1 John 1

Shan

Jump to: Chapter 2 →

1လွင်ႈတၢင်းဢၼ်ပဵၼ်မႃး ၸႃႉၸဵမ်မိူဝ်ႈၵေႃႇၸႃႉႁူဝ်ပိုင်းၼၼ်ႉလႄႈ တူဝ်ႁဝ်းလႆႈငိၼ်း၊ မၢၵ်ႇတႃတူဝ်ႁဝ်းလႆႈႁၼ်၊ လႆႈလူလႆႈတူၺ်းၸေးၸေးၸွတ်ႇၸွတ်ႇလႄႈ ဢဝ်တင်းမိုဝ်း လုပ်ႈၵမ်းယဝ်ႉဢၼ်ဝႃႈ လွင်ႈတၢင်းဢၼ်ၸၢပ်ႈသႅင်ႇၵၼ်တင်း ၼုၵ်ႈၵပၢတ်ႈၸဝ်ႈ ဢၼ်ဢသၢၵ်ႈလိပ်းၼၼ်ႉၸိုင် ႁဝ်းၼႄပျႃးတီႈသူဢေႃႈ။-

2ဢသၢၵ်ႈၼၼ်ႉ ထၢင်ႇသႃးမႃးယဝ်ႉ၊ ႁဝ်းၵေႃႈလႆႈႁၼ်ယဝ်ႉ။ ႁဝ်းၶၢမ်ႇသၢၵ်ႈသေႇ လွင်ႈထႃႇဝရႃႉဢသၢၵ်ႈ ဢၼ်မီးယူႇလူၺ်ႈၵၼ်တင်း ပေႃႈၸဝ်ႈလႄႈ လႆႈထၢင်ႇသႃးမႃးတီႈႁဝ်းယဝ်ႉၼၼ်ႉလႄႈ ၼႄပျႃးတီႈသူဢေႃႈ။-

3ႁဝ်းၼႄပျႃးလွင်ႈတၢင်းဢၼ် ႁဝ်းလႆႈႁၼ်လႆႈငိၼ်းၼၼ်ႉတီႈသူ ႁႂ်ႈသူလႆႈမီးမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းႁဝ်းဢေႃႈ။ တၢင်းဢၼ်ႁဝ်းမီးမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်ၼၼ်ႉၸမ်ႉ၊ ပဵၼ်တၢင်းဢၼ်ထုၵ်ႇၵၼ် တင်းပေႃႈၸဝ်ႈ တင်းလုၵ်ႈၸဝ်ႈ ယေႇသူႉၶရိၸ်ႈ ဢေႃႈ။-

4ႁဝ်းတႅမ်ႈလွင်ႈတၢင်းၸိူဝ်းၼႆႉ ပၼ်တီႈသူ ႁႂ်ႈတၢင်းဢၼ်သူသိူဝ်းပျေႃႇၼၼ်ႉ လႆႈၸေးၸုမ်ႇဢေႃႈ။

5ၵႂၢမ်းတြႃးဢၼ်ႁဝ်းလႆႈငိၼ်း ၵႃႈတီႈၼုၵ်ႈၵပၢတ်ႈၸဝ်ႈၼၼ်ႉလႄႈ ၼႄပျႃးတီႈသူၸမ်ႉ၊ ၽြႃးပဵၼ်ၸဝ်ႈ ပဵၼ်ဢၼ်လႅင်းဢေႃႈ။ ၼႂ်းၽြႃးပဵၼ်ၸဝ်ႈၼၼ်ႉ ဢမ်ႇမီးဢၼ်လပ်းသိင်ႇလႃးလႃး။-

6ပိၵ်ႉသမ်ႉႁဝ်းဝႃႈ၊ ႁဝ်းမီးမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းမၼ်းၸဝ်ႈယဝ်ႉ၊ ဝႃႈၼင်ႇၼႆသေၵေႃႈ၊ ပေႃးႁဝ်းၵႂႃႇၵႂႃႇမႃးမႃးယူႇၵႃႈၼႂ်း ဢၼ်လပ်းသိင်ႇယူႇၸိုင် ႁဝ်းပဵၼ်ၵေႃႉဢၼ် ၵမ်ၵျၢင်ႉသဵတ်ႈၸႃႇတြႃးဢမ်ႇၸႂ်ႈ။ ပဵၼ်ၵေႃႉဢၼ်လၢတ်ႈမူႉသႃႇဢေႃႈ။-

7ပေႃးႁဝ်းၵႂႃႇၵႂႃႇမႃးမႃး ၵႃႈၼႂ်းဢၼ်လႅင်းမိူၼ်ၸိူဝ်ႉၼင်ႇဢၼ် ၽြႃးပဵၼ်ၸဝ်ႈမီးၼႂ်းဢၼ်လႅင်းၼၼ်ႉယူႇၸိုင် ႁဝ်းမီးမိၵ်ႉသႃႇႁႃယႃႉ တၢင်းဢၼ်ၼင်ႇၵၼ်ၵၼ်ထုၵ်ႇၵၼ်လႄႈ လိူတ်ႈ ယေႇသူႉၶရိၸ်ႈ လုၵ်ႈၽြႃးပဵၼ်ၸဝ်ႈၼၼ်ႉ သုၵ်ႈပွတ်ႈဢပႅတ်ႈ ၵႃႈဢၼ်ႁဝ်းမီး တင်းသဵင်ႈတင်းလူင်ဢေႃႈ။

8ပေႃးႁဝ်းဝႃႈႁဝ်းဢမ်ႇမီးဢပႅတ်ႈ၊ ဝႃႈၼင်ႇၼႆၸိုင်၊ ႁဝ်းပႅတ်ႉလႅၼ်တူဝ်ၸဝ်ႈၵဝ်ႇဢေႃႈ။ သဵတ်ႈၸႃႇတြႃးၵေႃႈဢမ်ႇမီးၵႃႈၼႂ်းႁဝ်း။-

9ပေႃးႁဝ်းၽုၺ်ႇဢွၵ်ႇၼႄပျႃးဢပႅတ်ႈလႄႈ တွင်းပၢၼ်ႇၸိုင်၊ ၽြႃးပဵၼ်ၸဝ်ႈပျေႉၸုမ်ႇ တင်းသဵတ်ႈၸႃႇတြႃးဢိၵ်ႇတင်း တြႃးတၢင်းဢၼ်သိုဝ်ႈတေႃႇ ႁႂ်ႈလႆႈပွႆႇလွတ်ႈဢပႅတ်ႈႁဝ်းလႄႈ ႁႂ်ႈၵၢင်းလွတ်ႈတင်းတူႉၸရိူၵ်ႈၵႃႈမီး တင်းသဵင်ႈတင်းလူင်ၼၼ်ႉယူႇဢေႃႈ။-

10ပေႃးႁဝ်းဝႃႈ၊ ႁဝ်းဢမ်ႇလႆႈႁဵတ်းတူႉၸရိူၵ်ႈမႃး၊ ဝႃႈၼင်ႇၼႆၸိုင် ႁဝ်းတၢင်ႇဢပႅတ်ႈမူႉသႃႇ ၵႃႈတီႈၽြႃးပဵၼ်ၸဝ်ႈဢေႃႈ။ ၼုၵ်ႈၵပၢတ်ႈၸဝ်ႈၵေႃႈ ဢမ်ႇမီးၵႃႈၼႂ်းႁဝ်း။

Jump to: Chapter 2 →