Micah 1

Romani Ursari 2018 (Biblia Ande Chib Romani)

Jump to: Chapter 2 →

1O alav e Devleko kai avilo kai o Mikeas katar o Moreset, kana charoila o Iotan, o Ajaz ta o Ezekias kai sea charura katar o Juda. Gava si so dikhla o Mikeas katar e Samaria ta o Jerusalem.

2¡Asunen sa e forura, e llene katar e phuv, thoven sama! O Del katar po santo cher, ka dosarel tumen.

3O Del ka likel katar po than kai zivil ta ka ustavel phirindo pe thana vazdine katar e burdura.

4Telal tala leke porrne ka bilaon e burdura, sargo o mom kana thodol pe iag, ta e bare umalia ka fuladon pe dui kotora, sargo kana peren katar e burdura.

5Gala ezgode ka aven pala o bilachipe katar o foro e Jakobeko, ta pala o bilachipe kai cherda e charoina katar o Israel. ¿A kai si o bilachipe katar o Jakob? ¡Ando foro katar e Samaria! ¿A kaitalen e thana vazdine katar o Juda? ¡Isto ando Jerusalem!

6Goleke o Del phenel gia: Me ka cherav te cherdol e Samaria iek umpa phagipe, ta te cherdol iek phuv te sai bariaren kote vostanura drakhake, Ka rispiv leke barra pe sa e bari umal, te dikhon lake barra kai si ande phuv

7Sa lake dela ka pharrudon, ta ka phabon e slike kai von blagosin. Soke cherde len e kurvichkenge lovenchar, ka cherav len te aven pale love katar e kurvichke.

8Goleke rovav ta kukiv, goleke phirav porrnango ta nango, Mo roipe si sargo kana auchinpe e llukela dive, sargo o roipe katar e avestrus minoni.

9Soke o chindipe katar e Samaria dukhal, resel llik kai o Juda ta avilo ando Jerusalem, karing o udar me foroko.

10Na phenen le ando Gat, na thoven tumen te roven. ¡Taulin tumen ando prajo katar Bet Leafra!

11Llene katar o Safir, llan phangle ande aver phuv, nange ta pherde lallao ¡Te na liken tumen kai zivin ando Zaanan, soke o Betesel rovel ta ni ka pomozil tumen ios!

12E llene kai zivin ando Marot samo mangen te na aven ios dukhade, soke o Del cherda te avel e patnia llik kai e udara katar o Jerusalem.

13Tumen kai zivin ando Lakis, kai sena bilache sargo o Israel, kai cherden te avel bilacho o Sion, thoven e grasten pe tumare bordona.

14Goleke ka pochinen love kai o Moreset Gat. E chera katar o Akzib ka aven sargo iek kojaipe e charonenge katar o Israel.

15A tumen e llene katar o Maresa, ka avel tumenge iek nevo gazda, ta e mai tromane murusa katar o Israel ka nasen ando Adulan.

16Ta tu Sion, jaliar cho soro ta chin che chor pala che chave kai gachin voli, te avel cho soro jalo sargo e agila, soke che chave ka inllaren len phangle, dur tutar.

Jump to: Chapter 2 →