Amos 4

Romani Baltic Latin (Biblija - Pe Baltitko Romani čib (Romanes) 2019)

← Chapter 3 Jump to: Chapter 5 →

1“Šunén davá lav, tumé-džuvliále Vasanostyr, savé jačné thule sýrby recy (tielicy), savé isyn pe bérgi dre Samárija, savé pritasavéna čororen, savé na déna te dživén kodolénge, kon isyn dre trébima i, savé rakiréna péskire xulange: ‘Janén mol (vino), javása te pjas la!’”

2O Raj Devél sovlahadiá Péskire sventymasa: “Ake, javéna dyvesá pe tuménde, so tumen javéna te tyrden baré nanglenca (kriukenca), i tumaré javibnaskire čhavorén nanglorenca pe vendka pe mačhende.

3Tumé džána javrí pir phagirdé vánty, kažno (sváko) tuméndyr mamúj péste, i tumen vyčhurdena saró ukedyiben dre xaromy dro Jermono”, – rakiréla Raj Devél.

4“Javén dre Viefil', i kerén gréhi, a dro Gilgalo kerén butedýr butedyrjakiren čoripena; janén péskire svénta dyibená kažno zlóko (ránko), tumaré dešengirja kažna trin dyvesá,

5ianén svénta dyibená parikiribnasa pe roščyna, poden zvies' (zan) i den te džinén sarénge pal vól'no janybén: davá isyn pir iló tuménge, čhavé Izrailjoskire”, – rakiréla Raj Devél.

6“I Me dyjom adiáke-pac' tuménge nange dandá, bi xabnaskiro dre saré tumaré fórja, i na javéla te uhtylel maró pe saré tumaré štéty, ne tumé na risiné ke Me”, – rakiréla Raj Devél.

7“Me adiáke-pac' na davas bryšýnd tuménge, kiéli sys iščo (inké) trin čhoná ke ukedyiben givengiro. Me bičhavavas bryšýnd pe jekh fóro, i Me na bičhavavas bryšýnd pe javír fóro: jekh kotér phuv sys počhudo bryšyndesa, a javír, so sys počhudo bryšyndesa, zašutija.

8Paldavá duj, ci trin fórja giné ke javír fóro te p'jen paní, ne jone na piné čalés, ne usajékh tumé na risiné ke Me”, – rakiréla Raj Devél.

9“Me dukhavavas tumen šuké nasvalypnasa (iržasa) i zelene kirnypnasa pe giv; listengire kirme (gusienicy) pohanas but tumaré unty (sady), i tumaré vinagradniki (drakhitka), i tumaré inžyritka kaštá, tumaré maslinitka kaštá, ne tumé na risiné ke Me”, – rakiréla Raj Devél.

10“Me bičhavavas pe tuménde meribnytka fránsy, syr i pe Jegípto: Me muliakiravas tumaré terné muršén kurtalása khetané grenca, savén lenas dro pliéno; Me keravas adiáke, doiá khan (smrado) ĥazdelaspe pir tumaré stany (tabory) dre tumaré ruthunia, ne tumé na risiné ke Me”, – rakiréla Raj Devél.

11“Me ravavas telé tumaré fórja, syr Me, tumaró Devél, radjom telé Sodómo i Gomóra, i tumen syr ĥlomnia vyuhtylen jagatyr, so xačija, ne tumé usajékh na risiné ke Me”, – rakiréla Raj Devél.

12‘Paldavá adiáke Me keráva túke, o Izrailjo: i pir dová, so Me adiáke keráva túke, jav skedynó te dykhespe Mánca, tyré Devlésa, o Izrailjo.”

13Paldavá, ake, Jov, Kon vykerdia bérgi, Kon sozdyjá balvál, Kon déla zvies' (zan) manušéske, pal so jov duminéla, Kon keréla adiáke, so zlóko (ránko) parudjola pe kalypén javrí, i Kon štavela (stempinela) pir vučé štéty pe phuv, – Raj Devél, jangoléngire-bolybnáskiro Devél, isyn Léskiro lav.’

← Chapter 3 Jump to: Chapter 5 →