bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Galatians 5
Galatians 5
Marwari Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
मसीह अपांनै आजाद रैवण वास्तै ही आजाद करिया है। इण खातर थै, पाछा गुलामी रै जुआ में मत जुतो।
2
देखौ, म्हैं पौलुस थौरे ऊं कहूं के, अगर थै खतनो करायनै मूसा रै कायदे में जाओला, तो थौरे वास्तै मसीह में कोई फायदो नीं होवैला।
3
तो भी म्हैं खतनो कराण चावण वाळा नै वळै कहूं के, उणनै मुसा रा हरैक कानुन मांनणा पड़ैला।
4
जिकौ मूसा रै कायदे ऊं धरमी बणणौ चावै, वो मसीह ऊं अलग हो गिया है अर परमेसर री दया नै गमा दी है।
5
पर अपां परमेसर रै सांमै धरमी स्वीकार करणै री बाट जोवा हा, जिकौ विसवास अर आतमा री सगति ऊं रैवैला।
6
मसीह में नीं तो खतना वाळा रौ कीं मोल है अर नीं ही बिना खतना वाळा रौ। मोल विसवास रौ है, जिकौ परैम ऊं पैदा होवै।
7
थै तो मसीह में सावळ हालता हा। थांनै कुण हाच रै मारग माथै हालता रोक दिया?
8
हाच माथै चालनै ऊं रोकण वाळी सीख परमेसर री तरफ ऊं कोनीं है। जिकौ थांनै बुलाया है।
9
याद राखौ, “थोड़ोक खमीर पूरै आटे नै फुला दैवै।”
10
म्हनै परभु में थौरे माथै पूरौ भरोसौ है के थै, डिगोला कोनीं। पर जिकौ थांनै डिगाणा री कोसीस करै, वो कोई भी क्यूं नीं हो, उणनै परमेसर जरुर सजा देवेला।
11
पर हे भाइयो, कीं लोग म्हारै माथै ओ आरोप लगावै है के, म्हैं खतना रौ परचार करूं हूं। कांई म्हैं खतना रौ परचार करूं हूं? अगर म्हैं ऐड़ौ करतौ तो, मसीह री सूली रा परचार करणै रै कारण म्हनै जुरम नीं सैहन करणा पड़ता।
12
भलौ ओहीज होवतो जिकौ लोग थांनै डावाडोल करै, वे आपरा खतना रै साथै आपरौ अंग भी काट देवणो चाहीजै।
13
हे भाइयो, थै परैम ऊं एक दूजा री सेवा करौ। थै जांणौ हो के, थांनै परमेसर आजाद रैवण वास्तै बुलाया है। ऐड़ौ नीं होवै के, थै सरीर रा भोग विलास में पड़ जाओ।
14
क्यूंकै, “अपणै पड़ोसी नै खुद ज्यूं परैम करणै ऊं ही मुसा रा सगळा कानुन पूरा हो जावै।”
15
पर अगर थै लोग एक दूजा नै काट नै फाड़ना रा मौका में रैवौ, तो याद राखजौ थै एक दूजा रौ सितियानास करौ हो।
16
पर म्हैं कहूं हूं के, थै पवितर आतमा रै कैणै में चालो अर सरीर री वासना ऊं बचयोड़ा रैवौ।
17
सरीर री वासना पवितर आतमा ऊं उलटी हालिया करै अर पवितर आतमा सरीर री वासना ऊं उलटी चालै। ऐ दोनो आपस में एक दूजा रा बैरी है। इण वास्तै जिकौ थै करणी चावौ, वो नीं कर सकौ।
18
थै पवितर आतमा में चालो ला, तो थै मूसा रै कायदे रा गुलाम कोनीं रोला।
19
सरीर रा कांम तो सांमै है, ज्यूं व्यभिचार, भूंडा कांम अर लुचापणो।
20
मूरती पूजा, टोटका, बैर, झगड़ा, रीस, विरोध, सवारथ, फूट अर अधरम।
21
मन में रीस, नसो अर भोग विलास जैड़ा घणा कांम है जिणरै बारै में म्हैं थांनै पैला कैह दियौ हो। ऐड़ा कांम करण वाळा परमेसर रा राज में वारिस नीं होवैला।
22
आतमा रौ फळ तो परैम, सानति, आंणंद, धीरज, करपा, भलाई, नरमाई,
23
मेळ अर खुद नै बस मे राखणौ है। ऐड़ै कांमां रै विरोध मे कोई व्यवस्था कोनीं है।
24
जिकौ लोग यीसु मसीह रा है, वे सरीर रा लालच अर बुरी इछाओ नै सूली माथै चढ़ा दी है।
25
अगर अपां पवितर आतमा ऊं जीवता हा तो अपांनै पवितर आतमा रै कैणै में चालणौ चाहीजै।
26
अपां घमंडी होयनै एक दूजौ नै नीं छेड़ो अर नीं एक दूजा वास्तै मन में रीस राखौ।
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6