Ephesians 2

Shan

← Chapter 1 Jump to: Chapter 3 →

1ၽြႃးပဵၼ်ၸဝ်ႈႁႂ်ႈသူၸိူဝ်းဢၼ်တၢႆ ယူႇၼႂ်းတူႉၸရိူၵ်ႈဢပႅတ်ႈ ဢၼ်ပဵၼ်တီႈဢၼ်ၸွမ်းလူၺ်ႈလေႃးၵီႇတြႃးၵႂႃႇမႃးယူႇ မိူဝ်ႈဢွၼ်ၼႆႉလႄႈ၊-

2မႅၼ်ႈၼင်ႇဢလူဝ်ႇၶုၼ်ဢၼ်လႆႈဢုပ်ႉပိူင်ႇတၼ်းၶူဝ်းဢႃႇၵႃႇသႃႉ၊ၵၢင်ႁၢဝ်ဢၼ်ဝႃႈ ဝီႉၺိၺ်ႇဢၼ်ပွင်ႁဵတ်းၼႂ်းၶဝ်ၸိူဝ်းဢၼ် တွပ်ႇထဵင်ၸိူဝ်းၼၼ်ႉၼႆႉ ဢသၢၵ်ႈလႆႈလိပ်းယဝ်ႉ။-

3ႁဝ်းၵႃႈမီးတင်းသဵင်ႈတင်းလူင် မိူဝ်ႈဢွၼ်ၼႆႉၼၼ်ႉ ၸွမ်းလူၺ်ႈဢလူဝ်ႇတူဝ်ၵႃႇယႃႉ ဢိၵ်ႇတင်းဢလူဝ်ႇၸႂ်ၵႂႃႇမႃးယူႇ ၵႃႈၼႂ်း ၵႃႇမၵုင်ႇတင်းလၢႆ ႁူမ်ႈလူၺ်ႈၵၼ်တင်းၶဝ်ၼၼ်ႉလႄႈ ပဵၼ်ၵေႃႉဢၼ်ၸွမ်းလူၺ်ႈပၵတီႉ လႆႈၶၢမ်ႇတၢင်းဢၼ်မၼ်းၸဝ်ႈ ၸႂ်မႆႈမိူၼ်ၸိူဝ်ႉၼင်ႇၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇၼၼ်ႉဢေႃႈ။-

4ၼႂ်းဝႃႈၼၼ်သေၵေႃႈ ၽြႃးပဵၼ်ၸဝ်ႈဢၼ်ပျေႉၸုမ်ႇ၊ၼမ်ၵိုၼ်းဝႆႉတင်း ၵရူႉၼႃႇၸဝ်ႈၼၼ်ႉ ၵွပ်ႈပိူဝ်ႈမႁႃႇမႅတ်ႈတႃႇ ဢၼ်မၼ်းၸဝ်ႈႁၵ်ႉႁဝ်းၼၼ်ႉလႄႈ၊-

5ႁႂ်ႈႁဝ်းၸိူဝ်းဢၼ်တၢႆယူႇၼႂ်းတူႉၸရိူၵ်ႈဢပႅတ်ႈၼႆႉ၊ ဢသၢၵ်ႈလိပ်းလူၺ်ႈၵၼ်တင်းၸဝ်ႈၶရိၸ်ႈၼၼ်ႉယဝ်ႉ။ ၵွပ်ႈပိူဝ်ႈၵျေးၸူးၸဝ်ႈၵူၺ်းလႄႈ သူလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။-

6ၵွပ်ႈပိူဝ်ႈ ယေႇသူႉၶရိၸ်ႈ ၼၼ်ႉ မၼ်းၸဝ်ႈႁႂ်ႈႁဝ်းလုၵ်ႉၶိုၼ်း လူၺ်ႈၵၼ်တင်းမၼ်းၸဝ်ႈၼၼ်ႉလႄႈ ပၼ်တီႈယူႇတီႈသဝ်းလူၺ်ႈၵၼ်တင်းမၼ်းၸဝ်ႈၼၼ်ႉ တီႈၶဝ်ၵႃႈၼႂ်းတီႈၵၢင်ႁၢဝ်တင်းလၢႆၼၼ်ႉယဝ်ႉ။-

