bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Luke 4
Luke 4
Mossi MPBU (WẼNNAAM SEBRE 2014)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
A Zeezi sẽn pid ne Sɩɩg-sõngo, bãmb yii Zʋrdẽ n lebg n wa, la Sɩɩgã talla bãmb n kẽng weoogẽ.
2
La Sʋtãanã maka bãmb beenẽ dasem pis-naase. La dasem kãens pʋgẽ, bãmb ka tol n dɩ bũmb ye. La rẽ sẽn looge, kom yaool n yõka bãmba.
3
Dẽ, sʋtãanã yeela bãmb yaa: «Yãmb sã n yaa Wẽnnaam Bi-ribla, bɩ y yeel kug-kãensã tɩ b lebg buri.»
4
La a Zeezi leoka yẽnda: «A gʋlsame: «Ninsaal kõn vɩ ne rɩɩb bal ye.»
5
Rõatã talla bãmb n dʋ yĩngr n paase, n wilg bãmb dũniyã soolem dãmbã nif kamsg pʋgẽ,
6
n yeel-b yaa: «Mam na n kõo yãmb dũni naamã fãa, ne soolem kãensã ziirã, bala, b kõ-a-la maam, la mam kõt-a la m sẽn dat a soaba.
7
Dẽ, yãmb sã n wõgemd mam taoore, a fãa na n lebga yãmb n so.»
8
A Zeezi leok-a lame n yeele: B gʋlsame: «Waoog Zu-soaba, fo Wẽnnaam, la f pʋʋs bãmb b yembr bala.»
9
Rõatã leb n talla a Zeezi yɛs n kẽng Zeruzalɛm, n yals bãmb wẽnd doogã zug n yeel-ba: Yãmb sã n yaa Wẽnnaam Bi-ribla, bɩ y yɩk ka n tiimd tẽnga.
10
Bala, b gʋlsame: ‹Bãmb na n yeela b malegsã tɩ b gũ yãmba,
11
la malegsã na n zãa yãmb ne b nusi, sẽn na n yɩl tɩ yãmb naoor da wa n lak kugr ye.› »
12
A Zeezi leoka yẽnda tɩ b gʋlsame: «Ra mak Zu-soaba, fo Wẽnnaamã ye.»
13
Rõatã sẽn mak a Zeezi ne makr buud toor-toor n sɛ, a loogame n bas bãmba, hal tɩ ta a sẽn na n leb n paam weer a to n mak-ba.
14
A Zeezi lebg n leba Galɩle ne Sɩɩg-sõngã pãnga. La bãmb yʋʋrã saaga soolmã fãa.
15
A Zeezi dag n zãmsda nebã karen-dot pʋse, la nebã fãa rag n pẽgda bãmba.
16
A Zeezi kẽnga Nazarɛte, tẽng ning b sẽn dag n wub bãmbã. La vʋʋsg daare, bãmb kẽe karen-doogẽ wã wa bãmb sẽn minim n maandẽ wã. Bãmb yikame n na n karem.
17
La b kõo bãmb Wẽnnaam no-rɛɛs a Ezayi sebre. Bãmb laka sebrã, n yãnd zĩig ning b sẽn da gʋls n yeel tɩ:
18
«Zu-soabã Sɩɩg bee mam zugu, bala, b kõ maam pãng tɩ m togs koe-noogã naong rãmb sʋka. Bãmb tʋma maam tɩ m tɩ moon yembsã yolsg koɛɛga, la m moon n togs zoensã, tɩ b na n leb n paama b nini, la m kɩt tɩ neb nins b sẽn namsdã loog ne lohorem,
19
la m moon bark yʋʋmd Zu-soabã sẽn kõtã.»
20
A Zeezi pila sebrã n kɩs tʋmtʋmdã la b zĩndi. Nebã fãa sẽn be karen-doogẽ wã dag n geta bãmba.
21
A Zeezi sɩngame n gom ne-b n yeele: «Gʋls-sõng‑kãngã yãmb sẽn wʋm moas-moasã wã paama pidsg rũndã.»
22
La nebã fãa dag n kɩta bãmb kaset n pẽgd bãmba, gom-sõamy nins sẽn dag n yit bãmb noorẽ wã yĩnga. La bãmb dag n yetame: «Bãmb ka a Zozɛf biigã wɛ?»
23
A Zeezi yeel-b lame yaa: Mam miime tɩ yãmb na n wẽe maam yel-bũn‑kãnga: «Tɩpa, tɩp f meng f toor n sãooge, la bɩ y maan bũmb nins fãa yãmb sẽn maan Kapɛrnaom tɩ tõnd wʋma, y tẽngẽ ka.»
