe-ribli kobs-naase, la boees piig la a yiibu wa sẽn zems Israyɛll buud piig la a yiibã, n na n maan maoong n kos Wẽnnaam sugr Israyɛll nebã fãa yel-wẽnã yĩnga.
18
La b zĩniga maan-kʋʋdbã wa sẽn zems ned kam fãa ne a zĩiga, la Leevi buudã nebã, wa sẽn zems ned kam fãa ne a tʋʋmde, Zeruzalɛm Wẽnnaamã yĩnga, wa sẽn gʋls a Moyiis tõodã sebr pʋgã.
19
Neb nins fãa sẽn yi yembdã pʋg n lebg n wa wã maana Pak tigri, pipi kiuugã rasem piig la a naasã daare.
20
La maan-kʋʋdbã ne Leevi nebã naaga taab n yɩlg b mense, tɩ b fãa lebg yɩlma. Bãmb maana Pak maoongo, kãsem-dãmbã sẽn yi yembd pʋg n lebg n wa wã, ne b saam-biisã yĩnga, la b mensã yĩnga.
21
Israyɛll neb nins sẽn yi yembdã pʋgẽ n lebg n wa wã naagame n dɩ Pak tigrã. La yaa ne neb nins fãa sẽn welg b mens ne bu-zẽmsã rẽgdã. La b lagma ne b saam-biisã n waoog Sẽn-Ka-Saab sẽn yaa Israyɛll Wẽnnaamã.
22
Dẽ poore, bãmb maana bur sẽn ka rã-bɩll tigrã rasem a yopoe ne sũ-noogo. Bala, Sẽn-Ka-Saab rag n kõo bãmb sũ-noog sɩd-sɩda, b sẽn kɩt tɩ rĩmã tebend bãmb Israyɛll Wẽnnaamã roog meeb wɛɛngẽ wã yĩnga. Bõn-kãng paasa bãmb raoodo, tɩ b tõog n leb n dɩk tʋʋmdã n me Israyɛll Wẽnnaamã roogo.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 7 →
All chapters:
1
2
3
4
5
6
7
8
9
10
Recommended Reading
Commentary
Ezra Commentaries
→
Devotional
Ezra Devotional Guide
→
Get This Bible
Mossi MPBU (WẼNNAAM SEBRE ) Study Bible
→