bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
2 Chronicles 31
2 Chronicles 31
Santali Bible (সান্তালী বাইবেল)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.
2
Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.
3
Ar Probhu Isorakʼ ạn-ạrire cetʼ leka olakan onkage setakʼ ar ạyupʼ reakʼ jeredokʼ samaṅokʼakʼ lạgitʼ ar jirạukʼ mãhã, ambas ńut ar niṭakatʼ porob oktere jeredokʼ samaṅokʼakʼ lạgitʼ raj do acʼakʼ sompotti khone dankeda.
4
Naeke ar Liwiko jemon Probhu Isorakʼ ạn-ạri manao babotre apnartetʼ purạte jamaṛ akanko tahẽdaṛeakʼ onate onkoakʼ paona hĩs emkatako lạgitʼ uni do Jerusalemre girobasokʼ kan hoṛkoe hukumatʼkoa.
5
Niạ hukum oḍokokʼ são sãote Israelko do akoakʼ phosolko, nãwã darkha rasa, sunumko ar dumur rasa reakʼ pạhil hĩs ar khetre jãhãnakʼge hoyokʼ ona reakʼ pạhil hĩs onko do ạḍi ḍherko dankeda. Ona chaḍa onko do jotowakʼ reakʼ gel hạṭiń reakʼ mitʼ hạṭińko emena ar ona do ạḍi utạr hoyena.
6
Israel ar Jihudạren okoeko hoṛ do Jihudạ reakʼ ato ar nagrahareko girobasokʼ kan tahẽkan onko hõ akoren ḍaṅgrako, bhiḍiko ar meromko reakʼ gel hạṭiń reakʼ mitʼ hạṭińko ạguketʼkoa ar onkoren Probhu Isor ńutumte begar dohowakʼ jinis reakʼ gel hạṭiń reakʼ mitʼ hạṭiń ạgukateko ṭhikikeda.
7
Tesar candore niạ kạmiko ehopketʼte onko do eae candoreko sạtʼkeda.
8
Hiskiạ ar uniren kạmiyạko do hecʼkate ona ṭhiki ńelte Probhu Isorko sarhaokedea ar uniren hoṛ Israelko hõ sarhaoe ematʼkoa.
9
Hiskiạ do ona ṭhiki reakʼ katha naeke ar Liwikoe kuliketʼkoa.
10
Onate Sadokakʼ bõsren Asariạ ńutuman maraṅ naeke do roṛ ruạṛketʼteye menkeda, “Probhu Isorakʼ oṛakʼre hoṛko do tinre akoakʼ dan ạguko ehopʼena unkhon aleakʼ jomakʼ hõ sareṛ idiyena, ente Probhu Isor do acʼren hoṛkoe bhor akatʼkoa, ar noako jinis do ḍher sarecʼ akana.
11
Unre Hiskiạ do Probhu Isorakʼ oṛakʼre khajańci kandhako benao lạgitʼe hukumkeda ar onako benaokeda.
12
Ona tayom hoṛko do dan-sandes, ar jotowakʼ jinis reakʼ gel hạṭiń reakʼ mitʼ hạṭiń ar Probhu Isor ńutumte begar dohoakatʼ jinisko pạtiạr salakʼ khajańci oṛakʼte ạguko ehopʼena. Konaniạ ńutuman mitʼṭen Liwi cetanre noako jinis ńel todarot reakʼ bhar do tahẽkana ar uniren boeha Simai do uniren gokʼṛoyicʼe tahẽkana.
13
Nukin bar hoṛ tabere Hiskiạ raj ar Probhu Isorakʼ oṛakʼren maraṅ kạmiạyicʼ Asariạwakʼ hukumte Jehiyel, Asasiạ, Nahat, Asahel, Jerimot, Josabad, Eliyel, Jismikhiạ, Mahat ar Benae noko do ńel todarot reakʼ bharko ńamkeda.
14
Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.
15
Naekekoakʼ nagraha ar atokore onkoren eṭakʼ eṭakʼ dol lekate umerte lạṭu se kạṭicʼ onkoren soṅgeten naekeko ṭhik leka hạṭińako lạgitʼ Kori tabere Eden, Miniamin, Jesuạ, Semaya, Amariạ ar Sekaniạ noko do pạtiạr salakʼko kạmi kan tahẽkana.
16
Ona chaḍa eṭakʼ eṭakʼ dol lekate okoe naekeko do din hilokʼ reakʼ kạmi lạgitʼ Probhu Isorakʼ oṛakʼteko bolokʼkan tahẽkan onkohõ jomakʼko hạṭińako kan tahẽkana. Onko do pe bochor ar ona khon bạ̃ṛti umerren herel hoponko tahẽkana onkoakʼ ńutum do naekekoakʼ bõs tạlikare ol tahẽkana.
17
Bõs tạlikare naekekoakʼ ńutum do apatkoakʼ bõs lekate ol hoylena ar bargel bochor ar ona khon bạ̃ṛti umerren Liwikoakʼ ńutum ar dạyik do eṭakʼ eṭakʼ dol lekate ol hoylena.
18
Ona chaḍa onkoren bạhuko ar koṛa hoponko ar kuṛi hoponko, metakʼme goṭa somaj reakʼ ńutum do bõs tạlikare ol hoylena, ente naekeko ar Liwiko do pạtiạr salakʼ Isor ńutumte apnartetʼko begar doholena.
19
Okoe naekeko, metakʼme Aronren okoe bõsko do nij nij nagraha ar ato beṛhaeteakʼ jaegareko girobasokʼ kan tahẽkan onko jomakʼ hạṭińako lạgitʼ mimitʼ nagraha ar atore adom hoṛkoakʼ ńutum hõko doholeda. Onko do mimitʼ naekeko ar bõs tạlikare ol akan mitʼke mitʼ Liwiko jomakʼko hạṭińako kan tahẽkana.
20
Hiskiạ do Jihudạ reakʼ joto jaegare nonkageye kạmikeda. Uniren Probhu Isorakʼ mẽtʼre oka bhageakʼ, sạriạkʼ ar dhoromteakʼ kan onageye kạmiyetʼ tahẽkana.
21
Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36