bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
2 Chronicles 15
2 Chronicles 15
Santali Bible (সান্তালী বাইবেল)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
1
Isorren jiu do Obedren hopon Asariạ cetanreye decʼena.
2
Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.
3
Israelko do ḍher din hạbicʼ sạri Isor chaḍa, naeke chaḍa ar ạn-ạriko chaḍageko calakʼkan tahẽkana.
4
Menkhan duk reakʼ dinre onko do Israelren Probhu Isor secʼko ạcurente uniyakʼ monejoṅakʼ baḍaeko khojkeda arko baḍaekeda.
5
Onako dinre jãhãte oḍok calakʼ ar hijukʼre jãhãn sulukge baṅ tahẽkana, ente sanam jaegare ạlmạlge tahẽkana.
6
Mitʼ jạtrenko do eṭakʼ jạtrenko cetanre, mitʼ nagraharenko do eṭakʼ nagraharenko cetanre bạṛicʼ lạgitʼko kurumuṭukan tahẽkana, ente Isor ạḍi lekan be bhạlại iạteye kosṭoyetʼko tahẽkana.
7
Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”
8
Asa do niạ katha ańjomkate, metakʼme Obedren hopon Asariạwakʼ nạbi katha ańjomkate dil hecʼadea. Uni do Jihudạ ar Benjạmin reakʼ goṭa ṭoṭha khon ehopʼkate ar acʼe ạidạriyan tahẽkan Ephrayim buru ṭoṭha reakʼ atoko ar nagrahako khon hirkhạwan murhutʼ boṅgakoe marao giḍikatʼkoa. Uni do Probhu Isorakʼ oṛakʼ reakʼ pinḍạ samaṅre dohoakan Probhu Isorakʼ pinḍ do arhõe benao arokeda.
9
Ona tayom uni do Jihudạ ar Benjạinren sanam hoṛko ar Ephrayim, Manase ar Simeon ṭoṭhakoren okoeko hoṛ do onko talareko girobasokʼ kan tahẽkan onkoe jarwa mitʼketʼkoa. Ar Probhu Isor do Asa sãote menaea menteko ńelketʼ khan Israelren ḍher hoṛgeko uni secʼena.
10
Asawakʼ rajokʼ gel mõṛẽakʼ bochor reakʼ tesarakʼ candore noko hoṛko do Jerusalemre hecʼkateko jarwayalena.
11
Ar okako jinisko luṭ ạguletʼ onako mod khon un jokhecʼ onko do Probhu Isor ńutumte eae sae ḍaṅgra ar eae hajar bhiḍiko samaṅketʼkoa.
12
Onko do noako gokʼkeda, goṭa mon ar ontorte akoren hapṛamkoren Probhu Isorakʼ sana lekako calakʼa mente;
13
ar onko modren huḍińko ar lạṭuko, herelko ar maejiuko jãhãege Israelren Probhu Isorakʼ sana leka bae calakʼ uni doe gocʼ giḍi ocokʼa.
14
Onko do rạskạte ãṭ aṛaṅte sakwa ar pẽpṛẽtʼ oroṅate Probhu Isor ṭhenko kiriạyena.
15
Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.
16
Asa raj do acʼren goṛomtetʼ buḍhi Maka do rạni leka tahẽkantae hudạ khone ocokʼkedea, ente uni do hirkhạwạnicʼ Asera muṭhạne benaoleda. Ar Asa do ona muṭhạne makʼ rạputʼketʼte kedron soḍokʼre idikateye atar giḍikada.
17
Uni do Israel khon than boṭkocʼko bae marao giḍi utạr daṛeatʼ tahẽkanre hõ uni do jiwetʼ bhor Probhu Isorgeye botoradea.
18
Uni ar uniren apattetʼ okako sona-rupạ ar eṭakʼ eṭakʼ jinisko Isor ńutumtekin begar doholetʼ onako do Isorakʼ oṛakʼteye idikeda.
19
Asawakʼ rajokʼ pegel mõṛẽ bochor hạbicʼ ar jãhãn lạṛhạige baṅ hoylena.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36