bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Numbers 31
Numbers 31
Romani Sinte 2024 (O Debleskro Lab 2024 (Sinte-Manouche))
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
O baro Devel rakras o Moseha oun penas:
2
“De kol Midianaryen ko čilačepen pale, hoy kran le ap i Israelitaryen! Oun pal kova vell ko dives, kay mereh tou.”
3
Koy penas o Mose ap i Israelitaryen: “Lenn lourden t'mendar, te kourenn yon pen kolentsa dran Midian. Yaake te lenn kol Midianarya pengri phagi, hoy o baro Devel len dell.
4
Lenn yek zero morshen dran hakeneste kol deesh-te-douy bare familyendar, hoy venn o Yakobeskre čavendar, oun bičrenn len an o kourepen.” Oun yaake kran le, oun 12.000 (deesh-te-douy-zerya) morsha van khetne kourepaske.
6
Oun o Mose bičras len an o kourepen. Lentsa djas o Pinhas, koleskro dad o rashay Elazar his. Oun o Pinhas las o Debleskro koova peha, ninna kol kourepaskre phourdepangre.
7
Oun yon djan an o kourepen an o them Midian, te kourenn le pen lentsa, yaake har o baro Devel kova o Moseske penas, oun dan i tsele morshen kote moulo.
8
Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.
9
Oun kol Israelitarya pandan kol djouvyen foun kol Midianarya oun lengre čaven. Lengre firhe, oun halauter, hoy len hi, čoran yon.
10
Oun rhačran lengre tsele forya, lengre khera oun plarhtene khera, kay yon djivan.
11
Oun yon lan ko tselo čoredo koova, oun halauter, hoy yon nay lan, menshe oun firhe,
12
oun anan len pash o Moseste oun o rashayeste, o Elazar, oun pash i tsele vavar Israelitarya. Kolla his ap pengri platsa pash o pani Yordan an o telstouno them, kay kol Moabarya djivan, vergel o foro Yericho.
13
Oun o Mose oun o rashay Elazar oun kol vavar pralstoune djan pash lende, vin glan i platsa.
14
Oun o Mose vas rhoyedo pral i pralstoune lourdende oun pral kol pralstoune pral i zerya oun pral sheel lourdende, kay dran o kourepen van.
15
Oun yob penas ap lende: “Hoske moukan t'mer i tsele djouvyen djido?
16
Ma bistrenn, te his kol djouvya, kay kran, hoy o Bileam lenge penas, oun tserdan i Israelitaryen o baro Deblestar krik, yaake te nashan le o rhorheno debles Baal-Peor palla. Doleske vas ko baro nasslepen ap o Debleskre menshende.
17
Kanna, denn moulo kol tsele morsh čaven, oun kol tsele djouvyen, kolen i rom his.
18
Kol tsele ča, kay van kek morshestar an-tapedo, kolen moukenn t'menge djido!
19
Oun t'mer halauter, kay dan yekes moulo oder kay tapran i moules an, ačenn efta divessa glan koy platsa, kay t'mare plarhtene khera hi. Ap o triinto dives oun ap o eftato dives thovenn t'men yaake har glan činlo hi, te venn pale djoudjo oun erligo. Ninna kol ča, kay lan t'menge pandlo, hounte thovenn pen yaake.
20
Ninna kol tsele ripaskre koola, oun halauter, hoy dran ledera, bouzyengro bal oun kasht kerdo vas, hounte vell djoudjo kerdo.”
21
Oun o Elazar, ko rashay, penas ap kol lourdende, kay his an o kourepen: “Kova hounte vell yaake kerdo, har o baro Devel kova o Moseske penas.
22
Ko koova dran sonakay, roup, lolo saster, saster, cinno oun blayo,
23
oun halauter, hoy i yag gar pre rhačrell, kova hounte rikrenn an i yag, te vell kova djoudjo. Oun pal kova vitsrenn pani koy pre. Oun kova halauter, hoy rhačrals pre an i yag, čivenn an o pani.
24
Oun t'mer hounte thovenn t'mare ripaskre koola ap o eftato dives. Palle venn t'mer djoudjo. Pal kova nay venn pale ap i platsa, kay i plarhtene khera tardo hi.”
