bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Luke 5
Luke 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Juk kutinam Genesaret qocha kuchunchö Jesús yachaykätsiptin Tayta Diospa willakuyninta yachatsinqanta wiyayta munar atskaq runakuna kichkiyparä juntapäyarqan.
2
Tsaychömi Jesús rikarqan ishkay büquikuna qocha kuchunchö kaykaqta. Pescädu tsariqkunaqa tsay büquikunapita yarquskirmi mällankunata awiykäyarqan.
3
Tsaymi Simónpa büquinman Jesús yarkurkur rugakurqan qocha kuchunpita ichik mas ruriman yaykutsinanpä. Yaykaskatsiptinnam büquiman jamaykur runakunata yachatsimurqan.
4
Yachatsiyta ushaskirnam Simónta nirqan: «Kananqa mas chawpinman büquikita apay. Tsaychö pescädukunata tsariyämunaykipä mällaykikunata mashtayay».
5
Tsaynö niptinnam Simón nirqan: «Taytay, kanan paqas warat pescaykarpis manam ni jukllayllatapis tsariyarqütsu. Peru qam nikäyämaptikiqa mälläkunata mä yapay mashtayäshä».
6
Tsaynö mashtarmi mällankunapis rachinanqanyaq atska pescädukunata tsariyarqan.
7
Tsaynam jukaq büquichö pescaq mayinkuna yanapayänanpä qemllar qayayarqan. Chaykurmi ishkan büquikuna jundinanqanyaq pescädukunata wiñayarqan.
8
Tsayta rikaykurmi Simón Pedro Jesúspa puntanman qonqurikuykur nirqan: «Taytay, noqapita witikuy. Jutsasapa runam kä».
9
Atska pescäduta tsariykurmi pasaypa mantsakar tsaynö nirqan. Tsaynöllam paywan kaykaqkunapis
10
y Zebedeupa tsurinkuna Santiago y Juanpis mantsakäyarqan. Paykunaqa Simónpa pescädu tsariq mayinkunam kayarqan. Jesúsnam Simónta nirqan: «Ama mantsakaytsu. Noqam yachatsishayki runakunata pescayänaykipä».
11
Tsaynö niptinnam büquinkunata qocha kuchunman jipiskir llapanta tsaychö dëjaskir Jesúswan aywayarqan.
12
Juk markachö Jesús kaykaptinnam leprawan qeshyaq runa charqan. Jesústa rikaykurnam urkunpis patsaman töpanqanyaq qonquriykur nirqan: «Taytay, voluntäniki kaptinqa alliykatsillämay».
13
Tsaynö rugakuptinmi yataykur Jesús nirqan: «Allishqa kanaykitam munä». Tsaynö niptinmi jinan höra alliskirqan.
14
Tsaypitanam Jesús nirqan: «Allïtsinqäta ama pitapis willankitsu, sinöqa allinqaykita rikashunaykipä sacerdötiman ayway. Tsaypita Moisés qellqanqanchö ninqannölla purificakunaykipä ofrendaykita templuman apay. Tsaynöpam allinqaykita musyayanqa».
15
«Ama willakunkitsu» nikaptinmi maytsaychö runakuna musyayarqan. Tsaynam atskaq qorikäyarqan yachatsinqankunata wiyayänanpä y qeshyanqanpita allïtsinanpä.
16
Jesúsqa imaypis tsunyaqman aywaykurmi Tayta Diosman mañakuq.
17
Juk wayichö Jesús yachaykätsiptinmi tsaychö jamaraykäyarqan fariseukuna y ley yachatsikuqkunapis. Paykunam shayämurqan Galileapa maytsay markankunapita, Judea provinciapita y Jerusalénpita. Qeshyaqkunata allïtsinanpämi Tayta Diospa poderninwan Jesús kaykarqan.
18
Puriyta mana puëdiq runata kirmawan runakuna chaykatsirmi imaykanöpapis Jesúspa puntanman yaykutsiyta munayarqan.
19
Atskaq runakuna kichkiräyaptinmi punkupa yaykutsiyta puëdiyarqantsu. Tsaymi wayi jananman yarkaskatsir qataraykanqanta kichaskir kirmantinta Jesúspa puntanman yarpatsiyarqan.
