bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Serbian (Romski Prevod Novog zaveta - Srbija)
/
Mark 10
Mark 10
Romani Serbian (Romski Prevod Novog zaveta - Srbija)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Thaj uštindoj gothar avilo an thana e Judejake prekal o Jordan, thaj čidena pes palem e šel leste; thaj sar so siklipe lesko sas, pale len sikavđa.
2
Thaj e Fariseja avile paše leste, zumavindoj phučle les: Šaj li o rom te mekel e romnja?
3
A vov irisarda thaj phenda lenge: So tumenge čhinavel o Mojsije?
4
A von phende: o Mojsije mekla te del pes lake e muklimaski pustik thaj te mukel pes.
5
Thaj irisarindoj o Isuso phenda lenge: Paše zoralo vilo tumaro hramosarda tumenge vov vaćavavipe akaja.
6
A ano anglipe kerdipesko o Del kerdas len sar rome thaj romnja.
7
Godolestar ka mekel o čhavo e dade pire thaj deja thaj ka astajavel pes ćire romnjaće.
8
Thaj ka oven liduj jek badani. Geja naj maj liduj aj jek badani.
9
A so o Del phangla o manuš kaj te na ulavel.
10
Thaj ano kher palem phučle les katar godova e sikavne leske.
11
Thaj phenda lenge: Savo mekel e romnja thaj les pes avera, kerel angločumidipe lasa.
12
Thaj e romni mekelpe e romestar pirestar đal vaš avereske, kerel angločumidipe.
13
Thaj anena leste čhavoren te azbaven len, a e sikavne čhinavena godolenge kaj anena len.
14
Thaj dikhla o Isus i holi lija les thaj phenda lenge: Meken e čhavoren mek aven mande, thaj na te ačhaven len; kaj si gasavenge Thagaripe Devlesko.
15
Čače tumenge phenav: Savo ni lel Thagaripe Devlesko sar čhavoro, ni ka del an leste.
16
Thaj lija len an angali, čhuta pe vasta pe lende ta len baxtarda.
17
Thaj kana inklistilo po drom, praslo vareko, thaj pelo pe čhanga anglal leste, phučla les: Sikamneja gudleja, so trubul mange te kerav te avel man đivdipe biagorutno?
18
A o Isus leske phenda: Sose man akhares gudleja? Khonik naj gudlo sem jekh Devel.
19
E vaćavavipe džanes: Ma ker angločumidipe; ma mudar; ma čor; ma motho xoxamne; ma ker bihakaja khanikaske; de pativ e dade ćire thaj e daja.
20
A vov irisarindoj phenda leske: Sikamneja sa kava arakhlem katar o ternipe munro.
21
A o Isuso dićhindoj pe leste, lošalas le, thaj phenda leske: Si vađe jek so naj tut: đa bikin sa so situ thaj de e čororenge; thaj ka ovel tut barvalipe po badali; thaj av, le o trušul ćiro thaj phir pala mande.
22
A vov teljarda po šero ando kala lafjora, thaj đelo dukhado; kaj sas but barvalo.
23
Thaj dićhindoj uzal peste, o Isus phenda e sikavnenge pirenge: Sar si phare e barvalenge te den an Thagaripe Devlesko!
24
A e sikavnen lija e dar pe lafjora leske. A o Isus palem irisarindoj phenda lenge: Ćhavoralen, sar si phare godolenđe save paćan an barvalipe te den an Thagaripe Devlesko!
25
Majloće si e devake andar e suvjake kana te nakhel, na li e barvaleske an Thagaripe e Devlesko te del.
26
A von but biašuđarune vakerindoj an peste: ta kon napal šaj te inkalel pes?
27
A o Isus dićhindoj pe lende phenda: E manušenge si godova bišajune, aj e Devleske naj; kaj sa si šajune e Devleske.
28
A o Petar leske lija te vakerel: Eke amen meklam sa thaj pala tute avilam.
