bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Luke 19
Luke 19
Mossi MPBU (WẼNNAAM SEBRE 2014)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
A Zeezi kẽe Zeriko, n pɩʋʋgd tẽngã,
2
la rao a ye n da be be t'a yʋʋr boond t'a Zaase, a yaa arzɛk soaba, n yaa yaood dɛɛgdbã naaba.
3
Yẽnda rag n baood n yãnda a Zeezi n bãng b sẽn yaa a soaba, la neb kʋʋngã yĩnga, a rag n ka tõe n yãnd-b ye, bala yẽnda yaa rao-koɛɛga.
4
Dẽ, yẽnda wudgame n kẽng taoor n tɩ rʋ wom-sɛɛg n na n ges a Zeezi, bala b rag n tog n tũu beenẽ n looge.
5
La a Zeezi sẽn ta zĩ-kãngã, bãmb nak n gesame n yeel a Zaase yaa: Zaase, sig tao-tao, bala mam tog n siga fo yirã rũndã.
6
A Zaase siga tao-tao n deeg a Zeezi ne sũ-noogo.
7
Nebã sẽn yã rẽ, bãmb fãa yẽgmame n yetẽ t'a Zeezi tɩ siga yel-wẽn-maand yiri.
8
La a Zaase yalsa Zu-soabã taoor n yeel-b yaa: Ade, Zu-soaba, mam na n yãka m paoongã pʋɩ-sʋk n kõ naong rãmba. La mam sã n dag n zãmba ned n deeg a bũmbu, m na n lebsa yẽnda naoor a naase.
9
A Zeezi yeela yẽnda yaa: «Fãagr waa yi-kãngã pʋg rũndã. Bala, nin-kãngã me yaa a Abrahaam yagenga.
10
Bala Ninsaal Bi-riblã waame n na n bao la fãag bũmb nins sẽn dag n menemã.
11
La nebã sẽn kelg gom-kãense, a Zeezi leb n wẽe bãmb yel-bũndi, bala, bãmb da kolga Zeruzalɛm. La nebã rag n tagsdame tɩ Wẽnnaam soolmã na n puka wakat-kãng bala.
12
Dẽ, a Zeezi yeelame yaa: «Na-biig a yembr n da yi n kẽng tẽng sẽn zãr n na n tɩ reeg naam la a wa.
13
Yẽnda boola a tʋmtʋmdb piig n kõ-b mind piig n yeel-b tɩ b yõdg n leeb n paam yõod hal tɩ yẽnda lebg n wa.
14
La a soolmã nebã rag n kisa yẽnda, la b tʋma neb tɩ b pʋgl-a n tɩ yeel yaa: ‹Tõnd ka rat tɩ rao-kãngã soog tõnd ye.›
15
La yẽnda sẽn deeg naamã n lebg n wa, a kɩtame tɩ b bool tʋmtʋmdb nins yẽnda sẽn da kõ ligdã tɩ b wa, tɩ yẽnda bãng ned kam fãa sẽn leeb n paam yõod to-to.
16
Pipi soabã waa n yeelame yaa: ‹Zu-soaba yãmb minnã paama yõod min piiga.›
17
A yeela yẽnda yaa: ‹Be neere, tʋmtʋmd-sõngo, fo sẽn maan sɩd ne bũmb bilfã yĩnga, bɩ f soog tẽms piiga.›
18
La yiib soabã waame n yeele: ‹Zu-soaba, yãmb minnã doga min a nu.›
19
A yeela yẽnda yaa: ‹Fo me soog tẽms a nu.›
20
A to n waa n yeele: ‹Zu-soaba, ad yãmb minnã! Mam dag n vil-a-la ne peend n bĩngi,
21
bala, mam dag n zoeta yãmba, yãmb sẽn yaa nin-toaagã yĩnga. Yãmb dɩkda bũmb ning y sẽn ka rɩgle, la y tigsd bũmb ning yãmb sẽn ka bʋd ye.›
22
Naabã yeela tʋmtʋmd‑kãng yaa: ‹Tʋmtʋmd-wẽnga, mam na n dɩka fo mengã goam n kao fo bʋʋdo. Fo rag n miime tɩ mam yaa nin-toaaga, tɩ mam dɩkda bũmb ning mam sẽn ka rɩgle, la m tigsd bũmb ning mam sẽn ka bʋd ye,
23
dẽ, bõe yĩng tɩ fo ka bĩng mam ligdã bãnkẽ tɩ mam sã n lebg n wa bɩ m deeg-a ne yõodo?›
24
La a yeela neb nins sẽn da be be wã tɩ b reeg min a yembrã a sẽn tarã n kõ ned ning sẽn tar-a min piigã.