24
A Zeezi leb n yeel-b lame yaa: «Sɩda, mam yeta yãmb tɩ Wẽnnaam no-rɛɛs baa a yembr zɩ n paam tɩ b reeg-a sõama a meng tẽngẽ ye.
25
Mam yeta yãmb sɩd t'a Eli wakate, yĩngr sẽn pag tɩ saag ka ni yʋʋm a tãab la kiis a yoobe, tɩ kom kãseng kẽ tẽngã fãa wã, pʋg‑kõap wʋsg n dag n be Israyɛlle.
26
Baoosgo, Wẽnnaam ka tʋm a Eli pʋg‑kõor baa a yembr nengẽ, sã n ka Sɩdõ soolem pʋg‑kõor a yembr sẽn dag n be Sarɛpta nengẽ bala.
27
La Wẽnnaam no-rɛɛs a Eliize wakate, yĩn-gãong bãas sẽn tar b rãmbã me rag n yaa wʋsg Israyɛlle. La baoosgo, baa a yembr bãmb sʋkã ka paam yɩlgr ye, sã n ka Siiri rao a Naama bala.»
28
Nebã fãa sẽn dag n be karen-doogẽ wã sẽn wʋm gom kãensã, b sũyã puugame.
29
Dẽ, bãmb yikame n veo a Zeezi n yiis tẽngã, n tall-b n tɩ ta tãng ning bãmb tẽngã sẽn tiẽ wã zugu, n na n tus bãmb tɩ b yi tãngã zug n lʋɩ.
30
La a Zeezi tũu bãmb sʋk bal n looge.
31
A Zeezi kẽnga Kapɛrnaom, Galɩle tẽng a ye, la bãmb dag n zãmsda nebã vʋʋsg daare.
32
La bãmb zãmsgã yɛɛsa nebã. Bala, bãmb dag n zãmsda ne noore.
33
Dao a yembr n dag n be karen-doogẽ wã tɩ zĩn-dẽgd tar-a.
34
A kelma ne pãng n yeele: «Hey! Nazarɛt dao a Zeezi, yãmb data tõnd ne bõe? Yãmb waame n na n sãam tõnd la? Mam mii yãmb sẽn yaa ned ninga. Yãmb yaa Wẽnnaam sõmblem soaba.»
35
A Zeezi tãsa yẽnda n yeel-a: «Sĩndi, la f yi n bas raoã.» Zĩnã luba raoã nebã sʋka, la a yi n bas-a n ka maan-a wẽng baa bilfu.
36
Nebã fãa yɛɛsame n gomd ne taab n yetẽ tɩ koe-kãngã yaa bõe koɛɛga? Bãmb tara noor la pãnga, tɩ b sã n yeel zĩn-dãmb nins sẽn yaa rẽgdã tɩ b yi, b yitame.
37
La a Zeezi yʋʋrã dag n saagda soolmã fãa.
38
A Zeezi sẽn yi karen-doogẽ wã, b kẽnga a Sɩmo yiri. A Sɩmo reem-poakã yĩns rag n wɩnga hal wʋsgo, la b kosa a Zeezi tɩ b maag-a.
39
A Zeezi sulga a zugẽ n tãs yĩn-wɩngrã, la a yĩn-wɩngrã sigame. La wakat-kãng bala, a yikame n maan-b sãando.
40
Wĩndg sẽn kẽ, neb nins fãa sẽn dag n tar‑b bãad-dãmba, bãas buud toay-toay sẽn tare, tall-b lame n wa a Zeezi nengẽ. A Zeezi tika bãmb ned kam fãa ne b nusi, n maag-ba.
41
Zĩn-dãmb me dag n yit n basda neb wʋsgo, la b kelemdẽ n yetẽ: «Yãmb yaa Wẽnnaam Bi-ribla.» La a Zeezi dag n tãsda bãmba, n gɩdgd-b tɩ b ra gom ye. Bala, zĩn-dãmbã rag n miime t'a Zeezi yaa Kirisã.
42
Beoogã sẽn vẽege, bãmb yiime n kẽng zĩig sẽn yaa we-rasempʋɩɩga. Neb kʋʋngã sɩngame n gẽesd bãmba, n wa n ta bãmb nengẽ. Bãmb dag n datame n gɩdg a Zeezi tɩ b ra loog n bas-b ye.
43
La a Zeezi yeel-b lame: «Yaa tɩlɛ tɩ mam moon Wẽnnaam soolem koe-noogã tẽms a taabã me. Bala, yaa bõn-kãng yĩng la b sẽn tʋm maamã.»
44
La a Zeezi dag n moonda koe-noogã Galɩle karen-dotã pʋse.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24