bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
2 Chronicles 35
2 Chronicles 35
Santali Bible (সান্তালী বাইবেল)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Josiạ do Jerusalemre Probhu Isor ńutumte bańcao porobe porobena. Pạhil cando reakʼ gelponakʼ dinre hoṛko do bańcaokʼ porobre bheḍako gurketʼkoa.
2
Uni do naekeko akoakʼ kạmireye bahalketʼkoa ar Probhu Isorakʼ oṛakʼre dewa sewa kạmireye udgạuketʼkoa.
3
Liwiko, okoe do sanam Israelkoko cetʼako kan tahẽkan ar Probhu Isor ńutumte okoe doko begar ocolen uni do okoe metatʼkoa, “Israelren raj Dạudren hopon Solomon do okaṭakʼ mundile benaoletʼ tahẽkan onḍe ape do sonotakʼ sindukpe dohokakʼa. Ona do tarenre ar baṅ gokʼ lagaoapea. Ńitokʼ ape do aperen Probhu Isor ar uniren hoṛko sapʼ sorakope.
4
Israelren Dạud raj ar uniren hopon Solomonakʼ olakʼ leka, apeakʼ nijakʼ bõs lekate niṭ akatʼ dolre sapʼsosor kạmi lạgitʼ sapṛao tahenpe.
5
“Ape jạtren hoṛko, metakʼme Israel bõskoren mitʼke mitʼ hạṭińrenko lạgitʼ adom Liwiko do akoakʼ bõs lekate ona hạṭińren hoṛko soṅgete idikate sonot oṛakʼ reakʼ racare teṅgokʼpe.
6
Ape do bańcaokʼ porobren bheḍako gurkate sapha maṛaṅokʼpe ar Mose hotete emakʼ Probhu Isorakʼ hukum leka ape jạtren hoṛko jemon bańcaokʼ porobko porob daṛeakʼ ona bebostaepe.”
7
Ona tayom Josiạ do onḍe jarwa akan sanam hoṛko lạgitʼ bańcaokʼ porob reakʼ samaṅokʼakʼ ńutumte pegel hajar merom ar bheḍa hoponko ar pe hajar ḍaṅgrae emena. Raj do acʼakʼ sompotti khon noko doe danketʼkoa.
8
Rajren kạmiyạko hõ apan ạpin kusileka disomren hoṛko, naekeko ar Liwiko ńutumteko danketʼkoa. Hilkiạ, Sakariạ ar Jehiyel ńutuman Isorakʼ oṛakʼren mukhiyạko do bańcaokʼ porob reakʼ samaṅokʼakʼ lạgitʼ bar hajar turui sae merom ar bhiḍiko ar pe sae ḍaṅgrako naekekoko ematʼkoa.
9
Konaniạ ar uniren bar boeha Semaya ar Nathanel, Hasabiạ, Josabad ar Jeyel noko mukhiyạ hoṛ do bańcaokʼ porob lạgitʼ mõṛẽ hajar merom ar bhiḍiko ar mõṛẽsae ḍaṅgrako Liwi ṭhenko danketʼkoa.
10
Nonkate sapʼsosor kạmi reakʼ bebosta hoyena ar rajakʼ hukum leka naekeko do apan ạpin jaegare ar Liwiko hõ akoakʼ judạ judạ dolrenko lekateko teṅgoyena.
11
Liwiko do bańcaokʼ porobren merom ar bheḍako gurketʼkoa ar naekeko do onkoakʼ ti khon mãyãm hataokateko chiṭiạukeda, ar Liwiko do janwarko khalketʼkoa.
12
Moseyakʼ puthire olakʼ hukum leka onko do Probhu Isor ńutumte samaṅko lạgitʼ mimitʼ bõsren judạ judạ hạṭińren hoṛko emako lạgitʼ jeredokʼ samaṅokʼakʼ jiniskoko begar dohokeda. Onko do ḍaṅgrako reakʼ hõ onkageko kạmikeda.
13
Niạm lekate onko do bańcaokʼ porobren bheḍa do seṅgelreko rapakʼ isinkedea ar samaṅokʼakʼ jel do ṭukucʼre, celaṅre, luihạre isinkate usạrate idikate hoṛkoko jom ocoketʼkoa.
