bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Judges 5
Judges 5
Mossi MPBU (WẼNNAAM SEBRE 2014)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
1
Badaare, a Deboora ne a Abinoam biig a Barak yɩɩlame n yeel yaa:
2
«Israyɛll tẽngã pʋga, Tãb-biisã segl n sɛɛme, tẽngã neb rɩka b meng n kõ ne yamleoogo. Pẽg-y Sẽn-Ka-Saabo.
3
Rĩm-dãmba, kelg-y-yã, na-biisi, yok-y y tʋba! Mam na n yɩɩlame, n pẽg Sẽn-Ka-Saabo, n-yẽe, mam na n yɩɩl n pẽg-ba! Mam na n yɩɩlame n pẽg Sẽn-Ka-Saab sẽn yaa Israyɛll Wẽnnaamã.
4
Sẽn-Ka-Saabo, yãmb sẽn wa n yi Seyɩɩrã tãmsã pʋgã, Wakat ning yãmb sẽn yi hal Edom tẽngã pʋgã, tẽn-gãongã rigimdame, sa-gãongã kiigame, la sawatã rʋʋga koom.
5
Tãmsã sirga Sẽn-Ka-Saab taoore, B sirga wa Sinayi tãngã, b sirga Sẽn-Ka-Saab sẽn yaa Israyɛll Wẽnnaamã taoore.
6
A Anat biig a Samgaar wakate, a Hebɛɛr pag a Zayɛll wakate, kẽn-kẽndb basa b soay tũubu, tɩ so-toagdbã tũ so-gõdem-gõdem.
7
Israyɛll tẽmsã ka leb n tar nanambs ye. B rag n basa Israyɛll tẽmsã, hal tɩ ta daar ning foom a Deboora sẽn yik n lebg Israyɛll ma wã.
8
Israyɛll nebã rag n bas n pʋgda wẽn-sãamse. Rẽ me n kɩte, tɩ zabã pid tẽngã, Israyɛll tãb-biis tus pis-naas rag n ka tõe n paam gãong tɩ b gomd kãnd ye.
9
Mam nonga Israyɛll tãb-biis nanambsã, Mam nonga Israyɛll neb nins sẽn kẽng zabrã ne yamleoogã. Pẽg-y Sẽn-Ka-Saabo.
10
Yãmb dãmb sẽn zao bõn-yãan-peelsã, yãmb dãmb sẽn maneg fu-bʋgs n tɩʋ n zĩẽ wã, yãmb dãmb sẽn kẽnd ne naoã. Tags-y-yã.
11
Bɩ pe-kɩɩmbã sẽn be gaolgẽ wã, naag-y taab n kaas n pẽg Sẽn-Ka-Saabo, b tɩrlem tʋʋmã yĩnga. Bãmb kõo Israyɛll nebã tõogre. Sẽn-Ka-Saab nebã reega tẽngã n pag a kʋɩlemsã.
12
Deboora, neke! Neke! Nek n pʋd yɩɩlle, a Abinoam biig a Barake, yik n tall f sẽn yõg-b rãmbã n looge.
13
Neb nins sẽn põs zabrã pʋgã, zoe n kẽnga nanambsã nengẽ, Sẽn-Ka-Saab nebã yi n segda maam gãndaadã sʋka.
14
Neb nins sẽn tilg Amalɛk-rãmbã soolmẽ wã yii Efrayiim tẽng n wa. Tãb-biis nins sẽn pʋg-b foomã sʋka, a Benzame yagensã naaga be. Tãb-biis nanambs yii Makɩɩr n wa naag n zabe, la neb nins sẽn gʋlsd zab-mitbã yʋyã yii Zabulõ yagensã sʋka.
15
A Isakaar buudã nanambsã tɩ naaga a Deboora, a Isakaar tũu a Barak n kẽng tẽn-nabdrẽ wã. La Rubɛn buudã yẽ, nokoɛɛm wẽeb bal n yɩ b tʋʋmde.
