bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Galatians 1
Galatians 1
Marwari Bible
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
1
ओ कागद पौलुस री तरफ ऊं है। जिणनै प्रेरित होणै रौ हक मिनखां री तरफ ऊं कोनीं, पर परभु यीसु मसीह अर पिता परमेसर री तरफ ऊं है। यीसु मसीह नै मरयोड़ौ मे ऊं जीवता करिया।
2
आ चिठ्ठी गलातिया री कलीसिया रै नाम, सगळै मसीह भाइयो री तरफ ऊं है जिकौ म्हारै खनै है।
3
पिता परमेसर अर परभु यीसु मसीह ऊं थांनै दया अर सानति मिळती रैवै।
4
यीसु मसीह अपणै आप नै अपांरै पाप वास्तै दे दिया, ताकी म्हौरै पिता परमेसर री इछा ऊं म्हौ इण पाप री दुनिया ऊं छूट सकौ।
5
उणौरी सौभा जुग जुग होती रैवै। आमीन।
6
म्हनै अचूम्बो होवै है की जिकौ परमेसर थांनै मसीह री दया मे बुलाया, थै इता वेगा ही उण ऊं फिर नै दूजा सुभ संदेस नै मांनण लागा हो।
7
पण दूजौ कोई सुभ संदेस है ई कोनीं। कीं लोग ऐड़ा है जिकौ थांनै भरमा दैवै। वे मसीह रा सुभ संदेस नै बिगाड़णौ चावै है।
8
पण चाहे म्हौ हो या कोई सरगदूत थांनै जिकौ सुभ संदेस म्हौ सुणायो उणनै छोड़नै कोई दूजौ सुभ संदेस सुणावै, तो उणरौ सतियानास होवैला।
9
ज्यूं म्हौ पैला कयौ हो, पाछौ वळै कैवूं हूं, की जिकौ सुभ संदेस म्हैं सुणायो उणनै छोड़नै कोई दूजौ सुभ संदेस सुणावै, तो उणरौ सतियानास होवैला।
10
म्हैं मिनखां री मांनू के परमेसर री मांनू? कांई म्हैं मिनखां नै राजी करणा चावूं? जे अबै तांई म्हैं मिनखां नै राजी राखतौ तो, मसीह रौ दास नीं होवतो।
11
हे भाइयो, म्हैं थांनै ओ बता दूं की जिकौ सुभ संदेस म्हैं थांनै सुणायो हूं, वो मिनखां रै बणायोड़ो कोनीं है।
12
क्यूंकै ओ म्हनै मिनखौ ऊं कोनीं मिळियौ है अर नीं कोई म्हनै सिखायौ है। पर ओ म्हारै माथै खुद यीसु मसीह परगट करयौ है।
13
थै सुण चुका हो की जद यहूदी मत मे पैला हो, तो म्हारी चाल चलण कैड़ी ही? म्हैं परमेसर री कलीसियाओ नै घणी सतातो हो अर उणनै नास करतौ हो।
14
यहूदियो मे म्हारी उमर रा घणा लोगां ऊं म्हैं आगै हो। क्यूंकै म्हारै बापदादों रै यहूदी रीति रिवाज नै मांनणा रौ म्हनै घणौ जोस हो।
15
पण परमेसर म्हनै म्हारी मां रा पेट मे ही चुण लियौ हो अर आपरी करपा मे म्हनै बुलायौ हो।
16
परमेसर री इछा ही, की वे म्हारै मे आपरै बेटे नै परगट करै अर म्हैं जिकौ यहूदी नीं है उणमे उणरौ सुभ संदेस सुणाऊं अर इण वास्तै म्हैं किणी मिनखौ री सला कोनीं ली।
17
अर नीं ही म्हैं उण लोगां खनै यरुसलेम गियौ, जिकौ म्हारै ऊं पैला प्रेरित हा, बल्कि म्हैं हाथोहाथ अरब देस गियौ अर उठै ऊं पाछौ दमिसक नगर आयौ।
18
पछै तीन साल बाद मे पतरस ऊं मिलनै यरुसलेम नगर गियौ अर पनरा दिन उणरै खनै रियौ।
19
पण परभु रा भाई याकूब नै छोड़नै कोई दूजा प्रेरित ऊं कोनीं मिळियौ।
20
जिकौ बातां म्हैं थांनै लिखूं हूं, परमेसर नै साथै राखनै कैवूं की ऐ बातां झूठी कोनीं।
21
इणरै पछै मे सीरिया अर किलिकिया देसो मे आयौ।
22
पण यहूदिया देस री कलीसियाओ मसीह मे ही, जिकौ म्हनै कदैई देख्यौ कोनीं हो।
23
अर आ सुणती ही, की जिकौ मसीह रा लोगां नै सतातो हो अर सुभ संदेस माथै विसवास करणैवाळौ रौ नास करतौ हो। आज वोहीज सुभ संदेस रौ परचार करै है।
24
वा कलीसिया म्हारी ऐ बातां सुणनै परमेसर री सौभा करती ही।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
All chapters:
1
2
3
4
5
6