bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Samuel 10
2 Samuel 10
nyankole
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Ku haahingwireho ebiro, omugabe w'Abaamoni yaafa, yaahungurirwa omutabani Hanuni.
2
Daudi yaagira ati: Niinyija kutwaza gye Hanuni mwene Nahashi, nk'oku ishe yantwarize gye. Daudi atyo yaamutumaho abagaragwa be kumuyaagira ahabw'okufeerwa ishe. Abo bagaragwa be baahika omu nsi y'Abaamoni.
3
Kwonka abategyeki b'Abaamoni baagira Hanuni mukama waabo bati: Noogira ngu Daudi okukutumaho ab'okukuyaagira n'okuha shoimwe ekitiinwa? Daudi takutumireho bagaragwa be kwetegyereza orurembo n'okurutata, reero bakarucwekyereza?
4
Hanuni atyo akwata abagaragwa ba Daudi, amwa buri omwe ekicweka ky'ebireju bye, kandi ebijwaro byabo abihirimburira rwagati omu manyaanya, aboohereza.
5
Ku baakigambiire Daudi, yaatuma ab'okubabugana, ahabw'okuba abo bashaija bakaba bakiitsirwe enshoni. Omugabe yaabatumaho ati: Mugume Yeriko okuhitsya obu ebireju byanyu biraakure, mukabona kugaruka.
6
Abaamoni, ku baareebire ngu beeyangiise Daudi, baatuma aha Basiriya ba Betirehobu n'aba Zooba kubaguriirira, ngu babahe abarwani obukumi bubiri abarikugyendesa ebigyere, n'omugabe wa Maaka kureeta abashaija rukumi, n'aba Toobu kureeta kakumi n'enkumi ibiri.
7
Daudi ku yaakihuriire, yaayohereza Yoabu n'eihe ryona ery'amamanzi.
8
Abaamoni baashohora, baatengyera orugamba omu irembo. Abasiriya aba Zooba n'aba Rehobu n'abashaija ba Toobu n'aba Maaka bo, baarutengyera aha kwabo omu bwerere.
9
Yoabu ku yaareebire engabo zaamutengyera orugamba omu maisho n'enyima, yaatoorana omu Baisiraeli abashaija enkwata ngabo, yaabatengyesa orugamba kurwanisa Abasiriya.
10
Ezindi ngabo ze yaazikwatsa Abishaayi omurumuna, yaazitengyesa orugamba kurwanisa Abaamoni.
11
Haza yaamugira ati: Abasiriya ku barankize amaani, ompe emikono. Naiwe Abaamoni ku baraagakukize, niinyija kwija ngikuhe.
12
Hama turwane mashaija ahabw'eihanga ryaitu n'ahabw'endembo; kandi Nyakubaho akore eki araasiime.
13
Yoabu n'abu yaabaire aine bairira haihi kurwanisa Abasiriya, baamuhunga.
14
Abaamoni ku bareebire Abasiriya baahunga, nabo baahunga Abishaayi, baataaha omu rurembo. Bwanyima Yoabu yaatabaaruka naaruga kurwanisa Abaamoni, yaija Yerusalemu.
15
Kwonka Abasiriya ku baareebire baasingurwa Abaisiraeli, baayeteerana.
16
Hadadezeri yaatuma kuhuruza Abasiriya, abatwire seeri ya Eufuraati, baija Helamu beebembeirwe Shobaki omukuru w'eihe rya Hadadezeri.
17
Ku baakigambiire Daudi, yaahuruza Abaisiraeli boona, baayambuka Yorudaani, baaza Helamu. Abasiriya baatengyera Daudi orugamba, baamurwanisa.
18
Bwanyima baahunga Abaisiraeli. Daudi yaabaitamu abashaija magana mushanju ab'aha bigaari, n'ab'aha mbaraasi obukumi buna: yaahutaaza Shobaki omukuru w'eihe ryabo, yaafeeraho.
19
Reero abagabe abaabaire nibategyekwa Hadadezeri, ku baareebire baasingurwa Abaisiraeli, baakora nabo endagaano y'obusingye; baaba abairu baabo. Abasiriya baatiina kugaruka kuha Abaamoni emikono.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24