bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Judges 13
Judges 13
Mossi MPBU (WẼNNAAM SEBRE 2014)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Israyɛll nebã leb n maana sẽn yaa wẽng Sẽn-Ka-Saab nifẽ. Dẽ, Sẽn-Ka-Saab basame tɩ Filistẽ-dãmbã soog-b yʋʋm pis-naase.
2
Dan buudã ned a yembr n dag n be Soreya t'a yʋʋr boondẽ t'a Manoake. La a Manoak paga rag n yaa kiiri, a rag n ka tar biig ye.
3
Sẽn-Ka-Saab malɛɛk n vẽneg a meng ne a Manoak pagã n yeel-a: «Sɩdã, fo yaa kiiri, fo ka tar biig ye. La fo na n dɩka pʋg n doga bi-ribla.
4
Moasã, m kot-f lame tɩ f gũus f menga, n da yũ reezẽ rãam, wall bõn-yũudl sẽn yilimd neng ye. La f ra rɩ bũmb sẽn yaa rẽgd ye.
5
Fo na n dɩka pʋg n dog bi-ribla. La barg ka tog n sɩɩs a zugã ye. Bala, bi-kãng na n welga toor n lebg Wẽnnaam dẽnda, t'a nan ket a ma pʋgẽ, la yaa bi-kãngã, n na n sɩng n fãag Israyɛll nebã Filistẽ-dãmbã nusẽ.»
6
La pagã kẽng n tɩ yeela a sɩdã yaa: «Wẽnnaam dao n wa mam nengẽ, la a nengã rag n wẽnda Wẽnnaam malɛɛk nenga, la a gesg ra kõta rabeem. La mam ka sok-a n ges a sẽn yitẽ, la a ka togs maam a yʋʋr me ye.
7
La ad raoã sẽn yeel maam: Gese, fo na n dɩka pʋg n doga bi-ribla, la sẽn sɩng ne moasã, fo ka tog n leb n yũ reezẽ rãam wall bõn-yũudl sẽn yilimd neng ye. La f ka tog n dɩ bũmb sẽn yaa rẽgd ye. Bala, bi-kãngã na n welga toor n lebg Wẽnnaam dẽnda, t'a nan ket a ma pʋgẽ, hal n tãag a yõor tɛka.»
8
A Manoak pʋʋsa Sẽn-Ka-Saab n yeel yaa: «Sẽn-Ka-Saab sẽn yaa mam Wẽnnaam, mam kot-y lame tɩ y kɩt tɩ rao ningã yãmb sẽn dag n tʋmã leb n lebg n wa tõnd nengẽ, n wa wilg tõnd d sẽn tog n maan to-to ne biigã, a rogmã poore.»
9
La Wẽnnaam wʋma a Manoak pʋʋsgã. Dẽ, bãmb malɛɛkã leb n waa pagã nengẽ. Wakat-kãng tɩ pagã zĩi pʋʋgã sʋka, la a sɩd a Manoak rag n ka be ne yẽnda ye.
10
Pagã wudga tao-tao n tɩ yeel a sɩdã yaa: «Rao ningã sẽn wa mam nengẽ nindaarẽ wã leb n waame.»
11
A Manoak yikame n tũ a pagã n kẽng raoã nengẽ, n tɩ yeel-a yaa: «Yaa yãmb n gom nindaarẽ ne pʋg-kãngã wã bɩ?» Malɛɛkã leokame tɩ yaa yẽnda.
12
A Manoak yeelame: «La woto wã, yãmb sẽn yeelã sã n paam pidsgu, bõe ne bõe la tõnd tog n maan sẽn kẽed bi-kãngã wɛɛngẽ?»
13
Sẽn-Ka-Saab malɛɛkã yeela a Manoak yaa: «Bɩ pagã gũus a meng ne bũmb nins mam sẽn wilg yẽnda wã.
14
Bɩ a ra sak n sɩɩs bũmb ning fãa b sẽn maan ne reezẽ tɩɩg biis ye. La a ra yũ reezẽ rãam wall bõn-yũudl sẽn yilimd neng ye. La a ra sak n dɩ bũmb sẽn yaa rẽgd ye. A maan bũmb nins fãa mam sẽn yeel-a wã.»
15
A Manoak yeela Sẽn-Ka-Saab malɛɛkã yaa: «M kot-y lame tɩ y yals tɩ d kʋ bull n segl-yã.»
16
Sẽn-Ka-Saab malɛɛkã yeela a Manoak yaa: «Fo sã n gɩdg maam me, mam ka na n dɩ f rɩɩbã ye. Fo sã n dat n dɩk bõn-kãng n maan maoong sẽn yõogd bugum n kõ Sẽn-Ka-Saabo, bɩ f maane!» A Manoak rag n ka mi tɩ yaa Sẽn-Ka-Saab malɛɛk ye.
17
Dẽ, a Manoak soka Sẽn-Ka-Saab malɛɛkã yaa: «Yãmb yʋʋr la a bõe, tɩ yãmb sẽn yeelã sã n sɩd wa n paam pidsg bɩ tõnd tõe n waoog yãmba?»
18
Sẽn-Ka-Saab malɛɛkã leoka yẽnda yaa: «Bõe yĩng tɩ fo baood n bãng mam yʋʋre? Mam yʋʋrã yaa yel-solemde.»
19
A Manoak rɩka bullã ne bõn-koaadl kũunã n maan maoong sẽn yõogd bugum pĩig kugr zug Sẽn-Ka-Saab yĩnga. Dẽ, a Manoak ne a pagã sẽn yas n get maoongã bugum wakate, yel-soalem n maane.
20
Bugmã sẽn be tẽn-kugrã zug n zẽkd n kuiis yĩngrã wakate, Sẽn-Ka-Saab malɛɛkã kell n tũu bugmã n zẽk n looge. La a Manoak ne a pagã sẽn yãnd bõn-kãnga, b wõgemdame n fõgen b nens tẽnga.
21
Woto, malɛɛkã ka leb n vẽneg a meng ne a Manoak ne a pagã ye. Dẽ, a Manoak bãngame tɩ rag n yaa Sẽn-Ka-Saab malɛɛka.
22
La a Manoak yeela a pagã yaa: «Mam mii vẽeneg tɩ tõnd na n kiime. Bala, tõnd yãnda Wẽnnaam neng ne nenga.»
23
A Manoak pagã leoka a Manoak yaa: «Sẽn-Ka-Saab sã n dag n datẽ tõnd kʋʋbo, bãmb dag n ka na n deeg tõnd maoong sẽn yõogd bugmã ne d bõn-koaadl kũunã ye, la b rag n ka na n sak tɩ tõnd yãnd bũmb nins fãa tõnd sẽn yã wã ye, la b rag n ka na n bas tɩ tõnd wʋm bũmb nins tõnd sẽn wʋmã ye.»
24
A Manoak pagã roga bi-ribla, n pʋd a yʋʋr t'a Samsõ. Biigã bɩɩme, la Sẽn-Ka-Saab ning-a-la barka.
25
Yaa Dan buudã sik zĩig sẽn be Soreya ne Ɛstaoll sʋkã, la Sẽn-Ka-Saab Sɩɩgã sɩng n na n tall yẽnda n tʋme.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21