bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Serbian (Romski Prevod Novog zaveta - Srbija)
/
Mark 8
Mark 8
Romani Serbian (Romski Prevod Novog zaveta - Srbija)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
1
An gode divesa pale, kana sasa but seloro thaj naj sasa len so te xan, akharas o Isuso e sikavnen piren thaj phendas lenge:
2
I dukh lel man e selorose, sar ake trin dive terđon mande thaj naj len so te xan.
3
Te meklem len bokhale te đan pire kherende, ka bizurajvov po drom; kaj khajekh katar lende avile dural.
4
Thaj vakerde e sikavne leske: Katar len šaj khoni te parvaren maresa kate ane drmina?
5
Thaj phučla len: Kobor mare si tumen? A von phende: efta.
6
Thaj phendas e selorose te bešen pe phuv; thaj lija godola efta mare thaj naisćherda, phagla, ta dijae sikavnenge pirenge te ulaven thaj ulavde e selorose.
7
Thaj sas len zala mačhore; thaj baxtarinde len, phendas kaj vi len te ulaven.
8
Thaj xale, thaj čalile, thaj ćidle e kotora so aćhile efta sevlja.
9
A godola kaj xale sasa trujal štar milje; thaj mekla len.
10
Thaj sigo dijas an e barka e sikavnenca pirenca, thaj avilo ane thana dalmanutoske.
11
Thaj inklistile e Fariseja, thaj lije te xan pes lesa, thaj zumavena les, rodle lestar o semno katar o badali.
12
Thaj akharindoj ođesa piresa phenda: Sose akala manuša o semno roden? Čače tumenge phenav: Ni ka dolpe o semno akale njamoske.
13
Thaj meklindoj len dijas pale an barka, thaj gelo pe okoja rig.
14
Thaj bistarde e sikavne lesken te len e mare, thaj najsa len pesa an barka đi jek maro.
15
Thaj dija godi len vakerindoj: Dikhen, arakhen tumen e Farisejenge majavatar thaj e majavatar e Irodoski.
16
Thaj paćaje, jekh avereske vakerindoj: Godova si kaj maro naj amen.
17
Thaj haljarindoj o Isus phenda lenge: Sose gindisaren te si godova kaj maro naj tumen? Sar pana ni anena ki godi ni haljoven thaj ni len kan? Sar si pana barastime o vilo tumaro?
18
Situmen jakha sar ni dikhen, thaj kana situmen sar ni ašunen? Thaj ni den tumen gođi.
19
Kana gode panđ mare phagljem pe panđ milje, kobor pherde sevlja kotora čiden? Phende leske: dešuduj.
20
A kana gode efta pe štar milje, kobor pherde sevlja kotora čiden? A von phende: efta.
21
Thaj phenda lenge: Sar ni haljaren?
22
Thaj avilo an Vitsaido: Thaj ande leste e korore, thaj ruđisarde les te azbavel les.
23
Thaj lija o vast e kororeso, inkalda les avral o gav, thaj čhungarindoj pe leske jakha, čhuta pe vasta pe leste, thaj phučla les dikhel li so.
24
Thaj vov dikhindoj phenda: Dikhav e manušen kaj đan sar kašta.
25
Thaj atoska palem čhuta pe vasta pe jakha, thaj kerda te dikhel: thaj sastilo, thaj dikhla sa šukar.
26
Thaj bičhalda les pire khereske, vakerindoj: Ma đerdin ano gav, ni motov kase ano gav.
27
Thaj inklistilo o Isus thaj e sikavne leske ane gava Kesarijake Filiposke; thaj dromal phućindoj e sikavnen piren vakerindoj lenge: So vakeren e manuša, kon se me?
28
A von irisarde: o Jovan Bolipesarutnesko; a aver; Ilija; a aver jek katar e profetura.
29
Thaj vov phenda lenge: A tumen so phenen kon sem me? A o Petar irisarindoj phenda leske: Tu san o Hristos.
30
Thaj čhinada lenge kaj khanikaske te na vakeren lestar.
31
Thaj lija len te sikavel kaj o Čhavo Manušesko trubal but te mudarđol, thaj kaj te čhuden les e phurederutne thaj e anglunerašaja thaj e lilvarne, thaj les ka mudaren, thaj kaj pala e trin dive ka đivdinisajvol.
32
Thaj phenda lenge gadava putarune. Thaj lija les o Petar korkorune thaj lija lesa te xal pes.
33
A vov, irisarindoj thaj dikhindoj pe sikavne pire, daravda e Petre vakerindoj: Đa mandar, benga; kaj tu ni paćas godova so si e Devlesko aj so si e manušesko.
34
Thaj akharindoj e šel e sikavnenca pirenca, phenda lenge: Kon mangel pala mande te avel, mek čhudel pes thaj lel o trušul piro, thaj pala mande te đal.
35
Kaj kon mangel đivdipe piro te arakhel, ka xasarel les, a kon xasarel o đivdipe piro ando mande thaj o evangelium godova ka arakhel les.
36
Kaj savo si lačhipe e manušeske te lijas sa o them a ođeske pireske bibaxtalipe čerela.
37
Ja savo ćinipe ka del o manuš vaš ođi piro?
38
Kaj kon lađal mandar thaj munre lafendar an manušengoro njamo akava xoxavne kamipesoro thaj e došasoro, thaj o Čhavo manušesko ka lađal lestar kana ka avel an baro dive e Dadesko piresko e sumnale phakalenca.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
All chapters:
1
2
3
4
5
6
7
8
9
10
11
12
13
14
15
16