20
Tsay runakuna payman criyiyanqanta musyarmi qeshyaq runata Jesús nirqan: «Llapan jutsaykipitam perdonashqana kanki».
21
Tsaynö niptinmi ley yachatsikuqkunawan fariseukuna yarpachakur niyarqan: «¡Pitä kay runaqa Dios tukunanpä! Tayta Diosllam jutsa ruraqkunataqa perdonan».
22
Tsaynö yarpäyanqanta musyarmi Jesús nirqan: «¿Imanirtä tsaynö yarpäyanki?
23
¿Mayqantä mas aja? ¿Runapa jutsankunata perdonayku? ¿O qeshyaqta allïtsiyku?
24
Runapa Tsurinqa kay patsachö runakunata perdonananpä poderyuqmi kaykan. Tsaytam kanan musyayanki». Tsaypitanam puriyta mana puëdiq runata nirqan: «¡Shäriy! ¡Kirmaykita apakurkur wayikipa aywakuy!»
25
Tsaynö niptinmi llapan rikaraykäyaptin jinan höra allishqana shäriskirqan. Tsaypitanam kirmanta apakurkur Tayta Diosta alabaraykar wayinpa aywakurqan.
26
Tsayta rikaykurmi runakuna kushikurnin Tayta Diosta alabayarqan. Pasaypa mantsakarmi niyarqan: «¡Pay ruranqantanöqa manam imaypis rikarquntsiktsu!»
27
Tsaypita aywarmi Leví jutiyuq runa impuestuta cobrar jamaraykaqta Jesús rikarqan. Paytam nirqan: «Qatimay».
28
Tsaynö niptinmi llapanta jaqiriykur Jesúswan aywarqan.
29
Tsaypitanam Jesúswan mikuyänanpä wayinchö banquëtita Leví ruratsirqan. Paykunawanmi impuestuta cobraqkuna y wakin runakunapis mikuyarqan.
30
Tsayta rikaykurnam fariseukuna y ley yachatsikuqkuna parlakachar Jesúspa discïpulunkunata tapuyarqan: «¿Imanirtä qamkuna impuestu cobraqkunawan y jutsasapa runakunawanpis mikuyanki y upuyanki?»
31
Jesúsnam nirqan: «Sänu kaqkunaqa manam mëdicuta nisitayantsu, sinöqa qeshyaqkunallam.
32
Noqaqa manam jutsaynaq runakunamantsu shamurqü, sinöqa jutsasapa runakunamanmi jutsankunata dëjayänanpä».
33
Tsaypitanam Jesústa tapuyarqan: «Juanpa discïpulunkuna y fariseukunapa discïpulunkunaqa Tayta Diosta mañakurmi imaypis ayunayan. Peru qampa discïpuluykikunaqa ¿imanirtä ayunayantsu?»
34
Jesúsnam nirqan: «Casaraq jövin kaykaptinqa casaray fiestaman qayatsinqan kaqkuna ¿ayunayanmantsurä?
35
Peru casaraq jövinta wanutsiyaptinmi sïqa ayunayanqa».
36
Tsaynö niskirmi Jesús nirqan: «Manam pipis mushuq röpata rutuntsu makwa röpata remendananpä. Tsaynö ruturqa mushuq röpatam perditsin. Tsaynöllam mushuq röpapita rutunqan ratashqa makwa röpachö shumaqtsu rikakun.
37
«Tsaynölla manam pipis tsayrä rurashqa vïnuta makwa urpuman wiñantsu. Wiñaptinqa vïnu poqurmi pakitsinqa. Tsaynö kaptinqa vïnupis y urpupis ushakanqam.
38
Tsaymi tsayrä rurashqa vïnutaqa sänu urpuman wiñantsik. [Tsaynö rurashqaqa vïnupis manam jichanqatsu ni urpupis manam ushakanqatsu.]
39
«Pipis unayna churarashqa vïnuta yawarkur manam tsayrä rurashqa kaqtaqa upuyta munantsu «añijashqa vïnu mas allim» nirnin».
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24