bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Zechariah 14
Zechariah 14
Nuer Bible © Bible Society in South Sudan 1998,2012
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
1
Nɛnɛ ci cäŋ Kuɔth Nhial thia̱k kɛ ben, guäth in ba pɛ̈ɛ̈c tëë ka̱nkɛ kä yɛ da̱a̱k waaŋdun.
2
Kɛ ɣöö ɣän bä döör diaal jak kä makɛ Jɛ-ru-tha-lɛm kɛ ko̱r, kä ba wec käp, kä ba thol, kä ba man ka̱n kɛ buɔ̱m. Kä ba tha̱a̱ŋ ji̱ wec naŋ ala pɛ̈ɛ̈c, kä bi duɔth tin kɔ̱ŋ duɔth wi̱c.
3
Kä bi Kuoth Nhial wä nyiëëny kɛ döör tɔ̱tɔ̱, ce̱tkɛ mëë cɛ ko̱r kɔn tɛr.
4
Kä ɛn cäŋ ɛ mɔ bɛ cuɔ̱ŋ wi̱i̱ pa̱a̱m Ɔ-lip min lot ni Jɛ-ru-tha-lɛm kui̱ känyä ca̱ŋ. Kä bi päm Ɔ-lip rɔ da̱a̱k kä rɛɛw a känɛ jɛ ni kui̱c känyä ca̱ŋ a wä ni kui̱ konyä ca̱ŋ kɛ lo̱o̱l mi di̱i̱t. Kä cu kui̱ kɛl wä kui̱c caam kä cu min dɔ̱ŋ wä kui̱c cuëëc.
5
Kä bia rɔ̱ bar kɛ rɛy lo̱o̱lä pa̱a̱mdä kɛ ɣöö räthɛ nikä A-dhel. Kä bia rɔ̱ bar ce̱tnikɛ mëë barɛ rɔ̱ kɛ lath piɛny, mëë Ö-dhi-ya ɛ kuäär Juda. Kä bi Kuoth Nhial Kuothdä ben kɛɛl kɛ nɛy diaal tin lɛ̈ykɛ rɔ̱.
6
Ɛn cäŋ ɛ mɔ, bɛ thil kɔ̱c kä /ci naath bi ko̱n.
7
Kä bi te ni cäŋ mi bi (ŋa̱c ni Kuoth Nhial) thil cäŋ däär kiɛ wäär, kä kɛ thiaŋ bɛ tekɛ buay.
8
Ɛn cäŋ ɛ mɔ bi pi̱ ti tëk lo̱o̱ny kä Jɛ-ru-tha-lɛm, kä bi tha̱a̱ŋkiɛn lo̱ny yieer kuec konyä ca̱ŋ. Kä bikɛ lo̱o̱ny kɛ mäy ce̱tnikɛ tɔ̱t.
9
Kä bi Kuoth Nhial a kuäär wec muɔ̱ɔ̱n kɛɛliw. Ɛn cäŋ ɛmɔ bi Kuoth Nhial a kɛl kä ciötdɛ kɛl.
10
Kä bi wi̱c muɔ̱ɔ̱n a day a känɛ jɛ nikä Gabä kui̱c caam a wä nikä Ri-mon kui̱c cuëëc Jɛ-ru-tha-lɛm. Duundɛ ɣöö cu Jɛ-ru-tha-lɛm te ni guäthdɛ a känɛ jɛ ni thi̱ek Ben-ya-min a wä thi̱ek ëë wal a wä ni thi̱ek gɔŋtɔtdä, kä a lɛnɛ ka̱n ni biikä Ɣä-nan-el a wä ni guäth dhi̱mä kɔaŋ kua̱r.
11
Kä bi naath cu cieŋ thi̱n, kä ca bi lɛ nyɔk kɛ däk, kä ba cu ciɛŋ a thil dual.
12
Kä nɛmɛ ɛ jɛn juey in bi Kuoth Nhial ɛ nöŋ nɛy tin bi ben nyiëëny kɛ ji̱ Jɛ-ru-tha-lɛm. Bi ri̱ŋdiɛn rɔ ŋääŋ kä piny kä tekɛ cuŋä, kä bi wäŋkiɛn ɣo̱w, kä bi lëëpkiɛn rɔ cun thuknikiɛn.
13
Kä ɛn cäŋ ɛ mɔ, bi Kuoth Nhial kɛ moc riɛk mi di̱i̱t. Kä bi ramɔ tet raamɔ käp, kä bi ramɔ ramɔ mak.
14
Amäni Juda bɛ nyiëëny kɛ Jɛ-ru-tha-lɛm. Kä bikɛ ria̱ŋ dööri diaal ma̱a̱t, da̱a̱p mi di̱i̱t kɛ ciɛk in bo̱r kɛ bieyni ti ŋuan.
15
Kä bi juey mi di̱i̱t mi ce̱tkɛ juey ɛ mi ben kä jiöŋkööri, kɛnɛ muɔ̱li, kɛ thɔ̱a̱rɔa̱a̱li, kɛ ley diaal tɔ̱ te wi̱c ji̱ tɛ̈r tɔ̱.
16
Kä nɛy diaal tɔ̱ bi tëk tɔ̱ kä döör diaal tin ci ben nyiëëny kɛ ji̱ Jɛ-ru-tha-lɛm tɔ̱, run kä run bɛ Kuäär ni Kuoth Nhial in la Ruey Ɣɔaa ben a palɛ, kä ba ŋar ti̱mä luaak Kuɔth a ŋarkɛ.
17
Kä thok duëël ɔ /ci Kuäär ni Kuoth Nhial in la Ruey Ɣɔaa bi ben palɔ kä Jɛ-ru-tha-lɛm kä ji̱ wec muɔ̱ɔ̱n, /cikɛ bi tekɛ nhiaal.
18
Kä mi wëë tekɛ thok duëël kä ji̱ I-jëp ti /ken ŋar ti̱mä luaak ŋar, bakɛ nöŋ juey in ci Kuoth Nhial ɛ nöŋ nɛy tin /ken ŋar ti̱mä luaak ŋar.
19
Kä ɛn nɔmɔ ba jɛn mi ba duäc ji̱ I-jëp kɛnɛ döör diaal tin /ken ŋar ti̱mä luaak ŋar.
20
Kä ɛn cäŋ ɛmɔ lööth jiöŋkööri, “Bi kɛna ti ca lëy Kuoth Nhial.” Kä cuɔ̱ɔ̱k tin te rɛy luaak Kuɔth Nhial bikɛ ce̱tkɛ took nhiam yi̱kä.
21
Kä cuɔ̱ɔ̱k kä Jɛ-ru-tha-lɛm kɛnɛ Juda bakɛ lëy Kuoth Nhial in la Ruey Ɣɔaa, kä bi nɛy diaal tin thöpkɛ muc rɔ̱ moc thi̱n kɛ ti thalkɛ ni ri̱ŋ. Kä ɛn cäŋ ɛmɔ bɛ thil nɛy ti kɔakɛ ŋɔak rɛy luaak Kuɔth Nhial in la Ruey Ɣɔaa.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
All chapters:
1
2
3
4
5
6
7
8
9
10
11
12
13
14
Recommended Reading
Commentary
Zechariah Commentaries
→
Devotional
Zechariah Devotional Guide
→
Get This Bible
Nuer Bible © Bible Society in South Sudan , Study Bible
→