bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Serbian (Romski Prevod Novog zaveta - Srbija)
/
Mark 11
Mark 11
Romani Serbian (Romski Prevod Novog zaveta - Srbija)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Thaj kana resle paše o Jerusalim, Vitfaga thaj Vitanija, ke plain Maslinaki, bićhaldas dujen katar e sikavne pire.
2
Thaj phenda lenge: Đan ano gav kaj si nakoro tumende, thaj sigo sar den an leste ka araćhen e xere phanglo, pe savo khonik katar e manuša ni bešlo; putren les thaj anenle.
3
Thaj te kon tumenge phenel: So godova keren? vakeren: E Devlutneske si trubul; thaj sigo ka bičhalel les akari.
4
A von đele, arakhle e xere phanglo ko vudar avral pe trušule droma, thaj putarde les.
5
A nesavore katar godola so ačhena gothe phende lenge: So godova keren thaj putren e xere?
6
A von lenge phende sar so lenge čhinada o Isus; thaj mekle len.
7
Thaj ande e xere e Isusoske, thaj čhute pe leste e fustanja pire; thaj bešlo pe leste.
8
A but đene buljarde pire fustanja po drom; a e aver čhinena krangore katar e kašta, thaj buljarena po drom.
9
A save đana anglal leste thaj pala leste, dinde vika vakerindoj: Osana! Baxtardo savo avel ano alav e Devlutnesko!
10
Baxtaruno thagaripe e dadesko amaresko e Davidesko, savo avel ano alav e Devlutnesko. Osana po ućipe!
11
Thaj dija o Isus an Jerusalim, thaj ano hramo; thaj dikhindoj sa, kana raćajlo, inklistilo ane Vitanija e Dešudujorenca.
12
Thaj po taisutno dives kana inklistile andar e Vitanija, bokhajlo.
13
Thaj dikhindoj dural e sumučinalin patrenca, avilo na li ka ma so khanči arakhel pe late; thaj avindoj lake khanči ni arakhla sem patrina; kaj vađe naj sa o vaxto sumučinengo.
14
Thaj vakerindoj o Isus phenda lake: Katar akana khonik te na xal tutar bijanipe đišelberšipe! Thaj ašunde e sikavne leske.
15
Thaj avile pale ano Jerusalim: thaj dindoj andre o Isuso ano hramo, ačhilo te tradel godolen save bikinena thaj kinena an hramo; thaj peravda e astale godolenge kaj arlisarena e love, thaj e bešavne godolenge kaj bikinena golubore.
16
Thaj ni mekla khoni te ingarel savono vaso andar o hramo.
17
Thaj sikavela vakerindoj lenge: Naj li hramome: O kher munrro ka akharel pes kher ruđimasko savorrenge e manušenge? A tumen kerden lestar xuv čorimaski.
18
Thaj ašunde e lilvarne thaj e anglunerašajutne, thaj rodle sar les te mudaren kaj lestar darana; kaj sa e seloro but mangle o đanipe lesko.
19
Thaj kana sas erat inklilo avral o foro.
20
A sabajle nakhlindoj dikhle e sumučinalin kaj šućili andar e darhina.
21
Thaj dinđa godi o Petar phenda leske: Sikamneja, dikh, e sumučinalin sava dijan arrman šućili.
22
Thaj irisarindoj o Isuso phenda leske: Mek ovel tumen paćajpe ano Devel.
23
Kaj čače tumenge phenav: Te kon phenel e plainake kalake ušti thaj čhud tut ano derav, a ni sungal an vilo piro, aj paćal kaj ka avel sar so vakerel, ka avel leske so god phenel.
24
Godoleske tumenge phenav: Sa so roden an tumari ruđutni, paćan kaj ka len: thaj si te ovel tumen.
25
Thaj kana ačhen pe ruđutni, jertisaren te situmen so opipe kastar; kaj vi o Dad tumaro savo si po badali jertisarel tumenge sa e bezaxa tumare.
26
Te na tumen ni jertisaren, ni o Dad tumaro savo si po badali ni ka jertisarel tumenge e bezexa tumare.
27
Thaj avile palem ano Jerusalim; thaj kana phirende andar o hramo avile leste e anglunerašajutne thaj e lilvarne phurederutne.
28
Thaj phende leske: sarsave zorasa goda keres, ja kon tuke dija zor kaj kava te keres?
29
A o Isuso irisarindaj phenda lenge: Vi me tumen te phućav jekh lav, thaj mothon mange, ta ka mothav tumenge sarsave zorasa kava kerav.
30
Trušulisaripe e Jovanosko sa li e badalestar ja e manušendar? Mothon mange.
31
Thaj gindisarindoj an peste vakerindoj: Te phendam, e badalestar; ka phenel: sose leske, akana, ni paćajen?
32
A te phenas: e manušendar? – darana e manušendar; kaj savore gindisarde vaš Jovanoske kaj čače profeto sasa.
33
Thaj irisarindoj phende e Isuseske: Ni đana. A o Isus irisarindoj phenda lenge: Ni me tumenge ni mothav save zorasa kava kerav.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16