bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Judges 2
Judges 2
Mossi MPBU (WẼNNAAM SEBRE 2014)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
Sẽn-Ka-Saab malɛɛk yii Gilgall n kẽng Bokim n tɩ yeel Israyɛll nebã yaa: «Mam yiisa yãmb Ezɩpt tẽnga, n tall yãmb n kẽng tẽng ning mam sẽn dag n wẽen n yeel tɩ m na n kõ y yaab-rãmbã. La mam yeelame: Mam ka na n tol n leb n sãam kaool ning mam sẽn maan ne yãmbã ye.
2
Bɩ yãmb da wa saag n maan kaool ne tẽn-kãngã nebã ye. La bɩ y wã bãmb tẽn-kugã. La yãmb ka kelg mam koɛɛgã ye. Yaa bõe tɩ yãmb maan woto?
3
Dẽ, mam yeelame yaa: Mam ka na n leb n dig y bɛɛbã n kõ-y ye. Bãmb na n bee ne yãmba, tɩ bãmb wẽnnaam-dãmbã lebg bẽdg yãmb yĩnga.»
4
Malɛɛkã sẽn gom ne Israyɛll nebã a woto n sɛ, Israyɛll nebã zẽka b koees n yãbe.
5
La bãmb pʋda zĩigã yʋʋr tɩ Bokim sẽn dat n togs tɩ ‹yãbdba›, la bãmb maana maoong beenẽ n kõ Sẽn-Ka-Saabo.
6
A Zozoe kuilsa Israyɛll nebã, la Israyɛll buud fãa kẽng n tɩ kẽ n sooga tẽng ning b sẽn pʋɩ n kõ-a wã.
7
A Zozoe vɩɩmã tɛka, nebã saka Sẽn-Ka-Saabo, la yẽnda kũumã zugẽ, kãsem-dãmb nins sẽn yãnd tʋʋm-kãsems nins fãa Sẽn-Ka-Saab sẽn maan n kõ Israyɛllã vɩɩm tɛka, nebã kell n saka Sẽn-Ka-Saabo.
8
Sẽn-Ka-Saab tʋmtʋmd a Zozoe sẽn yaa a Nun biigã kii a yʋʋm koabg la piiga.
9
B muma a Zozoe soolem ning sẽn yaa yẽnda soolmã pʋgẽ, Timnat-Herɛɛs sẽn be Efrayiim soolem ning sẽn be tãmsã sʋka, Gaas tãngã rɩtgo.
10
Zamaan-kãng nebã fãa me kiime n sak b saam-dãmba, la zamaan a to n pʋgl bãmb n wa, n dag n ka mi Sẽn-Ka-Saabo, la b ka mi tʋʋm-kãsems nins Sẽn-Ka-Saab sẽn maan n kõ Israyɛll nebã me ye.
11
Israyɛll nebã maana sẽn yaa wẽng Sẽn-Ka-Saab nifẽ. Bãmb pʋʋsa Baall wẽn-naandse.
12
Bãmb basa Sẽn-Ka-Saab sẽn yaa b yaab-rãmbã Wẽnnaamã sẽn yiis bãmb Ezɩpt tẽngã, n kẽng n tɩ tũud buud nins sẽn gũbg bãmbã wẽn-naandse. Bãmb wõgemda wẽn-naandsã taoor n pʋʋs-ba, n kɩt tɩ Sẽn-Ka-Saab sũur puugi.
13
Bãmb basa Sẽn-Ka-Saab pʋʋsg n tɩ pʋʋsd Baall ne Astarte rãmba.
14
Sẽn-Ka-Saab sũur puuga ne Israyɛll nebã, la b basame tɩ fãadb fã-ba. Sẽn-Ka-Saab basame tɩ Israyɛll nebã lʋɩ b bɛɛbã sẽn gũbg bãmbã nusẽ, la bãmb dag n ka leb n tar pãng n na n tõog n zab ne b bɛɛbã ye.
15
Rẽ, wakat fãa, Israyɛll nebã sã n kẽng n na n tɩ zabe, Sẽn-Ka-Saab sũurã sẽn ket n puud ne bãmbã yĩnga, b bɛɛbã tõogd-b-la wa Sẽn-Ka-Saab sẽn dag n yeel bãmbã, la wa b sẽn dag n wẽen ne bãmbã. Rẽ kɩtame tɩ yellã pak Israyɛll nebã wʋsgo.
16
Dẽ, Sẽn-Ka-Saab yãka bʋ-kaoodb n lʋɩɩs Israyɛll nebã taoore, tɩ b zabd n fãagd bãmb b fãadbã nusẽ.
17
La Israyɛll nebã kell n ka sak b bʋ-kaoodbã me ye. Bala, Israyɛll nebã basa Sẽn-Ka-Saabo, n koos b mens ne wẽnnaam-dãmb a taab n wõgemd b taoore. Bãmb wẽnemda tao-tao n bas b yaab-rãmbã sẽn dag n tũud sor ning n sakd Sẽn-Ka-Saab tõodã. Bãmb ka sak Sẽn-Ka-Saab tõodã wa b yaab-rãmbã sẽn dag n maanã ye.
18
Sẽn-Ka-Saab sã n dag n yãk bʋ-kaood n kõ Israyɛll nebã, Sẽn-Ka-Saab meng n dag n be ne bʋ-kaoodã a vɩɩm tɛka, n sõngd-a t'a tõogd n fãagd Israyɛll nebã ne b bɛɛbã. Bala, bãmb wõosgã pʋga, la neb nins sẽn maand bãmb pãng n namsd-bã yĩnga, Sẽn-Ka-Saab zoeta bãmb nimbãanega.
19
La bʋ-kaoodã sã n wa n ki, bãmb lebd n wẽnemdame n maan wẽngã n yɩɩg b ba-rãmbã sẽn dag n maanã, n tũud wẽnnaam-dãmb a taaba, la b pʋʋsd-ba, n wõgemded bãmb taoore. La b ka basd b tʋʋm-beedã ne b sũ-keglmã ye.
20
La Sẽn-Ka-Saab sũur puuga ne Israyɛll nebã tɩ b yeele: «Bu-kãngã sẽn sãam mam kaoolã mam sẽn dag n gʋls n kõ b yaab-rãmbã, la b sẽn ka kelg mam goamã yĩnga,
21
mam me ka na n kɩt tɩ b tõog n zab n deeg a Zozoe sẽn ki n bas tẽms ninsã baa a yembr ye.
22
Bõn-kãens na n yɩɩ makr maam a Sẽn-Ka-Saab sẽn na n mak Israyɛll nebã n gese, b na n sak n tũu mam sorã wa b yaab-rãmbã sẽn dag n tũ wã bɩ, bɩ b ka na n tũ.»
23
Dẽ, Sẽn-Ka-Saab basa bu-kãens tɩ b vʋʋse, n ka rig-b tao-tao ye. Sẽn-Ka-Saab rag n ka kɩt t'a Zozoe rig bãmb ye.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21