29
A o Isus irisarindoj phenda: Čače tumenge phenav: naj khanika savo mekla o kher, ja e phraljen, ja e phejen, ja e dade, ja e daja, ja e romnja, ja e čhavoren, ja e phuv, ando mande thaj ando evangelium,
30
a te na mangel te lel akana an akava vaxto šel droma gaći khera, thaj phrala, thaj e dade, thaj e daja, vi e čhavoren, vi e phuv, uzal tradipe, a ano šelberšipe savo avel đivdipe biagoresko.
31
Aj but anglune ka oven palune thaj e palune anglune.
32
Thaj đikaj đerdindoj e dromesa an Jerusalim, o Isus phirda anglal lende, a von ačarhime, thaj pala leste đana darasa. Thaj lija palem e Dešudujoren, lija lenge te mothovel so leske ka kerdol pes:
33
Ake đas upre an Jerusalim, thaj o Čhavo Manušesko ka dindol anglunerašajenge thaj lilvarnenge, thaj ka krisisaren les po meripe, thaj ka den les nađangledevlese;
34
Thaj ka maren prasape lestar, thaj ka maren les, thaj ka čhungaren les, thaj ka mudaren les, thaj o trito đive ka đivdinisavol.
35
Thaj avile anglal leste o Jakov thaj o Jovan, e čhave Zevedejeske, vakerindoj: Sikamneja, manga te keres amenge so ka ruđisaras tut.
36
A vov lenge phenda: So mangen tumenge te kerav?
37
A von leske phende: De amen te bešas jekh pe čači rig tuke a o dujto pe uči, an sumnalipe ćiro.
38
A o Isus phenda lenge: Ni đanen so roden; šaj li te pijen e taxtaj savi me pijav, thaj te trušulin tumen trušulimasa, savesa me trušuliv man?
39
A von leske phende: Šajisara. A o Isus lenge phenda: E taxtaj, akana, savi me pijav ka pijen la; thaj trušulimasa savesa me trušuliv ma ka trušulin tumen;
40
Aj te bešen pe čači rig mange thaj uči naj munro te dav, aj ka del pes savenge si gatime.
41
Thaj ašundoj goda e dešore lije te xoljavon po Jakov thaj po Jovan.
42
A o Isus akharindoj len phenda lenge: Đanen kaj godola save haćaren pes šerutnenca e manušenge divlisaren lenca, thaj e bare lenge šerutnin upral lende.
43
Aj maškar tumende te na ovel geja; aj savo mangel te ovel maškar tumende baro, mek tumenge kandel;
44
Thaj savo mangel maškar tumende te ovel angluno, mek ovel savorenge kandino.
45
Kaj o Čhavo Manušesko ni avilo leske te kanden aj te kandel, thaj te del o trajo piro an kinipe vaš butenge.
46
Thaj avile an Jerihon. Thaj kana inklistile andar o Jerihon, vov thaj e sikavne leske thaj e bute seloro, o čhavo e Timejevesko, o Vartimej kororo bešela pašo drom, manglindoj.
47
Thaj ašundoj kaj si godova o Isuso Nazarećano, ačhilo te del vika thaj te vakerel: Ćhaveja e Davidosko Isuso, maznosar man!
48
Thaj daravena les but đene te ačhel, a vov vađe najbut dela vika: Ćhaveja e Davidosko, maznosar man!
49
Thaj aćhavindoj o Isus phenda: Akharen les! Thaj akharde e korore vakerindoj leske: Ma dara, ušti, akharel tut.
50
A vov, čhudindoj pestar o fustano piro, uštilo thaj avilo e Isusoske.
51
Thaj irisarindoj phenda leske o Isus: So mange tuke te kerav? A o kororo leske phenda: Sikamneja, te dikhav.
52
A o Isus leske phenda: Đa, o paćape ćiro inkalda tut. Thaj sigo dikhla, thaj đelo dromal palo Isus.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16