bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezra 4
Ezra 4
Mossi MPBU (WẼNNAAM SEBRE 2014)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 5 →
1
Wakat-kãnga, Zʋʋda ne Benzame buudã bɛɛbã sẽn wʋm tɩ sẽn yi-b yembdã pʋg n lebg n wa wã lebs n meta Sẽn-Ka-Saab sẽn yaa Israyɛll Wẽnnaamã roogo,
2
bãmb kẽnga a Zorobabɛll ne buudã kãsem-dãmb nengẽ n tɩ yeel-b yaa: «Tõnd dat n sõnga yãmb n me Wẽnnaam doogã. Bala, tõnd pʋʋsda Wẽnnaam ning yãmb sẽn pʋʋsdã. La hal sẽn sɩng ne daar ning Asiiri rĩm a Asaradon sẽn wa ne tõnd ka wã tɛka, tõnd maanda maand ka bãmb waoogr yĩnga.»
3
La a Zorobabɛll ne a Zozoe, ne Israyɛll buudã kãsem-dãmb leoka bãmb yaa: «Yãmb ka na n naag tõnd n me roog n kõ tõnd Wẽnnaamã ye. Tõnd bal n na n me roogã n kõ Sẽn-Ka-Saab sẽn yaa Israyɛll Wẽnnaamã, wa Pɛrs-rãmbã rĩm a Siruus sẽn kõ tõnd noor to-to wã.»
4
Dẽ, tẽngã neb bao n na n booga Zʋʋda nebã raoodo, la b kẽes-b rabeem, sẽn na n yɩlẽ tɩ b bas Wẽnnaam doogã meebo.
5
Dẽ, sẽn sɩng ne Pɛrs-rãmbã rĩm a Siruus sẽn wa n dɩt a naamã, n tɩ tãag rĩm a Daryuus naamã wakate, tẽngã neb kõo sagl-wẽns rãmb yaoodo, sẽn na n yɩl n gɩdg Zʋʋda nebã tɩ b ra tõog n pids b saagrã ye.
6
Pɛrs-rãmbã rĩm a Artagzɛrzɛɛs sẽn wa n deeg a naamã wakate, Zʋʋda nebã bɛɛb gʋlsa sebr n dõd Zʋʋda ne Zeruzalɛm nebã.
7
Rĩm a Artagzɛrzɛɛs naamã wakate, a Bislam, a Mitredate ne a Tabeyɛll n paas ne bãmb tʋmd-n-taasã gʋlsa sebr n kõ Pɛrs-rãmbã rĩmã. La b gʋlsa sebrã ne Aram tẽng buudã goam gʋls-biisi, la b lebg-a ne Aram tẽng buudã goamã.
8
La soolmã gʋvɛrneer a Rehum ne a seb-gʋnd a Simsayi me gʋlsa sebr n gom Zeruzalɛm yelle, n tɩ kõ rĩm a Artagzɛrzɛɛse.
9
Ad sebrã koeese: «Maam a Rehum sẽn yaa gʋvɛrneerã, ne seb-gʋnd a Simsayi, ne bãmb tʋmd-n-taasã sẽn be Dĩn ne Afarsatake, Tarpɛlle, Afaraase, Erɛke, Babilonde, Suuzi, Deha, ne Elam soolmẽ wã,
10
la buud a taabã nebã, nin-kãseng a Asnapaar sẽn dag n yõg n tall n wa Samaari tẽmsã pʋsã, ne zĩis a taabã pʋsã sẽn be Efrat kʋɩlgã rʋʋndã n gʋlsd seb-kãngã n tʋmd rĩm a Artagzɛrzɛɛse.»
11
Sebrã yetame: ‹Rĩm a Artagzɛrzɛɛse, Yãmb tʋmtʋmdbã, ne neb nins sẽn be Efrat kʋɩlgã rʋʋndã yetame:
12
«Tõnd datame tɩ rĩmã bãnge, tɩ Zʋʋda neb nins sẽn yi yãmb nengẽ n lebg n wa tõnd nengẽ Zeruzalɛm tẽngã pʋgã ratame, n lebs n me tẽn-kãngã sẽn yaa tõatã, n yaa wẽnem soabã. Bãmb dat n manega lalsã yẽbgrã, n met-b n zẽkdẽ.
