bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Samuel 4
2 Samuel 4
nyankole
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Ishibosheti mwene Saulo ku yaahuriire ngu Abuneeri agwire Heburooni, yaacweka entegye, na Isiraeli yoona yaashoberwa.
2
Mbwenu Ishibosheti mutabani wa Saulo akaba aine abakuru b'engabo ze babiri; omwe naayetwa Baana, n'ondi naayetwa Rekabu, beene Rimoni owa Beerooti, ow'omu Baabenyamiini; ahabw'okuba Beerooti ekaba eri ey'omu byanga bya Benyamiini.
3
Ababeerooti bakaba bahungiire Gitaimu, baaguma bashuuhuukiireyo okuhitsya n'eri izooba.
4
Yonataani mwene Saulo akaba aine omutabani oremaire ebigyere. Obu omuntu aruga Yezereeli akabika ku Saulo na Yonataani bafiire, ogwo mwana akaba ahikize emyaka etaano y'obukuru. Mpaho omukazi omurezi we yaamuheeka, yaahunga. Ku yaabaire nairuka nawe naahunga, ogwo mwana yaayetuura aha nsi, yaaremara. Eiziina rye akaba ari Mefibosheti.
5
Mbwenu Rekabu na Baana beene Rimoni bakaija baahika omu nju ya Ishibosheti omu ihangwe, baashanga ayecurikireho ahuumwire.
6
N'omukazi omukumiirizi w'omu nju ye, owaabaire yaaheza kushungura engano, yaagwejegyera. Rekabu na Baana omurumuna nikwo kutaahamu nibashooba.
7
Ku baahikire omu nju, baashanga Ishibosheti abyami aha kitanda omu kishengye ki araaramu, baamucumita, baamwita, baamutemaho omutwe. Baagutwara, baagyenda ekiro kyona, baatoora omuhanda gurikuza Araba.
8
Omutwe gwa Ishibosheti baagureetera Daudi Omugabe Heburooni. Baamugira bati: Ogu n'omutwe gwa Ishibosheti mwene Saulo omuzigu waawe, owaabaire naakuhiiga kukwita. Mbwenu reeba, eri izooba, mukama waitu Nyakusinga, Nyakubaho yaakuhoorera Saulo n'oruzaaro rwe.
9
Daudi yaagarukamu Rekabu na Baana omurumuna, batabani ba Rimoni Omubeerooti ati: Nindahira Nyakubaho owaakirize amagara gangye akabi koona,
10
omuntu ku yangambiire ati: Manya Saulo afiire, akateekateeka ngu yandeetera enkuru nungi. Kwonka nyowe nkamukwata naamwitira Zikulaagi, kyaba ekihembo ki naamuhaire ahabw'enkuru ei yandeeteire.
11
Mbwenu kaashwa imwe abantu enyabibi, abaitiire omuntu ohikiriire omu nju ye, ari aha kitanda kye? Hati naimwe naaza kubahoora, mbature okumwita, mbacwekyereze omu nsi?
12
Daudi atyo aragiira abatsigazi be, babaita, babatemaho engaro n'ebigyere, babahanika Heburooni aha rubaju rw'ekiyanja. Kwonka omutwe gwa Ishibosheti bagutwara, baguziika Heburooni omu kituuro kya Abuneeri.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24