14
Ona tayom onko do apnar ar naekeko lạgitʼko bebostakeda, ente naekeko, metakʼme Aronren bõsko do jeredokʼ samaṅokʼakʼ jinisko ar itilko ńindạ hạbicʼko samaṅkeda. Ona iạte Liwiko do apnar ar Aron bõsren naekeko lạgitʼko bebostawana.
15
Dạud, Ashap, Heman ar rajren ńeńelicʼ Jeduthun tekoakʼ hukum leka Ashap bõsren sekʼreńko ar bajnadarko do apan ạpin jaegareko tahẽkana. Ar mitʼke mitʼ phaṭok duạrre do rurukhiyạkoko tahẽkana. Onko do kạmi bạgi oṭowakʼ jạruṛge baṅ hoylentakoa, ente onkoren Liwi boehako do onko lạgitʼko bebosta akatʼ tahẽkana.
16
Nonkate Josiạ rajakʼ hukum leka bańcaokʼ porob manao lạgitʼ Probhu Isorakʼ pinḍ cetanre jeredokʼ samaṅokʼakʼ samaṅ lạgitʼ enhilokʼ do Probhu Isorakʼ sanam sewa kạmi reakʼ bebosta hoyena.
17
Ar okoe Israelkoko jarwa akan tahẽkan onko do ona jokhecʼ bańcaokʼ porob ar bin khạmiyanakʼ piṭhạ porob do eae din hạbicʼko manaokeda.
18
Samuel nạbi tayom ar Israelko do bańcaokʼ porob tishõ nonka do bako porob akan tahẽkana. Naekeko, Liwiko ar Jerusalemren hoṛko sãote jarwa akan Jihudạ ar Israelren sanam hoṛkoante Josiạ cetʼ leka bańcaokʼ porobe poroben onka do Israel rajko modre ar okoege bako porob daṛeatʼ tahẽkana.
19
Josiạ rajakʼ rajokʼ gel irạlakʼ bochorre niạ bańcaokʼ porobko porobena.
20
Josiạ do mundil oṛakʼ reakʼ sanam kạmikoe sạtketʼ khan Misorren raj Neko do phurạt gaḍa ṭhen Karkemiste lạṛhại lạgitʼe rakapʼ hecʼena. Unre Josiạ hõ uni teṅgo darame lạgitʼe oḍok calaoena.
21
Menkhan Neko do hoṛ kolketʼkoteye roṛgotʼkada, “E Jihudạren raj, iń sãote amakʼ do cetʼtam? Am akromonme lạgitʼ do bạń hijukʼ kana, menkhan onko hoṛkogeń akromonetʼkoa okoe tulucʼ do lạṛhạiyiń ehopʼ akantiń. Isor do usạrae lạgitʼgeye mitạńkana, onate Isor do iń sãotege menae ar am do alom teṅgo daramińạ, ar baṅ khanem marao utạrokʼa.”
22
Josiạ do bae ruạṛlena, bickom uni sãote lạṛhại lạgitʼ eṭakʼ kicricʼ horokʼkateye sapṛaoena. Isorakʼ hukumte Neko okae metade ona do bae luturatʼte Megido reakʼ bilạn ṭạnḍire uni upạrte lạṛhại lạgitʼe oḍok senena.
23
Unre dhinkiạko do Josiạ rajko tuńkede khan acʼren hoṛkoe metatʼkoa, “ Nonḍe khon idiyińpe, ạḍi kajakiń ghạl akana.”
24
Onate onko do uniyakʼ rãt gạḍi khonko kuṭuṅ pheḍkedea ar eṭakʼ rãt gạḍireko ladekedete Jerusalemteko idikedea, ar onḍegeye gocʼena. Uni do uniren hapṛamkoakʼ topareko baekadea ar Jihudạ ar Jerusalemren sanam hoṛ do uni lạgitʼko homor halaṅkeda.
25
Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.
26
Josiạwakʼ eṭakʼ sanam kạmiko reakʼ katha ar Probhu Isorakʼ ạn-ạri lekate Isor botorae reakʼ sanam kathako pạhil khon mucạtʼ hạbicʼ “Israel ar Jihudạren rapajkoakʼ Itihãs” ńutumanakʼ puthire ol menakʼa.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36