bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Numbers 10
Numbers 10
Romani Sinte 2024 (O Debleskro Lab 2024 (Sinte-Manouche))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
Oun o baro Devel rakras o Moseha oun penas:
2
Kre touke douy phourdepangre dran lačo roup! An kolende vell dren phourdedo, te kameh tou, te venn i tsele Israelitarya khetne, ninna te hounte djan le doureder.
3
Oun te phourdenn le kol douyentsa, hounte venn i tsele Israelitarya pash toute khetne glan o Debleskro kheer.
4
Te phourdenn le ap yekeste, hounte venn kolla pash toute, kay hi pralstoune pral kol boud zerya menshende an Israel.
5
Te phourdenn t'mer zoreles, hounte stenn kolla pre, kay hi lengre platsa kote, kay i kham pre djala, te djan le doureder.
6
Oun te phourdenn t'mer o douyto kopo zoreles ap i phourdepaskri, hounte stenn kolla pre, kay hi lengre platsa kote, kay i kham tato hi, te djan le doureder. Yaake djinenn le: Te vell zoreles phourdedo, hounte djan yon doureder.
7
Te kamenn, te venn i tsele Israelitarya khetne, hounte phourdenn gar zoreles.
8
Kol rashaya, o Aroneskre čave, hi kolla, kay hounte phourdenn an i phourdepangre. Kova hounte ačell yaake t'menge oun t'mare čavenge hako tsireske.
9
Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.
10
Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.
11
Ap o biishto dives an o douyto čon an o douyto bersh hadas pes koy bari folka, hoy pral o Debleskro kheer his, kay o Debleskre deesh laba dren hi.
12
Oun kol Israelitarya djan dran ko moulo tato them Sinay. Oun koy folka djas glan lende oun ačas tardo an ko moulo tato them Paran.
13
Kova his o ersto kopo, kay djan le yaake doureder har o baro Devel kova ap o Moseste penas:
14
Kol menshe dran o kheer Youda his i glanstoune, kay djan vin. Lengro pralstouno his o Nashon, koleskro dad o Amminadab hi. Lentsa djan kol menshe dran o kheer Issakar oun dran o kheer Zabulon. I pralstouno pral o kheer Issakar his o Netanel. Leskro dad hi o Souar. Oun o pralstouno pral o kheer Zabulon his o Eliab. Leskro dad hi o Helon.
17
Palle kran yon o Debleskro plarhteno kheer tele. Oun kol menshe dran i familye Gershon oun Merari djan oun hidjran ko plarhteno kheer.
18
Pal lende djan kol menshe dran o kheer Ruben. Lengro pralstouno his o Elizour, koleskro dad o Shedehour hi. Lentsa djan kol menshe dran o kheer Simeon oun dran o kheer Gad. O pralstouno pral o kheer Simeon his o Sheloumiel, koleskro dad o Sourishadday hi. Oun o pralstouno pral o kheer Gad his o Elyasaf, koleskro dad o Degouel hi.
21
Pal lende djan kol Kohatarya, oun hidjran ko koova o Debleskro plarhteno khereske. Kava kheer hounte vas pale pre-čiddo, bis te kol Kohatarya pal van.
22
Pal lende djan kol menshe dran o kheer Efrayim. Lengro pralstouno his o Elishama, koleskro dad o Ammihoud hi. Lentsa djan kol menshe dran o kheer Manasse oun dran o kheer Benyamin. O pralstouno pral o kheer Manasse hi o Gamaliel, leskro dad hi o Pedazur. Oun o pralstouno pral o kheer Benyamin his o Abidan, leskro dad hi o Gidoni.
25
Pal lende djan kol menshe dran o kheer Dan. Lengro pralstouno his o Ahiyeser, koleskro dad o Ammishadday hi. Lentsa djan kol menshe dran o kheer Asser oun dran o kheer Naftali. O pralstouno pral o kheer Asser his o Pagiel. Leskro dad hi o Okran. Oun o pralstouno pral o kheer Naftali his o Ahira, koleskro dad o Enan hi.
28
Hako kopo, kay djan i Israelitarya doureder, kran le les yaake.
29
Oun o Mose penas ap peskri romyakro phraleste, o Hobab, koleskro dad o Regouel hi dran o them Midian: “Mer djah an ko them, hoy o baro Devel penas: Me dau kova t'mende. Kanna, ab mentsa! Palle krah touke lačo koova. O baro Devel penas: Me kamau lačepen te krell ap o Israel.”
30
Koy penas o Hobab: “Me kamau gar t'mentsa te djal. Me kamau an miro them oun pash mire menshende te djal.”
31
O Mose penas: “Dja gar krik mendar, tou djineh i platse an o moulo tato them, kay mer nay djivah. Tou nay sikreh menge o drom.
32
Oun te djah tou mentsa, krah mer touke o lačepen, hoy o baro Devel ap mende krella.”
33
Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.
34
Oun ap o dives, har djan le doureder, his o baro Debleskri folka pral lende.
35
Oun har djas ko sonakaskro morhton doureder, penas o Mose: “Baro Devel, ste pre, oun trade kolen krik, kay kamenn touke čilačepen! Kre, te nashenn le halauter penge toutar!”
36
Oun te čivan yon ko morhton tele, penas yob: “Am pale, baro Devel, pash kol boud zerya menshende an Israel!”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36