13
N-na! Bãng-y tɩ b sã n tõog n lebs n me tẽngã, la b maneg a lalsã n yiki, nin-bãmbã ka na n leb n sak n yao yaoodã, la b ka na n yao yõor-yãoodã, b ka na n yao sor zug yaoodã me ye. La sã n yaool n yɩ a woto, n-na, yãmb naamã pãng na n boogame.
14
Yaa rẽ yĩnga, tɩ tõnd sẽn dɩt yãmb nugẽ wã yĩnga, tõnd ka tõe n sak tɩ b paoog yãmb ye. Rẽ n kɩte, tɩ tõnd gʋls seb-kãngã n na n togs-yã.
15
Seb-kãngã yaa sẽn na n yɩlẽ tɩ yãmb tõe n vees y yaab-rãmbã kibay sebr pʋga, n ges n bãng yellã sẽn yaa to-to. La yãmb na n yãndame, la y na n bãngame tɩ Zeruzalɛm yaa tẽn-tõtre, la a namsa rĩm-dãmba, la soolem toay-toay nanambse. La sẽn sɩng hal kʋdem-wẽndẽ, tẽn-kãngã yaa rãmbda. Rẽ meng n kɩt tɩ b sãam-a wã.
16
Woto n kɩte, tɩ tõnd wilgd rĩmã, tɩ b sã n lebs n me Zeruzalɛm tẽngã, la b yik a lalsã, yãmb kõn tol n leb n tõog n soog Efrat kʋɩlgã rʋʋnd ned ye.› »
17
Ad rĩmã sẽn gʋls n leok to-to: «Gʋvɛrneer a Rehum, ne seb-gʋnd a Simsayi, la ne b tʋmd-n-taasã sẽn ketã sẽn be Samaari tẽngã ne zĩis a taabã, la Efrat kʋɩlgã rʋʋndã, mam pʋʋsda yãmba!
18
Yaa sɩda, b karma sebr ning yãmb sẽn tʋm maamã vẽeneg mam taoore.
19
Dẽ, mam kõo noor tɩ b vees n gese, la b sɩd mikame tɩ hal kʋdem-wẽndẽ, Zeruzalɛm tẽngã yɩɩ tẽng sẽn kɩɩs rĩm-dãmb noyã, la a sɩd waa ne zũnglgu, la rãmbgo.
20
La hal pĩnda, rĩm-dãmb sẽn tall pãens n sɩd zĩnd Zeruzalɛm tẽngã, n soog tẽms nins fãa sẽn be Efrat kʋɩlgã rʋʋndã, la b rag n deesda yaoodo, la yõor-yaoodo, ne sor zug yaoodo.
21
Rẽ wã, bɩ y kõ noor n kɩt tɩ nin-bãmbã yals lalgã meebo. B ka tog n lebs n me tẽngã tɩ sã n ka maam n kõ noor ye.
22
Gũus-y y mens n da wa reem ne yel-kãngã, n bas-a t'a wa lebg yel-kãseng n paase, n wa ne yell rĩm-dãmbã zug ye.»
23
Dẽ, b sẽn karem rĩm a Artagzɛrzɛɛs sebrã t'a Rehum ne a seb-gʋnd a Simsayi, la b tʋmd-n-taasã wʋma, b yika tao-tao n kẽng Zeruzalɛm tẽngã, Zʋʋda nebã nengẽ, n tɩ modg bãmb ne pãnga, n yeel-b tɩ b yals tʋʋmdã.
24
Woto, b kɩtame tɩ Wẽnnaam doogã sẽn be Zeruzalɛmã tʋʋmd yalse. La tʋʋmdã kell n yalsame hal n tãag Pɛrs-rãmbã rĩm a Daryuus sẽn deeg a naamã tɩ yʋʋm yiiblẽ.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 5 →
All chapters:
1
2
3
4
5
6
7
8
9
10
Recommended Reading
Commentary
Ezra Commentaries
→
Devotional
Ezra Devotional Guide
→
Get This Bible
Mossi MPBU (WẼNNAAM SEBRE ) Study Bible
→