7လွင်ႈမၼ်းၸမ်ႉ လွင်ႈၼင်ႇႁိုဝ်မၼ်းၸဝ်ႈ တၵ်းႁႂ်ႈတၢင်းဢၼ်ၵျေးၸူးမၼ်းၸဝ်ႈ ပျေႉၸုမ်ႇၼမ်ၵိုၼ်းၼႃႇၼၼ်ႉ ထၢင်ႇသႃးၼႂ်းၶိင်ႇ ၵၢပ်ႈၵႃႇလႃႉ ၵမ်းလိုၼ်းတင်းလၢႆ ၼႂ်းလွင်ႈတၢင်းဢၼ်မၼ်းၸဝ်ႈ ႁဵတ်းၵျေးၸူးတီႈႁဝ်းၵွပ်ႈပိူဝ်ႈ ယေႇသူႉၶရိၸ်ႈ ၼၼ်ႉၸိုင်၊ ၸင်ႇပဵၼ်ဢေႃႈ။

8ပိူဝ်ႈဢၼ်ယုမ်ႇမၢတ်ႈလႄႈ သူလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ် ၵွပ်ႈပိူဝ်ႈၵျေးၸူးၸဝ်ႈဢေႃႈ။ သူႁွတ်ႈထိုင်ၸွမ်းၼင်ႇ ဢလူဝ်ႇ တူဝ်ၸဝ်ႈၵဝ်ႇဢမ်ႇၸႂ်ႈ။ ပဵၼ်ဢၼ်ၽြႃးပဵၼ်ၸဝ်ႈဢဵတ်းလူပၼ်ဢေႃႈ။-

9သူႁွတ်ႈထိုင်တၢင်းဢၼ်ၵႄႇၶျွတ်ႈဢဝ် ၵွပ်ႈပိူဝ်ႈတၢင်းၵမ်တၢင်းၵျၢင်ႉ တူဝ်ၸဝ်ႈၵဝ်ႇဢမ်ႇၸႂ်ႈ။ ပေႃးပဵၼ်ၸိူဝ်ႉၼင်ႇၼၼ်ၸိုင်၊ ၽူႈလႂ်ဢမ်ႇမီးဢၶႂၢင်ႉဢၼ်လႆႈဢုပ်ႇဝၢဝ်း။-

10ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၼင်ႇႁိုဝ်ႁဝ်းတၵ်းလႆႈၵမ်ၵျၢင်ႉ တၢင်းၵမ်တၢင်းၵျၢင်ႉဢၼ်လီၸိုင်၊ ႁဝ်းပဵၼ်တီႈဢၼ်မၼ်းၸဝ်ႈၽၢၼ်ႇသၢင်းလႄႈ ႁဵတ်းပဵၼ်ၼႂ်း ယေႇသူႉၶရိၸ်ႈ ဢေႃႈ။ ၼင်ႇႁိုဝ်ႁဝ်းတၵ်းလႆႈၵႂႃႇမႃး ၼႂ်းတၢင်းၵမ်တၢင်းၵျၢင်ႉဢၼ်လီဢၼ်ငၢမ်း ၼၼ်ႉၸိုင်၊ ၽြႃးပဵၼ်ၸဝ်ႈမႄးႁႅၼ်းႁဝ်းဝႆႉဢွၼ်တၢင်းယဝ်ႉ။

11ပိူဝ်ႈၼႆလႄႈ သူၶုၵ်းၸႂ်လႆႈၶႆႈၸႂ်ထူပ်း လွင်ႈဢၼ်သူၸွမ်းၼင်ႇပၵတီႉ ပဵၼ်ၵႃႈၼႂ်းၵူၼ်းသႃႇသၼႃႇပႃႉတင်းလၢႆ ဢၼ်ၶၢမ်ႇတၢင်းဢၼ်ႁွင်ႉဝႃႈ ၵူၼ်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်း တီႈၶဝ်ၸိူဝ်းဢၼ်ၶၢမ်ႇတၢင်းဢၼ်ႁွင်ႉဝႃႈ ၵူၼ်းဢၼ်ၶၢမ်ႇတၢင်းဢၼ်ထိူဝ်ႁိမ်း ဝေႃးႁႃႇရႃႉဢၼ်ဢဝ်မိုဝ်းႁဵတ်း ၼႂ်းတူဝ်ၵႃႇယႃႉ မိူဝ်ႈဢွၼ်ၼႆႉၼၼ်ႉ၊-

