bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
2 Chronicles 34
2 Chronicles 34
Santali Bible (সান্তালী বাইবেল)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
1
Josiạ do irạl bochor umerre raje hoylena ar pe gel mitʼ bochor Jerusalemre raje calaokeda.
2
Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana; ar ona hor khon oka secʼge bae ghańjeṛlena.
3
Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.
4
Uni samaṅre Bakʼal debotawakʼ pinḍko do rạputʼ giḍikada; ar onako cetanre oka dhup dạniko tahẽkan onakoe makʼ rạputʼ ocokeda ar Asera muṭhạn, lakʼ rokʼ murtiko ar dul goṛhon murtikoe rạputʼ gejerketʼkoteye holoṅ ḍigirketʼkoa. Ar onakore okoe do janwarko dãṛẽyetʼko tahẽkan onkoakʼ topa cetanre onako dhuṛiye chiṭiạukada.
5
Pinḍko cetanre naekekoakʼ jaṅkoe atarketʼtakoa. Nonkate uni do Jihudạ ar Jerusaleme saphakeda.
6
Manase, Ephrayim ar Simeon ṭoṭha reakʼ ato ar nagrahakore ar ona aḍepase reakʼ jarkharakʼkore, Napthali ṭoṭha hạbicʼ joto jaega reakʼ sanam pinḍ ar Asera muṭhạnkoe rạputʼ gejerkeda ar lakʼ rokʼ murtiko hõe gejerketʼkoa ar ar Israel reakʼ sanam jaegare uni do dhup dạnikoe makʼ kaṭra kuṭrạkeda. Ar ona tayom do Jerusalemteye ruạṛ hecʼena.
8
Josiạwakʼ rajokʼ gel irạlakʼ bochorre uni do disạm ar mundil oṛakʼ saphae tayom acʼren Probhu Isorakʼ oṛakʼ jut araoe lạgitʼ Asaliạ hopon Saphan, nagraharen subedar Makʼaseya ar Itihãs olokʼicʼ Joahasren hopon Joaha takoe kolketʼkoa.
9
Onko do maraṅ naeke Hiskiạ ṭhenko senena ar Isorakʼ oṛakʼte tinạkʼ ṭaka poesako ạgu hoylen, metakʼme rurukhiyạ Liwiko oka ṭaka poesa Manase ar Ephrayim gusṭirenko ṭhen khon ar Israelren sarecʼ sanam hoṛko ar Jihudạ ar Benjạmin gusṭiren hoṛko ar Jerusalemrenko ṭhen khon ạgulen ona do maraṅ naeke ṭhenko jimạkada.
10
Ona tayom onako ṭaka do Probhu Isorakʼ oṛakʼ reakʼ kạmi ńel todarot lạgitʼ okoeko cetanre bhar tahẽkan onkoko ematʼkoa. Ar ńel todarotko do mundil oṛakʼ jut aroe lạgitʼ mistrikoko ematʼkoa,
11
metakʼme Jihudạren rapajko oka oṛakʼko marao ocoletʼ onako lạgitʼ onko do chutạr mistriko ar raj mistriko tạkako ematʼkoa jemon onko do mońjte getʼakʼ dhiri ar oṛakʼre joṛao lạgitʼ kaṭko kiriń ạgu daṛeakʼ.
12
Menkhan onko mistriko do pạtiạr salakʼko kạmikeda. Onko ńel todarotko lạgitʼ onko cetanre do Jahat ar Obadiạ ńutuman Morari bõsren barea Liwi ar Kohat bõsren Sakariạ ar Mesulam ar okoe Liwiko do mońj bajnako daṛeakʼ kan tahẽkan.
13
Noko do bojha gogokʼ hoṛko cetanre bahal akanko tahẽkana ar eṭakʼ eṭakʼ kạmiren hoṛko hõko ńel todarotetʼko tahẽkana. Liwiko modre adomko do olokʼko, kạmiyạko ar rurukhiyạkoko tahẽkana.
14
Onko do tinre Probhu Isorakʼ oṛakʼre ạgu akatʼ ṭaka poesako oḍok ạguyetʼ tahẽkana unre naeke Hilkiạ do Mose hotete emakʼ Probhu Isorakʼ ạn-ạri reakʼ puthiye ńamkeda.
15
Hilkiạ do unre rajren olokʼicʼ Saphane lạiyadea, “Iń do Probhu Isorakʼ oṛakʼre ạn-ạri reakʼ puthiń ńam akada.” Ar niạ menkate ona puthi do Saphane emadea.
