Zechariah 13

Nuer Bible © Bible Society in South Sudan 1998,2012

← Chapter 12 Jump to: Chapter 14 →

1“Kä ɛn cäŋ ɛmɔ ba dhɔr Dee-bid kɛnɛ ji̱ Jɛ-ru-tha-lɛm lëp waŋ pi̱i̱ni ti ba dueerkiɛn kɛnɛ thil gɔɔyädiɛn lak.”

2Kä ɛn cäŋ ɛmɔ, cu Kuoth Nhial in la Ruey Ɣɔaa wee i̱, “Ɣän bä kolaaŋ woc wi̱i̱ muɔ̱ɔ̱n, kä /ci kɛn kɛ bi lɛ met tim. Kä ɣän bä go̱o̱k guäyni kɛnɛ nɛy tin tekɛ yi̱ey ti jiäk woc bä.

3Kä mi wëë tekɛ gök mi wä jɔɔc, bi gua̱n kɛnɛ man, tin dapkɛ jɛ, jɛ jiök i̱, ‘Ji̱n /ci bi tëk kɛ ɣöö ci kac lat kɛ ciöt Kuɔth Nhial.’ Kä mi wëë nyin go̱o̱kä la̱t, bi diëëthkɛ jɛ yiath a bɛ li̱w.

4Ɛn cäŋ ɛmɔ, bɛ thil gök mi liak rɔ kɛ nyuuthnikɛ ti la nyin go̱o̱kä. Kä /cɛ ruac go̱o̱kä mi kaŋɛ naath bi lɛ la̱t,

5kä bɛ wee i̱, ‘/Ciɛ ɣän gök, ɛ ɣän puur muɔ̱ɔ̱n. Kɛ ɣöö min ɛ jɛn la duŋdä mɔ ni mëë ɛ ɣän ŋuɛ̈t.’

6Kä mi wä raan ɛ thiec i̱, ‘Kä kɛ buɔ̱ɔ̱t ŋukä, ti te jɔɔkdɛ ti?’ Bɛ loc i̱, ‘Kɛ buɔ̱ɔ̱t ti jëkä dhɔr määthdä.’ ”

7Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

8Kä cu Kuoth Nhial wee i̱, “Ba tin ŋuankɛn koc kä bikɛ cu li̱w, kä bi tin kuiynikɛn duɔth a tëk.

9Kä bä tin kuiynikɛn la̱th maac, kä bäkɛ lɛy ce̱tkɛ min la raan ciɛk in bo̱r a lɛɛy, kä bäkɛ ɣɔ̱n ce̱tkɛ min la raan da̱a̱p ɛ ɣɔ̱n. Kä bikɛ ɣä pal, kä bäkɛ liŋ. Kä bä wee i̱, ‘Kɛ nɛɛkä.’ Kä bikɛ wee i̱, ‘Kuoth Nhial Kuothda.’ ”

← Chapter 12 Jump to: Chapter 14 →