bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Luke 16
Luke 16
Quechuan QXO (Biblia en Quechua del sur de Conchucos)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
1
Mastam discïpulunkunata Jesús nirqan: «Juk rïcupash mas yärakunqan sirviqnin kanä. Tsay sirviqninpäshi rïcu runata willayänä imaykankunatapis llutalla ushanqanta.
2
Tsayta musyaykurnash sirviqninta qayaykatsir ninä: «Imaykätapis llutalla ushaykanqaykitam runakuna parlayan. Kananpitaqa mananam yärakunqä sirviqnïnatsu kanki. Llapanta cuentata qomänaykipä alistakuy».
3
«Sirviqninnash yarpachakur ninä: «Patronnï qarqamaptinqa ¡imatarä rurashä! Chakrachö aruytaqa qelanämi. Limushna mañakuytapis penqakümi.
4
¡A yä, kanan imata ruranäpäpis musyänam! ¡Patronnï qarqamaptinpis runakuna wayinkunachö chaskiyämänanpämi kaynö rurashä!»
5
«Tsaynö yarpachakuskirshi patronninpa jaqan kaq runakunata juk jukllaylla qayaykatsir punta kaqta tapunä: «¿Aykatä patronnïpa jaqan kanki?»
6
«Tsay runanash ninä: «Paypa jaqan kä ishkay pachak (200) läta aceitim». Tsayshi yärakunqan sirviqnin ninä: «Pachak (100) lätallatana päganaykipä kay recïbuchö firmay».
7
«Tsaypitash juknin kaqtana tapunä: «Qamqa ¿aykatä jaqan kanki?» Tsay runanash ninä: «Chusku pachak (400) säcu trïgum». Tsaynö niptinshi ninä: «Kimsa pachak (300) säcullatana päganaykipä kay recïbuchö firmay».
8
«Tsaynö sabïdu kanqanta musyaykurshi patronnin alabanä. Tsay sirviq sabïdu kanqannömi Tayta Diosman mana criyikuqkunapis amistäta rurayänanpä criyikuqkunapita mas sabïdu kayan.
9
Noqam nï: Qamkunapis kay patsachö qellaynikikunawan y imaykaykikunawanpis pobrikunata yanapar amistäta ashiyay. Tsaynöpam wanuptikipis gloriachö mana ushakaq wayiman chaskiyäshunki.
10
«Pipis ichikllachö honrädu karqa mas atskachöpis honrädum kanqa. Peru ichikllachöpis honrädu mana karqa atskachöpis manam honrädutsu kanqa.
11
Kay patsachö riquëzaykikunawan runa mayikikunata mana yanapayaptikiqa ¡imanöparä Tayta Dios gloriachö riquëzakunata alistapäyäshunkiman!
12
Jukpa imaykankunawanpis mana honrädu kayaptikiqa Tayta Dios ¿yärakuyäshunkimantsurä töcayäshunqayki kaqta entregayäshunaykipä?
13
«Manam pï runapis ishkay patrontaqa sirvinmantsu. Ishkay patronyuq karqa jukaqta chikirmi jukaqta kuyanqa. Jukaqta cäsur jukaqtaqa manam cäsunqatsu. Tsaynöllam rïcu kayllapä yarpachakurqa Tayta Diosta sirviyta puëdiyankitsu».
14
Tsaynö yachatsinqankunata wiyarmi fariseukuna qellaypä mallaqashqa kar Jesúspita burlakur asipäyarqan.
15
Tsaynam Jesús nirqan: «Qamkunaqa runakunapa puntanchö allish tukuyaptikipis Tayta Dios musyaykanmi shonquykikuna imanö kanqanta. Tsaymi runakuna respitayäshuptikipis Tayta Diosqa melanäyäshunki.
16
«Tayta Diospa leyninkuna y profëtakuna qellqanqankunaqa Bautizaq Juan willakunqanyaqmi karqan. Kananqa Tayta Diospa mandakuynin chämunqantanam willakuykä. Tsaymi tsay mandakuyninman atskaq runakuna imanöpapis yaykuyta munayan.
17
Peru ciëluwan kay patsa ushakaptinpis leyninkunachö ninqankunataqa Tayta Dios llapantam cumplinqa.
18
«Mayqan runapis warminpita rakikaskir juk warmiwan tärarqa adulteriu jutsatam ruraykan. Tsaynöllam runanpita rakikashqa warmiwan tärarqa adulteriu jutsata ruraykan».
19
«Juk rïcu runash alli röpakunallata jatikuq. Cada junaqshi fiestata rurar alli allillata mikuq.
20
Tsay rïcu runapa punkunchöshi juk pobri runa Lázaro jutiyuq jamaräkuq. Paypa entëru cuerpuntash qeri ushanä.
21
Pasaypa mallaqarshi rïcu runapa mësanpita mikuy shushuqtapis munapänä. Tsaychöshi allqukuna qerinta laqwayänä.
22
Lázaro wanuskiptinnash Abrahampa puntanman angelkuna apayänä. Rïcu runa wanuptinnash pampayänä.
23
«Hadeschö pasaypa ñakaykarshi rïcu runa karupita rikaskinä Abrahampa puntanchö Lázaro kaykaqta.
24
Tsayshi qayakur ninä: «Tayta Abraham, kuyapaykallämay. Lázaruta mandaykallämuy dëdunta ushmarkatsir shimïta oqutsipämänanpä. Pasaypam kay ninachö rupar ñakaykä».
25
«Peru Abrahamnash ninä: «Hïju, yarpay imayka jananchö kawanqaykita. Lázaruqa pobri karmi pasaypa ñakarqan. Tsaymi kananqa kaychö kushishqa kaykan y qamnam tsaychö ñakaykanki.
26
Y jinachöpis wanwanyaykaq raqram rakimantsik. Tsaymi qam kanqaykiman pipis tsimpämuyta puëdintsu ni qampis kayman tsimpämuyta puëdinkitsu».
27
«Tsaynö niptinshi rïcu runa ninä: «Tayta Abraham, tsaynö kaptinqa papänïpa wayinman Lázaruta mandaykullay.
28
Tsaychö pitsqarämi wawqïkuna kayan. Kay ñakayman mana shayämunanpä paykunata willaykutsun».
29
«Abrahamnash ninä: «Moisés y profëtakuna qellqayanqankunatam musyayan. Tsaykunata cäsuyätsun».
30
«Rïcu runanash ninä: «Tayta Abraham, manam cäsuyanqatsu. Peru juk runa wanunqanpita kawaskamur willakuptinmi sïqa jutsa rurayninkunata dëjayanqa».
31
«Abrahamnash ninä: «Moisés y profëtakuna qellqayanqankunata mana cäsuykarqa wanunqanpita kawaskamur willakuptinpis manam cäsuyanqatsu».
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24