16
Saphan do ona puthi raj ṭhen idikateye menkeda, “Amren gutiko cetanre oka kạmi reakʼ bhar tahẽkan ona do jotowakʼgeko kạmi akada.
17
Ar Probhu Isorakʼ oṛakʼre oka ṭaka tahẽkan onko do ona oḍokʼkate ńel todarotko hoṛko ar kạmiyetʼkan hoṛko ematʼkoa.”
18
Unre olokʼicʼ Saphan do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raje paṛhao ańjomadea.
19
Raj do ạn-ạri reakʼ kathako ańjomkate acʼakʼ kicricʼe oṛecʼkeda.
20
Uni do Hilkiạ, Saphanren hopon Ahikam, Mikaren hopon Abdon, Saphan ar rajren gokʼṛoyicʼ Asayateko niạ hukume ematʼkoa,
21
“Okaṭakʼ puthi ńamen onare cetʼ ol menakʼa ona do senkate Israel ar Jihudạren sarecʼ hoṛko lạgitʼ Probhu Isor ṭhen kulijoṅpe. Aboren hapṛamko do Probhu Isorakʼ katha leka bako senlente ar niạ puthire olakan lekahõ bako kạmiletʼte uniyakʼ edre do abore paṛao akana.”
22
Unre Hilkiạ ar acʼ sãote raj okoekoe kolletʼko onko do niạ reaṅ baḍae lạgitʼ maejiu nạbi Hulda ṭhenko senena. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Salum do Hasraren goṛomtetʼ koṛa, metakʼme Toknatren hopone tahẽkana. Uni do Jerusalem reakʼ dosarakʼ ṭhạ̃ireye tahenkan tahẽkana.
23
Hulda do onkoe metatʼkoa, “Israelren Probhu Isor do memene metadińạ, okoe iń ṭhen apeye kolakatʼpe senkate unipe metaea Probhu Isore meneda, ‘Jihudạren raj samaṅre ona puthire ol akan oka sarapanakʼ kathako paṛhao hoyakan onako muhin do niạ jaega ar onaren hoṛko cetanregeń paṛao ocoya.
25
Onko do ińko bạgi giḍi akadińạ ar debotako ńutumte dhupko jeretʼetʼ kana ar onkoakʼ titeko benao akatʼko sanam boṅga murhutʼkote ińko khĩs ocoyediń kana. Ona iạte niạ jaega cetanre ińakʼ edre doń paṛao ocoygea ar ińakʼ edre seṅgel do baṅge ĩṛĩjokʼa.
26
Probhu Isor ṭhen kulijoṅ lạgitʼ okoeye kol akatʼpe uni Jihudạren rajpe metaea Israelren Probhu Isore meneda,
27
‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.
28
Ona iạte iń do usạrage amren hapṛamko ṭheniń idimea ar am do suluktem topa ocokʼa. Niạ jaega cetanre ar okoe do nonḍeko girobasokʼ kan onko cetanre okako muhiniń paṛao ocoy ona do amakʼ mẽtʼ bae ńela.’ ” Onko do Huldawakʼ ona katha ańjomkate raj ṭhenko ruạṛ calaoena.
29
Unre raj do hoṛ kolkate Jihudạ ar Jerusalemren sanam murubbikoe hoho jarwaketʼkoa.
30
Uni do Jihudạ ar Jerusalemren hoṛko, naekeko, Liwiko, disạm hoṛko, lekman hoṛkoante Probhu Isorakʼ oṛakʼteye boloyena. Ar Probhu Isorakʼ oṛakʼre okaṭakʼ bondobos puthi ńamlen ona reakʼ sanamakʼ kathakoe paṛhao ańjomatʼkoa.
31
Raj do acʼakʼ jaegare teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanamakʼ katha manao lạgitʼ Probhu Isor samaṅreye kiriạ ocoketʼkoa.
32
Ona tayom uni do Jerusalem ar Benjạminren jarwa akan sanam hoṛko hõ inạ lekageye kiriạ ocoketʼkoa. Jerusalemren hoṛko do Isorakʼ, metakʼme onkoren hapṛamkoren Isorakʼ bondobos reakʼ manao ar ganaoko ehopʼena.
33
Josiạ do Israelko tabereko tahẽkan sanam disạm khon Hirkhạwan joto lekan boṅga murtikoe sạṅgiń giḍiketʼkoa ar Israelre jarwa akan sanamko salakʼ uni do Probhu Isore sewawadea. Uni tinạkʼ din jiwetʼe tahẽkan unạkʼ din hoṛko do onkoren hapṛamkoren Probhu Isorakʼ horteko calakʼkan tahẽkana.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36