bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Lamentations 3
Lamentations 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Tayta Dios rabyar castigamaptinmi noqaqa pasaypa ñakarqü.
2
Aktsi kanqanpa pushamänanpa rantinmi tsakaypa pushamashqa.
3
Kutin kutinmi imaypis castigaman.
4
Qaräpis aytsäpis pasaypanam awshayashqa. Tullükunatapis llapantanam pakir ushashqa.
5
Mayman chaptïpis llakikuyllam y ñakayllam kaykan.
6
Wanushqanö kanäpämi tsakäpakushqata dëjamashqa.
7
Maypapis mana qeshpinäpämi wichqamashqa. Pasaypa lasaq cadënakunawanmi watamashqa.
8
Yanapamänanpä rugakuptïpis manam wiyamantsu.
9
Nänita pirqapamaqnömi imata rurayta munarpis puëdïtsu. Nänita yaqätsiqnömi kawaynïtapis mana alliman churan.
10
Imatapis tsarinanpä shuyaraykaq ösunömi shuyaraykäman. Pakaraykaq leonnömi atacamänanpä kaykan.
11
Alli nänipa aywaykaqtam pantakätsimashqa. Chipyaq rachir ushamaqnömi mantsarishqata jaqimashqa.
12
Flëchakunanwan apuntaykamarmi flëchamashqa.
13
Flëchamanqanqa shonqüyaqmi jatikashqa.
14
Marka mayïkunapis pasaypam asipäyäman. Asikuyänallanpämi jutïtapis joqarkuyan.
15
Pasaypa llakikuymanmi Tayta Dios churamashqa. Alläpa ayaq jachapa yakuntam uputsimashqa.
16
Rumiwan takarmi kirütapis jipishqa. Uchpachömi qoshpatsimashqa.
17
Noqaqa imaypis llakishqallam kawä. Mananam kushikuytapis tarïnatsu.
18
Pasaypa llakikurmi Tayta Diosman manakaqllapä yärakunqäta yarparqü.
19
Tayta Dios, llakikunqäta y pasaypa ñakanqäta rikar kuyapaykallämay. Pasaypa ayaq ajenjuta y venënuta upushqanömi ñakaykä.
20
Pasaypa ñakanqätä yarpachakuptïmi shonqüpis pasaypa llakikun.
21
Peru kuyapäkuq kanqaykita tantiyarmi qamman yärakamü.
22
Tayta Diosqa imaypis kuyamantsikmi. Kuyapäkuq kayninqa manam ushakantsu.
23
Qoyay qoyaymi mana ajayaypa kuyamantsik. Awnimanqantsiktaqa imaypis cumplinmi.
24
Tsaymi shonqullächö nï: «Tayta Diosllam herenciä kaykan. Paymanmi imaypis yärakushä».
25
Llapan shonquntsikwan yärakur rugakushqaqa Tayta Dios yanapamantsikmi.
26
Tsaynö kaykaptinqa Tayta Dios salvamänantsikpä pacienciakur shuyäshun.
27
Jövin kanqantsikpita Tayta Dios corrigimanqantsikta chaskikushun.
28
Tayta Dios castigamashqaqa upälla chaskikushun. Runakunapita witikur payta mañakushun.
29
Qonqurikuykur mañakushqaqa quizasmi kuyapämäshun.
30
Maqamashqapis cärantsikta kamapäshun. Imata qayapämashqapis upällalla chaskikushun.
31
Tayta Diosqa castigamarnintsikpis yapaymi kuyapämäshun.
32
Castigaskamarnintsikpis kuyapäkuq karmi yanapamäshun.
33
Shonqun nanaykaptinmi payqa ñakatsimantsikpis y llakikatsimantsikpis.
34
Tayta Diosqa rikaykanmi prësukunata ñakatsiyanqanta.
35
Tsaynöllam rikaykan pï runata manakaqman churayanqanta.
36
Musyaykanmi demanduchö jutsayuqpa favornin shäriyanqantapis. Tsaynö ruraqkunatam juzganqa.
37
Tayta Dios mana permitiptinqa imapis manam päsanmantsu.
38
Alli kawaypis o ñakaypis poderösu Tayta Dios permitiptinrämi.
39
Jutsata ruranqantsikpita castigamashqapis kawaykarräqa ¿imanirtä qallayashwan?
40
Imanö kawanqantsiktapis shumaq yarpachakur jutsa rurayta dëjashun. Tayta Diosta ashir pay munanqannöna kawashun.
41
Makintsikta joqarkur ciëluchö kaykaq Tayta Diosta llapan shonquntsikwan mañakushun:
42
«Ninqaykita mana cäsurmi jutsata rurayarqü. Tsaymi perdonayämarquykitsu».
43
Pasaypa rabyarmi mana kuyapaypa qati qatiykur wanutsiyämarquyki.
44
Rugakayämunqäta mana wiyanaykipämi pukutay rurinman pakakurquyki.
45
Llapan runakunapa puntanmanmi qanratanö jitayämarquyki.
46
Chikimaqnïkunapis imaykatam qayapäyäman.
47
Ashi ashiykur wanutsiyämaptin y imaykäkunatapis ushakätsiyaptinmi mantsarir kawayä.
48
Kuyanqä markata tsaynö ushakätsiyaptinmi weqïpis mayunörä aywan.
49
Mana päraypam waqaykä. Kushikuytapis manam tarïtsu
50
ciëluchö kaykaq Tayta Dios mana yanapamaptinqa.
51
Jerusalén markächö jipashkuna ñakaqta rikaptïmi shonqüpis pasaypa nanäman.
52
Mana wajupaykaptïmi chikimaqnïkuna qatikachäyämashqa. Pishquta tsariqnömi prësu tsarimayta munayashqa.
53
Kawaykaqtam pözuman jitarpayämashqa. Tsaypitanam läja rumiwan tsapayashqa.
54
Yaku tsapaskamaptinmi yarparqä wanukunäpäna kanqanta.
55
Tayta Dios, pözuchö wiñararmi jutikita joqarir qamta mañakurqü.
56
Mañakamunqätam wiyamarquyki. Rugakamunqätam imaypis wiyamanki.
57
Qayakamuptï shamurmi «ama mantsarïtsu» nimarquyki.
58
Tayta Dios, qammi ima desgraciapitapis tsapämarquyki. Wanuypitapis qammi salvamarquyki.
59
Rikaykankim imanö ñakatsiyämanqantapis. ¡Tsay ñakatsimaqkunata castigaykullay!
60
Venganzata ruramanqanta y conträ imanö shäriyanqantapis rikarquykim.
61
Tayta Dios, wiyarquykim conträkuna ashlliyämanqanta y atacayämänanpä willanakuyanqantapis.
62
Chikimaqnïkunaqa wasäta rimaykällarmi qoyaskiyanpis.
63
Imachöpis asikuyänallanpämi jutïta joqariyan. Llapan niyanqantapis shumaq wiyaykullay.
64
Tayta Dios, paykunataqa jutsata ruranqanman castigaykullay.
65
Mana tantiyakuyänanpä maldicionaykullay.
66
Tayta Dios, rabyashqa castigarnin paykunata kay patsapita illakaykatsillay.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5