bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Galatians 2
Galatians 2
Marwari Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
1
चौदह साल रै पछै म्हैं बरनबास रै साथै यरुसलेम गयो अर तीतुस नै भी साथै लेन गियौ।
2
परमेसर म्हारै मन में कयौ के, म्हनै जावणौ चाहीजै। जिकौ सुभ संदेस में यहूदी कोनीं उणौनै सुणाऊ हूं, उण सुभ संदेस रै बारै में मंडली रा परधान लोगां नै एकांत में सुणायो। ताकी ऐड़ौ नीं हो के म्हारी इण वगत री अर पैला री मेनत बेकार हो जावै।
3
पर वे तीतुस नै जिकौ म्हारै साथै आयौ हो अर यूनान रौ हो, तो भी उणनै खतनो कराणै वास्तै मजबूर कोनीं करयौ।
4
पण ओ सवाल उण झूठै लोगां ऊं उठयौ, जिकौ छांनै छांनै दल में भिळगा हा। जिकौ आजादी यीसु मसीह में मिळी उणरौ भेद लेन वे म्हौनै गुलाम बणाणा चावै।
5
म्हौ उण लोगां रै सांमै एक घड़ी भी नीचा नीं रिया, ताकी सुभ संदेस री सचाई थांरै में बण्योड़ी रैवै।
6
पर वे लोग किता ही मोटा क्यूं नीं रैवै, उणौरौ कितौ ही मांन क्यूं नीं रैवै, म्हनै उणरी कोई परवा कोनीं। क्यूंकै परमेसर किणी रौ पकसपात नीं करै। वे म्हारै संदेस में कोई कमी नीं काढ़ सकया।
7
पर उलटा वे मांन लियौ के, जिण तरैह ऊं पतरस नै यहूदियो में सुभ संदेस सुणावण रौ कांम सूंपयौ, उणीज तरैह ऊं म्हनै जिकौ यहूदी कोनीं उणौ में सुभ संदेस सुणावण रौ कांम सूपयोड़ो है।
8
क्यूंकै परमेसर पतरस नै यहूदियो में सुभ संदेस रा परचार वास्तै सगति दी अर प्रेरित बणायौ, उणीज तरैह ऊं परमेसर म्हनै भी प्रेरित बणायौ अर जिकौ यहूदी कोनीं उणौ में सुभ संदेस रा परचार वास्तै सगति दी।
9
जिकौ आदमी मंडली रा थम्बा हा, यानि याकूब, पतरस अर यूहन्ना परमेसर री करपा रा उण वरदान नै जांणगा, जिकौ म्हनै मिळयो हो। वे म्हनै अर बरनबास नै आपरा जांण नै म्हौरै ऊं हाथ मिळायो। वे इण बात नै मांनगा के, म्हैं जिकौ यहूदी कोनीं उणौ में कांम करौला और वे यहूदियो में कांम करैला।
10
वे सिरफ ओ कयौ के, मांनै गरीबो रौ ध्यांन राखणौ है। इण कांम नै तो म्हैं खुद भी करणौ चावतौ हो।
11
पर जद पतरस अन्ताकिया आयौ तो, म्हैं उणरा मूंडा माथै उणनै हाका करिया, क्यूंकै वो गळती कर रियौ हो।
12
वो पैला जिकौ यहूदी कोनीं उणौरै साथै खावतो हो। पर जद ऊं याकूब रै उठै ऊं की आदमी आया, तो वो जिकौ खतनो करणै चावता उणौरै डर ऊं यहूदी कोनीं उणौ ऊं आगौ रैवण लागौ।
13
दूजा यहूदी भाई भी पतरस री तरैह ऊं दिखावो करनै लागा अर बरनबास भी उणौरै दिखावा में आयग्यौ।
14
जद म्हैं देखियौ के, ऐ बातां सुभ संदेस रै हिसाब ऊं सही कोनीं है। तो म्हैं सगळौ रै सांमै पतरस नै कयौ, “जद थूं यहूदियो में जनम लेन, यहूदियो ज्यूं नीं चालै तो थूं जिकौ यहूदी कोनीं उणौनै यहूदियो रा रिवाज मानण वास्तै मजबूर कीकर कर सकै?”
15
अपां जनम ऊं यहूदी हा अर अपांरौ जिकौ यहूदी कोनीं उण पापियो ऊं कीं कांम कोनीं।
16
तो भी ओ जांण नै के, मिनख मूसा रै कायदे ऊं कोनीं, पर यीसु मसीह माथै विसवास करणा ऊं पाप माफ होवै। इण वास्तै अपां भी यीसु मसीह माथै विसवास करणा ऊं धरमी बण्या। मूसा रै कायदे माथै विसवास करणै ऊं धरमी कोनीं बण्या। क्यूंकै मूसा रै कायदे धरमी कोनीं बणा सकै।
17
अपां यीसु मसीह ऊं पाप री माफी लेने धरमी बणौ अर मूसा रै कायदे अपांनै पापी कैवै, तो कांई यीसु मसीह पाप नै बढ़ावै? कदैई कोनीं।
18
क्यूंकै, जिण मुसा रै कानुन नै म्हैं छोड़ दियौ अर उण हीज माथै पाछौ चालूं तो म्हैं खुद अपराधी ठैरूं हूं।
19
मूसा रै कायदे ऊं देखौ तो म्हैं, मूसा रै कायदे वास्तै मरग्यौ हूं, ताकी म्हैं परमेसर रै वास्तै जीऊं।
20
म्हैं यीसु मसीह रै साथै सूली माथै मरग्यौ हूं। अबै म्हैं जीवतौ कोनीं, पर म्हारै में यीसु मसीह जीवता है। म्हैं सरीर ऊं जीवतौ हूं तो, सिरफ उण विसवास ऊं जीवतौ हूं, जिकौ परमेसर रा बेटा माथै है। जिकौ म्हारै ऊं परैम करयौ अर अपणै आप नै म्हारै वास्तै दे दिया।
21
म्हैं परमेसर री दया रौ मांन नीं बिगाड़ सकूं, क्यूंकै अगर मूसा रै कायदे ऊं पाप माफ हो जाता तो, यीसु मसीह रौ मरणौ बेकार होवतो।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 3 →
All chapters:
1
2
3
4
5
6