bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
2 Chronicles 30
2 Chronicles 30
Santali Bible (সান্তালী বাইবেল)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 31 →
1
Probhu Isor ńutumte bańcaokʼ porobokʼ lạgitʼ hoṛko do jemon Jerusalemre Probhu Isorakʼ oṛakʼreko hijukʼ ona iạte Hiskiạ do sanam Israel ar Jihudạre khobore kolkeda ar Ephrayim ar Manase gusṭiren hoṛko ciṭhiye olatʼkoa. Raj ar uniren gutiko ar Jerusalemren sanam hoṛko do, dosarakʼ candore bańcaokʼ porobko porobokʼa menteko goṭa ṭhikkeda. Ona reakʼ karon do hoyokʼkana, ḍher naekeko do apnartetʼ bako sapha akan tahẽkana ar hoṛko hõ Jerusalemre bako hecʼ jarwa akan tahẽkante jao okte ona do bako kạmi daṛeakatʼ tahẽkana.
4
Niạ goṭateakʼ do raj ar sanam hoṛko ṭhen lek kana mente hudisena.
5
Israelren Probhu Isor ńutumte bańcaokʼ porob porobokʼ lạgitʼ jemon sanamkoge Jerusalemteko hijukʼ ona iạte onko do Ber-seba khon Dan hạbicʼ Israelkoakʼ sanam jaegare hoṛ kolkateko lại pasnaokeda. Onko do ḍher bochor khon niạm lekate mitʼ ṭhen jarwakate niạ porob do bako porob akana.
6
Rajakʼ hukumte raj ar uniren gutiko ṭhen khon ciṭhi hataokate hoṛko do Israel ar Jihudạ reakʼ sanam jaegakote senkate niạko lại sodorkeda, “E Israelko, ape do Abraham, Isahak ar Israelren Probhu Isor ṭhen ruạṛ hijukʼpe, onate okoe do Ạsur rajakʼ ti khonko rukhiyạlen onko ṭhen, metakʼme ape ṭhen uni hõe ruạṛ hijukʼa.
7
Ape do aperen hapṛamko ar aperen Israel boehako leka do alope hoyokʼa. Onko do onkoren hapṛamkoren Probhu Isor cetanre bepạtiạrko tahẽkante ạḍiye sạjạiyletʼkoa. Ape do onape ńeletʼkangea.
8
“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.
9
Probhu Isor ṭhenpe ruạṛ hijukʼ enḍekhan aperen boehako, aperen hopon ar hoponerako okoe doko bondi idiakatʼko onko cetanre daya hecʼakoa. Unre onko do niạ disạmteko ruạṛ hecʼ daṛeakʼa, ente aperen Probhu Isor do daya ar mãyãteye perecʼgea. Uni ṭhenpe ruạṛ hecʼlen khan uni do bae dea giḍikapea.”
10
Khobor akʼsenko do Ephrayim ar Manase reakʼ sanam ato ar nagrahako ar Sebulon hạbicʼko senena, menkhan onḍenko hoṛ do onkoko landa-dhutʼatʼkoa.
11
Enhõ Aser, Manasi ar Sebulon gusṭiren adom hoṛ do Jerusalemteko hecʼena.
12
Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.
13
Dosar cando do bin khạmiyanakʼ piṭhạ porobokʼ lạgitʼ ạḍi utạr hoṛ do Jerusalemre hecʼkateko jarwayena.
14
Ar pujại lạgitʼ janwar dãṛẽko reakʼ okako pinḍ ar dhudhup pinḍko Jerusalemre tahẽkan onko do onakoko ocokʼketʼte Kedron reakʼ lodamreko giḍikada.
15
Onko do dosar cando reakʼ gel ponakʼ dinre bańcaokʼ porobren bheḍa hoponko gurketʼkoa. Noa iạte naekeko ar Liwiko doko lajaoente apnarko sapha maṛaṅena ar Probhu Isorakʼ oṛakʼre jeredokʼ samaṅokʼakʼ jinisko ạgukeda.
16
Ona tayom Isorren hoṛ Moseyakʼ ạn-ạri lekate onko do niṭ akatʼ jaegareko teṅgoyena. Ar naekeko do Liwikoakʼ ti khon mãyãm hataokateko ircikeda.
17
Unr hoṛko modren ḍherkoge apnartetʼ bako sapha akan tahẽkana. Onate onko lạgitʼ Probhu Isor ńutumte samaṅokʼ lạgitʼ bańcaokʼ porobren bheḍa hopon do Liwikoge gur lagaoatʼkoa.
18
Ephrayim, Manasi, Isakar ar Sebulon gusṭiren ḍher hoṛkoge apnar saphako baṅkate niạm upạrte bańcaokʼ porob reakʼ bhojko jomkeda. Menkhan Hiskiạ do onko ńutumte koekateye menkeda, “Mundil reakʼ niạm lekate bako sapha akanre hõ enhõ okoe do onkoren hapṛamkoren Probhu Isorakʼ sana leka calakʼ lạgitʼko mon muruk akatʼ, onko sanamko jemon dayawạnicʼ Isor baṛeye ikạkako.”
20
Ar Probhu Isor do Hiskiạwakʼ koejoṅ ańjomte hoṛkoe ikạ katʼkoa.
21
Okoe Israelko Jerusalemreko jarwalen onko do ạḍi rạskạ salakʼ eae din hạbicʼ bin khạmiyanakʼ piṭhạ porobko porobena; ar Liwiko ar naekeko do dinạm hilokʼ Probhu Isor ńutumte banam ar ruwate sarhao sereńko sereńetʼ tahẽkana.
22
Probhu Isorakʼ sewa kạmire okoe Liwiko do gạkhuṛko tahẽkan Hiskiạ do onkoe udgạuketʼkoa. Onko do sulukren samaṅokʼakʼ porobko porobente eae din hạbicʼko jom-ńũkeda ar onkoren hapṛamkoren Probhu Isorko sarhaokedea.
23
Ona tayom sanam hoṛko do arhõ eae din hạbicʼ ona porobko porobokʼa menteko ṭhikkeda; onate arhõ eae din rạskạ salakʼko porobena.
24
Jihudạren raj Hiskiạ do sanam hoṛko lạgitʼ mitʼ hajar ḍaṅgra ar eae hajar bhiḍikoe emena ar maraṅ hudạren hoṛko lạgitʼ do mitʼ hajar ḍaṅgra ar gel hajar bhiḍi. Ar naekeko modren ḍherkoge apnartetʼko saphayena.
25
Jihudạren sanam hoṛko, naekeko, Liwiko, Israel khonko hecʼ akan hoṛko ar Israelre ar Jihudạre girobasokʼkan okoe bidisiạkoko hecʼlen onko sanamkogeko rạskạyena.
26
Jerusalemre do ạḍi rạskạ hoyena; Israelren raj Dạudren hopon Solomon tayom Jerusalemre nonka porob do ar bako porob akan tahẽkana.
27
Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36