bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Sinte 2024 (O Debleskro Lab 2024 (Sinte-Manouche))
/
Numbers 28
Numbers 28
Romani Sinte 2024 (O Debleskro Lab 2024 (Sinte-Manouche))
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
1
Oun o baro Devel rakras o Moseha oun penas:
2
Pen ap i Israelitarya: T'mer hounte denn yak, te anenn an o čačo tsiro ko koova, hoy denn o Debleste, – ko rhapen, hoy vell leske rhačedo oun koleskro soungepen leske shoukar soungella.
3
Oun pen ap lende: Kalla hi kol firhe, hoy hounte rhačrenn tseles o baro Debleske: hako dives douy bakre, kay yek bersh phouro oun gar nasselo hi.
4
Yek bakro taysarlakro, ko vavar ap i rati.
5
Koy pashel yaake yek kilogrammi lačo yarro, hoy vas khetne dino yek litari djeteha.
6
Kova hi ko rhapen, hoy te rhačrenn hako dives, yaake har anan les o ersto kopo pash koy berga Sinay. Oun o lačo soungepen, hoy pre djal, te vell kova halauter rhačedo an i yag, soungell mishto o baro Debleske.
7
Koy pashel vell yek litari mool vin čoredo o baro Debleske an leskro kheer.
8
Ap i rati aness ko vavar terno bakro! Koy pashel o rhapen oun i mool har taysarlakro. Oun o lačo soungepen, hoy pre djal, te vell kova halauter rhačedo an i yag, soungella mishto o baro Debleske.
9
Ap o Debleskro dives aness douy bakre, hoy yek bersh phouro hi. Yon hounte venn gar nasselo. Koy pashel aness douy kilogramme lačo yarro khetne dino djeteha. Ninna čoress mool vin o Debleske.
10
Kova vell o Debleske hako Debleskro dives anlo. Koy pashel kova, hoy vell leske hako dives rhačedo, oun koy mool, hoy vell leske vin čoredo.
11
Ap o ersto dives an hako čon hounte rhačrenn t'mer o baro Debleske douy terne morsh groumya, yek morsh bakro oun efta yek-bershengre bakre, kay gar nasselo hi.
12
Oun pash hako firho denn o Debleste i rhapen dran lačo yarro djeteha: pash i morsh groumni triin kilogramme yarro, pash i morsh bakro douy kilogramme yarro,
13
oun pash i terno bakro yek kilogrammi yarro. Kava vell rhačedo o baro Debleske. Oun o lačo soungepen, hoy djal pre, te vell kova halauter rhačedo an i yag, soungella mishto o baro Debleske.
14
Oun koy pashel čorenn mool vin o Debleske: douy litarya pash haki terni morsh groumni, yek-te-paash litarya pash i morsh bakro, oun yek litari pash hako terno bakro. Kava vell rhačedo hako nevo čon.
15
Koy pashel hounte anenn i morsh bouzni o baro Debleske, te vell t'mari doosh krik lino. Kova halauter vell pash kol firhe oun ko yarro oun koy mool, hoy vell hako dives o Debleske anlo.
16
Ap o deesh-te-starto dives an o ersto čon hi ko dives, hoy hi o baro Debleske, oun hoy kharell Passa.
17
Oun ap o deesh-te-pančto dives ninna an ko čon, hi ko ersto dives kol efta divessa, kay hounte rhan kek maro dran shoutlo yarro.
18
Ap o ersto dives hounte venn khetne glan o baro Debleste. Kek hounte boudrell ap ko dives.
19
Oun hounte rhačrenn o baro Debleske douy terne morsh groumya, yek morsh bakro, oun efta yek-bershengre bakre, kay gar nasselo hi.
20
Koy pashel ko rhapen dran lačo yarro djeteha: triin kilogramme haki terni morsh groumyake oun douy kilogramme hako morsh bakreske,
21
oun yek kilogrammi hakeneske kol efta terne bakrendar.
22
Koy pashel i morsh bouzni, te vell t'mari doosh krik lino oun lauter pale mishto, hoy mank t'mende oun o Debleste tardo his.
23
Oun kova halauter hounte anenn pash kova pashel, hoy hako dives rhačrenn o Debleske taysarlakro, oun pash koy mool, hoy leske vin čorenn. Yaake hounte krenn hako dives efta divessa. Oun o lačo soungepen, hoy djal pre, te vell kova halauter rhačedo an i yag, soungella mishto o baro Debleske.
25
Ap o eftato dives hounte venn pale khetne, te sharenn o baro Debles. Ap ko dives hounte krenn kek boudi.
26
Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.
27
Oun hounte rhačrenn o baro Debleske douy terne morsh groumya, yek morsh bakro, oun efta yek-bershengre bakre, kay gar nasselo hi. Oun o lačo soungepen, hoy djal pre, te vell kova halauter rhačedo an i yag, soungella mishto o baro Debleske.
28
Koy pashel ko rhapen dran lačo yarro djeteha: triin kilogramme haki terni morsh groumyake oun douy kilogramme hako morsh bakreske,
29
oun yek kilogrammi hakeneske kol efta terne bakrendar.
30
Koy pashel anenn i morsh bouzni, te venn t'mari doosh krik lino.
31
Oun kova halauter hounte anenn pash kol firhe oun ko yarro oun koy mool, hoy vell hako dives o Debleske anlo. Kol firhe, hoy anenn o Debleske, hounte venn sasto.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36