bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Samuel 12
2 Samuel 12
nyankole
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Nyakubaho akatuma Natani ahari Daudi. Yaija yaamugira ati: Omu rurembo hakaba harimu abantu babiri; omwe ari omutungi n'ondi ari omworo.
2
Omutungi akaba aine amasyo g'entaama n'ag'ente.
3
Kandi omworo akaba ataine kantu, kureka akaagazi k'entaama aku yaabaire aguzire, akakoorora, kakura hamwe n'abaana be. Akaguma naakariisa aha byokurya bye, naakanyweisiza aha kikopo kye, kandi naakakiikira, kakaba nka muhara we.
4
Mbwenu ogwo mutungi akaraarirwa omugyenyi, kwonka tiyaayenda kukora omu masyo ge g'entaama nari ag'ente, eky'okukunisiza omugyenyi waamuzindukira, kureka yaatwara akataama k'ogwo mworo, yaaba niko yaabaagira omugyenyi omuzindukiire.
5
Daudi agirira ogwo muntu ekiniga kingi, agira Natanai ati: Nindahira Nyakubaho, ogwo muntu ashemereire kufa.
6
Kandi ako kataama akarihemu entaama ina, ahabw'okuba eki yaakozire, akakikora ataine saasi.
7
Natani agambira Daudi butunu ati: Manya ogwo muntu niiwe. Mukama Ruhanga wa Isiraeli naagira ati: Nkakusiiga amajuta, waaba omugabe wa Isiraeli, kandi naakujuna Saulo,
8
naakuha enju ya mukama waawe, n'abakazi be kukufumbata, naakuha ab'omurayango gw'Abaisiraeli n'ogw'Abaayuda. Kandi ebyo kuri byabaire biri bikye, nkaakwongyeire ebirikukiraho.
9
Mbwenu ahabw'enki ogayire ekiragiro kya Nyakubaho, okucumura omu maisho ge? Reeba, oitsize Uriya Omuhiiti rurara, waatwara omukazi we, waamuhindura owaawe; kandi iba waamwitsa rurara y'Abaamoni.
10
Ahabw'okungaya, okatwara muka Uriya Omuhiiti kuba omukazi waawe, rurara teriruga mu ka yaawe.
11
Nyakubaho naagira ati: Ndyareeta ebihikiirizi birikuruga omu ka yaawe, nkwakye abakazi baawe booreeba, mbahe mutaahi waawe, abyame nabo nyomushana.
12
Iwe ekyo okikozire bwesherekye; kwonka Nyowe ndyakikora Isiraeli yoona neekireeba.
13
Daudi agira Natani ati: Ncumwire omu maisho ga Nyakubaho. Na Natani amugira ati: Mukama nawe yaakusaasira ekibi kyawe, tokifa.
14
Kwonka shi ahabw'eki okozire, okareetera abazigu ba Nyakubaho kumurogotaho, ogu mwana ou ozaire naija kufa.
15
Ebyo ku byahwaire Natani yaayegarukira owe.
16
Nyakubaho akarwaza omwana ou muka Uriya yaazaariire Daudi, yaaremba munonga. Daudi yaashabira ogwo mwana ahari Ruhanga, kandi yaayesiibyakwo. Yaataaha omu nju, yaarambira aha nsi, bwarugaho bwasheesha.
17
Abakuru b'omu nju ye baamwemerera aha rubaju kumwimutsya aha nsi, kwonka yaayanga, kandi tiyaikiriza kurya nabo.
18
Aha kiro kya mushanju omwana yaafa. Abagaragwa ba Daudi baatiina kumugambira ku omwana yaafa. Ahabw'okuba bakagira bati: Omwana ku abaire akihuriire, tumugambiire yaatwangira. Mbwenu nitubaasa tuta kumugambira ku omwana yaafa. Ka naija kwekora kubi.
19
Kwonka Daudi ku yaareebire abagaragwa be nibahwihwitsana, yaabuuza abagaragwa be ati: Omwana yaafa? Nabo baamugarukamu bati: Yaafa!
20
Mpaho Daudi yaimuka aha nsi; yaanaaba, yaayesiiga amajuta, yaajwara ebindi bijwaro, yaaza omu nju ya Nyakubaho, yaaramya. Bwanyima yaaza owe, yaashaba ebyokurya, baabimwihurira, yaarya.
21
Abagaragwa be baamubuuza bati: Mbwenu eki, eki waakora, ni kintu ki? Obu omwana abaire akihuriire, oyesiibizekwo, waarira; kwonka ku yaafa, waimuka waarya!
22
Yaabagarukamu ati: Obu omwana abaire akihuriire, nyesiibizekwo naarira, ahabw'okuba ngizire nti: Shana Nyakubaho akangirira embabazi, ogu mwana agumaho.
23
Mbwenu obu yaafiire, nyesiibizekwo ki? Nimbaasa kumuhimbuura? Kureka niinye ndimukurata, kwonka we takingarukira.
24
Bwanyima Daudi yaahuumuriza omukazi we Betisheba, yaaza omwe, yaabyama nawe, yaamuzaaraho omutabani; yaamweta Solomooni. Haza Nyakubaho yaamukunda.
25
Yaamutumaho Natani omurangi, yaamweta eiziina Yedidiya, amakuru ngu, n'enkundwa ya Mukama.
26
Omu biro ebyo, Yoabu akarwanisa Raba, orurembo rw'obugabe orw'Abaamoni; yaarukwata.
27
Yoabu yaatuma entumwa ahari Daudi, naamugira ati: Ndwaniise Raba, naakwata ekirorero ekirimu amaizi.
28
Mbwenu huruza engabo ezitsigaire okwo, muteere ensiisira ahari orwo rurembo, orukwate, ntakaaba niinye naarukwata, rukaanyetererwa.
29
Daudi nikwo kuhuruza engabo, akaza Raba akagirwanisa akagikwata;
30
akaiha ekirunga aha mutwe gw'ekishushani kyabo Milikomu, ekirikuhitsya oburemeezi bwa kilo z'ezaabu nka makumi ashatu, kandi kirimu eibaare ry'obuguzi bwingi, bakakijweka Daudi omu mutwe. Kandi omuri orwo rurembo akanyagamu eminyago mingi munonga.
31
Yaihamu abantu abaabaire barimu, yaabakoresa emirimo y'emishumeeno n'eshuruuru, n'empango, n'okwecurenga omu tanuuru z'amatafaari. Kandi okwo nikwo yaagizire endembo z'Abaamoni zoona. Bwanyima Daudi n'engabo ze zoona baagaruka Yerusalemu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24