16
Bõe yĩng tɩ fo yas yãgã sʋka, n kelgd pe-kɩɩmbã sẽn boond b rũmsã? N-yẽe, Rubɛn buudã yasame tɩ yaa nokoɛɛm wẽeb bal la b tʋʋmde.
17
Galaad nebã paa Zʋrdẽ kʋɩlgã rʋʋnd n ka serg ye. Bõe yĩng tɩ Dan nebã kẽng n tɩ be koom kogendã sẽn beẽ wã? Asɛɛr buudã kẽng n tɩ bee ko-kãsengã noore, Bãmb tɩ paa koom kogendã yalsg zĩigẽ ko-kãsengã noore!
18
La Zabulõ nebã, ne Neftali yaa nebã sẽn gẽneg b yõore, n kẽng zabrã zĩigẽ.
19
Rĩm-dãmb waame n wa zabe, Kana rĩm-dãmbã wa n zabame, b wa n zaba Taanake, ne Megido koomã noore, la b ka tol n deeg wanzuri tɩ yɩ b yaood ye.
20
Baa ne ãdsã zĩnda yĩngr n zabe, b pa b soayã zut n zab ne a Sizera.
21
Kisõ ko-soogã koom kãaga bãmba, Kisõ kʋdem-wẽndẽ ko-soogã koom n kãag-b lame. Mam na n kẽna ne raoodo!
22
Wiid nao-bend bʋrg rãamd yitame, b zoetame, bãmb zab-zabdbã zoetame.»
23
Sẽn-Ka-Saab malɛɛkã yeelame: «Kãab-y Merooz tẽngã wẽnga, kãab-y-yã a nebã wẽnga! Bala, b ka wa sõng Sẽn-Ka-Saab ye. Bãmb ka wa n naag gãndaadã n sõng Sẽn-Ka-Saab ye.
24
Bɩ Kɛn ned a Hebɛɛr pag a Zayɛll paam bark n yɩɩd pagbã fãa! Bɩ a Zayɛll paam bark n yɩɩd pagb nins fãa sẽn vɩ fu-rot pʋsã!
25
A Sizera kosa yẽnda koom, t'a kõ-a bĩisim! A Zayɛll ninga bĩis-gõeem wam-neer pʋg n kõ-a.
26
A Zayɛll rɩka baaf ne a goabga, n dɩk tʋmtʋmdbã zãar ne a rɩtgo, n ka a Sizera tʋb-kɩrgã ne zãarã, la a Sizera zugã wã,
27
A Sizera yĩgimda a Zayɛll taoore, a lʋɩɩme n dɩg tẽng yẽnda taoore. A Sizera yĩgimdame n vik n lʋɩ tẽng a Zayɛll taoore. A sẽn vik n lʋɩ zĩig ningã, a paa beenẽ n ki.
28
A Sizera ma wã rag n bee roog võorẽ n lɩkd n getẽ, la a kelemd n yetẽ: Bõe yĩng t'a Sizera kut saarã kaoosd waoongo? Yaa a wãn t'a kut saar-dãmbã kẽnd maasg-maasga?
29
La a roog pagb nins sẽn tar yamã leokame, yẽnda mengã me rag n tagsdame:
30
Tõeeme tɩ tãb-biisã wʋkda te-zɛɛdem, tõeeme tɩ b pʋɩta taab te-zɛɛdem, tɩ tãb-biig fãa na n paam pʋg-sad-yɛnga, wall a yiibu. Kũuni: peen-gʋndga, ne peen-neer a Sizera yĩnga. La peend sẽn los gare, ne peen-gʋlem a yiibu, tɩ tõaagdã tar n palgd a bãgdo.
31
Sẽn-Ka-Saabo, kɩt-y tɩ y bɛɛbã me sãam a woto! La y kɩt tɩ sẽn nong-b yãmbã yãge, wa wĩntoog sẽn yãgd ne pãngã fãa.» Dẽ, tẽngã zĩnda bãan yʋʋm pis-naase.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
Recommended Reading
Commentary
Judges Commentaries
→
Devotional
Judges Devotional Guide
→
Get This Bible
Mossi MPBU (WẼNNAAM SEBRE ) Study Bible
→