bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Luke 2
Luke 2
Mossi MPBU (WẼNNAAM SEBRE 2014)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Wakat-kãnga, rĩm a Sezaar Ogust yiisa tõog n yeel tɩ b sõd dũniyã nebã fãa.
2
Sõd-kãng sẽn yɩ dẽenem soabã zĩnda Siiri Gʋvɛrneer a Kiriniyuus zamaanẽ.
3
Ned kam fãa dag n kuiisa a meng tẽngẽ tɩ b tɩ sõd-a.
4
A Zozɛf me yii Nazarɛt sẽn be Galɩle soolmẽ n kẽng a Davɩɩd tẽngẽ wã sẽn boond tɩ Betlehɛm n be Zʋʋde soolmẽ, yẽ sẽn yaa a Davɩɩd buud la a yagengã yĩnga.
5
Yẽnda kẽnga be ne a pʋg-bil a Maari tɩ b sõd-a. La a Maari da tʋtame.
6
La bãmb sẽn be be, a Maari rogem wakat taame.
7
La yẽnda roga a pipi biigã, n vil-a ne peend n gãneg rũms rɩɩb koglg pʋgẽ, weer sẽn ka be sik-zĩigẽ wã yĩnga.
8
La tẽn-kãng pʋgẽ, pe-kɩɩmb n dag n be we-kɛɛng ne yʋng n gũud b piisi.
9
Zu-soabã malɛɛk puka a meng ne bãmba, la Zu-soabã ziir vẽenem yãgame n gũbg bãmba. Dabeem kãseng yõka bãmba.
10
La malɛɛkã yeel-b lame yaa: «Da zoe-y rabeem ye. Bala, mam togsda yãmb koe-noog sẽn na n wa ne sũ-no-kãseng nebã fãa yĩnga.
11
Fãagd la b rog yãmb yĩng dũndã, a Davɩɩd tẽngẽ wã. Bãmb la Kirisã, Zu-soabã.
12
Ad bãnd ning sẽn na n kɩt tɩ yãmb bãng bãmba: Yãmb na n yãnda bi-pɛɛlg sẽn vil ne peend n gãe rũms rɩɩb koglgẽ.»
13
La zĩig pʋgẽ bala, malegs wʋsg yii arzãn n wa n paas malɛɛkã n pẽgd Wẽnnaam n yetẽ:
14
«Wẽnnaam sẽn be hal saasẽ-saasẽ wã paam pẽgre! La laafɩ zĩnd dũniyã zugu, neb nins bãmb sẽn nongã sʋka.»
15
Malegsã sẽn bas bãmb n leb n leb arzãna, pe-kɩɩmbã yeela taab yaa: «Wa-y tɩ d kẽng Betlehɛm n tɩ ges bũmb ning sẽn maan tɩ Zu-soabã togs tõndã.»
16
Bãmb kẽnga tao-tao n tɩ yã a Maari ne a Zozɛfe, la bi-pɛɛlgã sẽn gãe rũms rɩɩb koglgẽ wã.
17
Bãmb sẽn yã bi-pɛɛlgã, b togsa bũmb nins fãa b sẽn dag n gom ne bãmb biigã wɛɛngẽ wã.
18
Yellã linga neb nins fãa sẽn wʋm bũmb nins pe-kɩɩmbã sẽn togsd bãmbã.
19
A Maari bĩnga gom-kãens fãa a sũurẽ n tagsd b yelle.
20
Pe-kɩɩmbã lebgame, n waoogd Wẽnnaam la b pẽgd bãmba, bũmb nins fãa bãmb sẽn wʋme, la b sẽn yã tɩ sɩd yaa wa malɛɛkã sẽn dag n togs bãmbã yĩnga.
21
La rasem a nii daarã sẽn yaa biigã bãong kẽesg daarã sẽn ta, b pʋda a yʋʋr t'a Zeezi, wala malɛɛkã sẽn dag n yeel sẽn deng a ma sẽn na n dɩk a pʋgã.
22
La a Maari ne biigã yɩlgr wakat sẽn pidi, wa sẽn zems ne a Moyiis tõogã, yẽnda ne a Zozɛf talla biigã n kẽng Zeruzalɛm n na n tɩ kõ Zu-soabã.
23
Bãmb maana wa sẽn gʋls Zu-soabã tõog pʋgẽ wã. A yetame: «Bi-ribl fãa sẽn yaa a ma bi‑rẽenga, b tog n dɩk‑a lame n kõ Zu-soabã.»
24
La b maana wal a yiib bɩ manwan-bi a yiib maoongo, wa sẽn gʋls Zu-soabã tõog pʋgẽ wã.
25
La mik rao a yembr n dag n be Zeruzalɛm n boond t'a Sɩmyõ. Rao-kãng dag n yaa nin-tɩrga, la a sakda Wẽnnaam. Yẽnda dag n gũuda Israyɛll belsgo, la Sɩɩg-sõng dag n bee a zugu.