25
Bãmb yeela yẽnda yaa: ‹Zu-soaba, yẽnda tara min piiga.›
26
Mam yeta yãmb tɩ b na kõo ned ning sẽn tarã, la ned ning sẽn ka tarã, b na n deega baa bũmb bilf ning yẽnda sẽn tarã.
27
La sẽn keta, tall-y mam bɛɛbã sẽn da ka rat tɩ mam soog-bã n wa ne ka. Kood-y-b mam nifẽ ka.»
28
A Zeezi sẽn gom a woto n sɛ, bãmb lʋɩɩ nebã taoor tɩ b rabd Zeruzalɛm.
29
La bãmb sẽn kolg Bɛtfaaze ne Betani sẽn be tãng ning sẽn boond tɩ oliiv tɩɩs tãngã sẽnẽ, a Zeezi tʋma b karen-biis a yiib,
30
n yeel-b yaa: Kẽng-y tẽng ning sẽn be taoorã, y sã n ta be, y na n yãnda bõn-bil b sẽn loe, tɩ ned nan ka zomb-a ye. Lok-y-yã-a, n wa ne ka.
31
Ned sã n sok yãmb tɩ bõe yĩng tɩ y lokd-a, bɩ y yeel-a tɩ yaa Zu-soabã n dat-a.
32
Neb nins b sẽn da tʋmã kẽngame n tɩ mik tɩ yaa wa a Zeezi sẽn da yeel bãmbã bala.
33
La bãmb sẽn lokd bõn-bilã, a soaadbã soka bãmb tɩ yaa bõe tɩ b lokd bõn-bilã.
34
B leokame tɩ Zu-soabã dat-a lame.
35
La b talla bõn-bilã n wa a Zeezi nengẽ, n paal b fut a poorã n kɩt t'a Zeezi zombe.
36
La bãmb sã n kẽngdẽ, nebã yɛɛta b futã sorã zugu.
37
Bãmb sẽn kolgd Zeruzalɛm, oliiv tɩɩs tãngã sigdg sẽnẽ, bãmb karen-bi-kʋʋngã fãa sɩngame n zẽk b koees n pẽg Wẽnnaam ne sũ-noogo, bõn-bãnã fãa bãmb sẽn yã wã yĩnga.
38
Nebã da yetame tɩ yaa: Wẽnd na bark rĩm ning sẽn wat ne Zu-soabã yʋʋrã! Laafɩ bee arzãna, la ziir bee hal yĩngri.
39
Fariizẽ-dãmbã kẽer sẽn dag n be neb kʋʋngã sʋk yeela a Zeezi tɩ b leng b karen-biisã tɩ b sĩndi.
40
A Zeezi leokame yaa: Mam yeta yãmb tɩ b sã n sĩndi, kugã na n kelmame!
41
Bãmb sẽn kolg Zeruzalɛm, a Zeezi sẽn yã tẽngã, b yãba a yĩng n yeele:
42
Fo me sã n da bãngẽ bũmb ning sẽn wat ne fo laafɩ wã rũndã! La moasã b solga ne foom.
43
Wakat n wat tɩ fo bɛɛba na n me bõn-yood n gilg foom. B na n gũbga foom n dɩdg-f zĩiga fãa.
44
B na n sarma foom ne f kambã sẽn be fo pʋgẽ wã, la b kõn bas kugr baa yembr kugr a to zug fo pʋgẽ ye, fo sẽn ka bãng wakat ning fo fãagrã sẽn wa wã yĩnga.
45
A Zeezi kẽe wẽnd doogẽ wã n sɩng n dig koaasdbã,
46
n yeel-b yaa: A gʋlsame tɩ: «Mam doogã na n yɩɩ pʋʋsg roogo, la yãmba, y maan-a lame t'a lebg wagda geongo.»
47
A Zeezi da zãmsda nebã daar fãa wẽnd doogã pʋgẽ. La maan-kʋʋdbã kãsem-dãmba ne gʋlsdbã la tẽngã kãsem-dãmb dag n baood n na n kʋʋ bãmba.
48
La bãmb da ka mi b sẽn na n maan to-to ye, tɩ bõe nebã fãa rag n yong n kelgda a Zeezi.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24