12ဢိၵ်ႇတင်းလွင်ႈဢၼ်မိူဝ်ႈၼၼ်ႉၼၼ်ႉ သူဢမ်ႇႁူႉၸဝ်ႈၶရိၸ်ႈ၊ ဢမ်ႇၶဝ်ႈၼႂ်းမုၵ်ႉၼႂ်းၸိူဝ်း ဢီႉသရေႇလႃႉ ၊ ဢမ်ႇၸၢပ်ႈသႅင်ႇၵၼ်တင်းပတီႉၺိၺ်ႇတြႃးဢၼ်ပႃးတင်းၵတီႉၸဝ်ႈ၊ ဢမ်ႇမီးတၢင်းဢၼ်မုင်ႈထႃႈမွင်းထႃႈ ယူႇၼႂ်းလေႃးၵႃႉၼႆႉ မိူၼ်ၸိူဝ်ႉၼင်ႇဢၼ်ဢမ်ႇမီးၽြႃးၼၼ်ႉတႃႉ။-

13ပိၵ်ႉသမ်ႉသူမိူဝ်ႈဢွၼ်ၼႆႉၼၼ်ႉ မီးတီႈဢၼ်ၵႆသေၵေႃႈ၊တေႃႈလဵဝ်ၼႆႉသူမီးၼႂ်းၸဝ်ႈၶရိၸ်ႈလႄႈ ႁွတ်ႈမႃးတီႈဢၼ်ၸမ် ၵွပ်ႈပိူဝ်ႈလိူတ်ႈၸဝ်ႈၶရိၸ်ႈယဝ်ႉ။-

14ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၸဝ်ႈၼၼ်ႉပဵၼ်လွင်ႈဢၼ် ႁႂ်ႈတၢင်းၽိတ်းႁဝ်းထၢတ်ႇယဵၼ်ဢေႃႈ။-

15ၵွပ်ႈပိူဝ်ႈဢၼ်မၼ်းၸဝ်ႈ ပႄႇပႅတ်ႈလွင်ႈတၢင်းဢၼ် ႁွမ်ဝႆႉတၢင်းၽိတ်းဢၼ်ဝႃႈ ပိင်းၺၢပ်ႈတြႃးဢၼ်ၸၢပ်ႈသႅင်ႇၵၼ်တင်း ၼႄးဢူႉပတေႇတင်းလၢႆၼၼ်ႉ ၵႃႈၼႂ်းတူဝ်ၶၼ်ႇထႃႇမၼ်းၸဝ်ႈလႄႈ မၼ်းၸဝ်ႈၵိူၼ်ႇယႃႉပႅတ်ႈလမ်းတမ်ႇတိူင်းၽႃဢုတ်ႇ ၶိုင်ႈၵၢင် ဢၼ်ႁႄႉဢၼ်ၵင်ႈလႄႈ ႁႂ်ႈၵူၼ်းသွင်မုၵ်ႉ ပဵၼ်မုၵ်ႉလဵဝ်ၵူၺ်းဢေႃႈ။-

16လွင်ႈမၼ်းၸမ်ႉ မၼ်းၸဝ်ႈႁႂ်ႈတၢင်းၽိတ်းထၢတ်ႇယဵၼ်သေယဝ်ႉ၊ လွင်ႈၼင်ႇႁိုဝ်တၵ်းလႆႈမႄးႁဵတ်း ႁႂ်ႈၵူၼ်းသွင်မုၵ်ႉ ပဵၼ်ၵူၼ်း ဢၼ်မႂ်ႇမုၵ်ႉလဵဝ် ၸိူဝ်းလဵဝ်ၵူၺ်း ဢိၵ်ႇတင်းဢဝ်တၢင်းၽိတ်းတၢႆ ၵွပ်ႈပိူဝ်ႈသဝ်လၵ်းဝႃးၵၢပ်ႈသေယဝ်ႉ၊ လွင်ႈၼင်ႇႁိုဝ်တၵ်းႁႂ်ႈၶဝ်သွင် မုၵ်ႉ ဢၼ်ပဵၼ်မုၵ်ႉလဵဝ်၊ၸိူဝ်းလဵဝ်ၵၼ်ယဝ်ႉၼၼ်ႉ ႁဵတ်းမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းၽြႃးပဵၼ်ၸဝ်ႈ ၵွပ်ႈပိူဝ်ႈသဝ်လၵ်းဝႃးၵၢပ်ႈၼၼ်ႉၸိုင်၊ ၸင်ႇပဵၼ်ဢေႃႈ။-