26
Sɩɩg-sõng dag n wilg-a lame t'a kõn ki, hal t'a yã Kirisã, Zu-soabã sẽn na n tʋmã.
27
Sɩɩg-sõng kɩtame t'a Sɩmyõ kẽng wẽnd doogẽ wã. La a Zeezi ba wã ne b ma wã sẽn tall bãmb n wa n na n pids bũmb ning tõogã sẽn yetã,
28
a Sɩmyõ deega biigã a nusẽ, n pẽg Wẽnnaam n yeele:
29
Zu-soaba! Moasã, yãmb basa y tʋmtʋmdã t'a loogd ne laafɩ. Wa yãmb sẽn dag n yeelã,
30
mam nin yãnda fãagr ning yãmb sẽn kõ tõndã,
31
fãagr y sẽn segl nebã fãa nifẽ wã.
32
A yaa vẽenem sẽn vẽnegd bu-zẽmse, la a yaa Israyɛll sẽn yaa yãmb nebã ziiri.
33
B sẽn gom a Zeezi yell a woto wã yɛɛsa b ba ne b ma.
34
A Sɩmyõ ning-b-la barka, la a yeel a Zeezi ma a Maari yaa: Ad bi-kãngã waa Israyɛll neb wʋsg lʋɩɩse la b yikr yĩnga, la a na n yɩɩ bãnd neb sẽn na n zãgse.
35
A na n puka neb wʋsg sũy pʋsẽ yɛla, la sũ-sãang sẽn wẽnd sʋʋg sẽn kõs ned n na n paam foom.
36
Wẽnnaam no-rɛɛs-poak a ye n dag n be be. A yʋʋr la a Ãnde, a Fanuwɛll bi-pugla, n yaa a Azɛɛr buudu. A ra kʋʋla wʋsgo. A zĩnda ne a sɩdã yʋʋm a yopoe a pʋg-sademd wakate,
37
n lebg pʋg‑kõore, n kell n paa a woto. La baa ne a sẽn tar yʋʋm pis-nii la a naasã, a dag n ka yit wẽnd doogẽ wã ye. A dag n maanda Wẽnnaam tʋʋmd wĩntoog ne yʋngo, ne no-loeer la pʋʋsgo.
38
Yẽnda me waa wẽnd doogẽ wã wakat-kãng bala. Yẽnda dag n pẽgda Wẽnnaam la a gomd biigã yell ne neb nins sẽn dag n gũud Zeruzalɛm fãagrã a Zeezi yelle.
39
La bãmb sẽn pids bũmb fãa wa sẽn zems Zu-soabã tõogo, a Zozɛf ne a Maari leb n leba b tẽngẽ, Nazarɛte.
40
Biigã rag n bɩtame, la a pãng paasdame, la a da pida ne yam, la Wẽnnaam barkã da bee a zugu.
41
A Zeezi ba-rãmbã dag n kẽngda Zeruzalɛm yʋʋmd fãa, Pakã tigr yĩnga.
42
A Zeezi sẽn ta yʋʋm piig la a yiibu, b kẽnga Zeruzalɛm wa sẽn zems tigrã miningu.
43
La tigrã sẽn sa tɩ bãmb lebg n kuiisẽ, biig a Zeezi paa Zeruzalɛm, la b ba-rãmbã ka bãng ye.
44
Bãmb sẽn dag n tags t'a Zeezi bee b kẽnd-n-taasã nengẽ wã yĩnga, b kẽna daar a ye kẽnde, n yaool n gẽes a Zeezi b mitinsã sʋka.
45
La b ka yãnd-b ye. La b lebg n lebda Zeruzalɛm la b gẽesd a Zeezi.
46
Rasem a tãab daarã, bãmb yãnda a Zeezi wẽnd doogẽ wã tɩ b zĩ karen-saam-dãmbã sʋk n kelgd-b la b sogsd-b sokdse.
47
A Zeezi bãngrã ne b leokdsã linga neb nins fãa sẽn da wʋmd bãmbã.
48
A Zeezi ba-rãmbã sẽn yãnd-bã, b yɛɛsame. A Zeezi ma wã yeel-b lame yaa: M biiga, yaa bõe tɩ fo maan tõnd a woto? Gese, maam ne f baaba baoo foom ne sũ-sãanga.
49
A Zeezi yeel-b lame yaa: Bõe yĩng tɩ yãmb da baood maam? Yãmb ka mi tɩ mam maanda tʋʋmd m ba wã roogẽ la?
50
La bãmb ka wʋm bũmb ning a Zeezi sẽn da gomd ne bãmbã võor ye.
51
Dẽ poore, a Zeezi tũu bãmb n leb Nazarɛte, la b saka bãmb noore. Bãmb ma wã dag n bĩngda bõn-kãens fãa a sũurẽ.
52
A Zeezi rag n bɩtame, tɩ b yamã paasdẽ, la b paama Wẽnnaam barka la ninsaalb rẽnd me.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24