25
Oun o baro Devel rakras o Moseha oun penas:
26
“Le kol tsele menshen oun kol firhen, kay tapran, kay krik anlo van, pash t'mende pre, tou oun ko rashay Elazar oun kol pralstoune pral i bare familyende.
27
oun de i paash kolende, kay his an o kourepen, oun kol vavar paash de i vavar Israelitaryen.
28
Oun kolla, kay his an o kourepen, hounte denn čomone o baro Debleske. Kolestar, hoy yon pandles lan, le yek menshes hake panč-shelendar oun yek firho hake panč-shelendar, i groumyendar, i bakrendar oun foun i bourike. Oun de les o rashayeste Elazar, te dell yob kova o baro Debleste.
30
Kol vavar Israelitarya hounte denn ninna čomone o Debleske. Lendar less tou yek menshes hake paash-shelendar oun yek firho hake paash-shelendar, i groumyendar, i bakrendar, foun i bourike, oun i tsele vavar firhendar, oun hounte dess len kol Levitaryen, kay krenn pengri boudi ap o Debleskro kheer.”
31
O Mose oun o rashay Elazar kran yaake har o baro Devel kova o Moseske penas.
32
Oun kova, hoy i lourde tapran oun hoy djido ačas his 675.000 (shob-sheel-efta-deesh-te-panč-zerya) bakre.
33
72.000 (efta-douy-zerya) groumya,
34
61.000 (shob-deesh-te-yek zerya) bourike,
35
32.000 (triyanda-te-douy-zerya) djouvya, kay kek morshestar an-tapedo van.
36
Oun ko paash, kay kolenge hi, kay an o kourepen djan, his 337.500 (triin-sheel-triyanda-te-efta-zerya-panč-sheel) bakre.
37
Kolendar hounte dan yon o baro Debleste 675 (shob-sheel-efta-deesh-te-panč) bakre.
38
Ninna 36.000 (triyanda-te-shob-zerya) groumya. Kolendar hounte dan yon o baro Debleske 72 (efta-deesh-te-douy) groumya.
39
Ninna 30.500 (triyanda-zerya-te-panč-sheel) bourike. Kolendar hounte dan yon o baro Debleste 61 (shob-deesh-te-yek).
40
Ninna 16.000 (deesh-te-shob-zerya) djouvya. Kolendar dan le o baro Debleste 32 (triyanda-te-douy).
41
Oun o Mose das kova, hoy dan kolla leske o baro Debleske, ko rashayeste Elazar, yaake har o baro Devel leske kova penas.
42
Ko vavar paash, hoy o Mose ap i rig čivas kol vavar Israelenge, his yaake baro har kol lourdengro paash.
47
Oun o Mose las kolestar, hoy i Israelengre hi, o 50. (paash-sheelto) kotar hake firhendar oun hake menshendar, oun das len kol Levitaryen, kay boudrenn ap o Debleskro kheer, yaake har o baro Devel kova o Moseske penas.
48
Oun pash o Moseste van kolla, kay penepaske hi pral kol boud lourdende, kol pralstoune pral i zero lourdende oun pral i sheel lourdende,
49
oun penan ap leste: “Mer, tire boudepangre, lan pre, har boud lourde koy hi, kay men pral lende penepaske hi; oun halauter his koy.
50
Doleske anah mer o baro Debleske ko sonakaskro koova, hoy hakeno mendar hatsas: brassleta, vastengre verklia, goustria, kanengre oun verklia. Mer dah kova o baro Debleste, te playsras maro djipaske, te vell či tardo mank o baro Debleste oun mende.”
51
O Mose oun o rashay Elazar lan ko tselo sonakaskro koova.
52
Oun ko tselo sonakay, kay kol pralstoune o baro Debleske anan, his 200 (douy-sheel) kilogramme pharo.
53
Kol lourde, kay his kek pralstoune, rikran penge kova, hoy tapran yon an o kourepen.
54
O Mose oun ko rashay Elazar lan ko sonakay kol pralstunendar oun anan kova an o Debleskro plarhteno kheer, te bistrell o baro Devel gar, te dikell lo lačes ap i Israelitarya.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36