17ၸဝ်ႈၶရိၸ်ႈၼၼ်ႉၵေႃႈမႃးလႄႈ ႁေႃးလၢတ်ႈတြႃးသတၢင်းသိူဝ်းပျေႃႇ ဢၼ်ဝႃႈတြႃးတၢင်းဢၼ်ႁႂ်ႈတၢင်းၽိတ်း ထၢတ်ႇယဵၼ်ၼၼ်ႉ တီႈသူၸိူဝ်းဢၼ်မီးယူႇၵႃႈတီႈဢၼ်ၵႆ ဢိၵ်ႇတင်းတီႈသူၸိူဝ်းဢၼ် မီးယူႇၵႃႈတီႈဢၼ်ၸမ်ၼၼ်ႉဢေႃႈ။-

18ၼင်ႇၼၼ်လႄႈ ၵွပ်ႈပိူဝ်ႈမၼ်းၸဝ်ႈၼၼ်ႉလႄႈ ႁဝ်းသွင်မုၵ်ႉသွင်ၸိူဝ်း ပဵၼ်ၸႂ်ဝီႉၺိၺ်ႇဢၼ်လဵဝ်ၵၼ်လႄႈ လႆႈဢၶႂၢင်ႉဢၼ် လႆႈၶဝ်ႈၸူးၵႃႈတီႈပေႃႈၸဝ်ႈဢေႃႈ။

19ပိူဝ်ႈၼႆလႄႈ သူပဵၼ်ၵူၼ်းတၢင်ႇဝၢၼ်ႈတၢင်ႇမိူင်းဢမ်ႇၸႂ်ႈ။ ပဵၼ်ၶႅၵ်ႇဢမ်ႇၸႂ်ႈ၊ ပဵၼ်ၵူၼ်းမိူင်းလဵဝ်ၵၼ် တင်းၵူၼ်းမူတ်းၸၢင်ႇတင်းလၢႆဢေႃႈ။ ပဵၼ်ၵူၼ်းႁိူၼ်းၵူၼ်းယေးၽြႃးပဵၼ်ၸဝ်ႈဢေႃႈ။-

20ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ သူၶၢမ်ႇတၢင်းဢၼ် ထၢပ်ႈထႅင်ႈလႄႈတႄႇႁဵတ်းယူႇ ၵႃႈၼိူဝ်ငဝ်ႈႁၢၵ်ႈတိူၵ်ႈဢၼ်ဝႃႈ တမၢၼ်ႇၸဝ်ႈဢိၵ်ႇတင်းပရေႃးၽႅတ်ႈတင်းလၢႆၼၼ်ႉဢေႃႈ။ ငဝ်ႈႁၢၵ်ႈမၢၵ်ႇႁိၼ်ၸဵင်ႇတိူၵ်ႈၸမ်ႉ၊ ပဵၼ် ယေႇသူႉၶရိၸ်ႈ ဢေႃႈ။-

21ၼႂ်းၸဝ်ႈၼၼ်ႉ၊ တိူၵ်ႈတင်းသဵင်ႈတင်းလူင်ငီႇငႅၼ်ႈၵၼ်လႄႈ ယႂ်ႇမႃးယူႇ၊ ပဵၼ်ပိၵ်ႈမၢၼ်ႇၸဝ်ႈဢၼ်မူတ်းၸၢင်ႇပုၼ်ႈၸဝ်ႈၽြႃး ယူႇဢေႃႈ။-

22ၼႂ်းၸဝ်ႈၼၼ်ႉၵေႃႈ၊ သူၶၢမ်ႇတၢင်းဢၼ်တႄႇႁဵတ်းယူႇ လူၺ်ႈၵၼ်တင်းႁဝ်း ပုၼ်ႈလွင်ႈၼင်ႇႁိုဝ်ၽြႃးပဵၼ်ၸဝ်ႈ တၵ်းဢဝ် ဝီႉၺိၺ်ႇၸဝ်ႈၵိင်းဝၢပ်ႈယူႇဢေႃႈ။

← Chapter 1 Jump to: Chapter 3 →