Ephesians 3

Shan

← Chapter 2 Jump to: Chapter 4 →

1ၵွပ်ႈပိူဝ်ႈလွင်ႈတီႈႁဵင်းၼၼ်ႉလႄႈ၊ ၵဝ် ပေႃးလူႉ ဢၼ်လႆႈၶၢမ်ႇတူၵ်းၵိၼ်းပုၼ်ႈသူ ၸိူဝ်းဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်း ၵွပ်ႈပိူဝ်ႈ ဢၼ်ၸၢပ်ႈသႅင်ႇၵၼ်တင်း ယေႇသူႉၶရိၸ်ႈ ၼၼ်ႉၼႆႉ၊-

2ၵႃႈၼင်ႇဢၼ်သူလႆႈငိၼ်းသႃႇသၼႃႇၵျေးၸူးၽြႃးပဵၼ်ၸဝ်ႈ ဢၼ်မၼ်းၸဝ်ႈထွၵ်ႈလူၺ်ႈဢၵျူဝ်းသူသေလႄႈ ပၼ်တီႈၵဝ်ၼၼ်ႉ၊ ၵဝ်လႆႈၶၢမ်ႇဢဝ်ဢေႃႈ။-

3လွင်ႈသႃႇသၼႃႇၵျေးၸူးၸဝ်ႈ ဢၼ်ဢၢပ်ႈပၼ်တီႈၵဝ်ၼၼ်ႉၸမ်ႉ၊ ၵႃႈၼင်ႇဢၼ်ၵဝ်တႅမ်ႈဝႆႉယဝ်ႉ ဢိတ်းၼိုင်ႈမိူဝ်ႈဢွၼ်တၢင်းၼၼ်ႉ၊ ၽြႃးပဵၼ်ၸဝ်ႈဢဝ်တင်းပျႃႇတိၵ်ႈၸဝ်ႈ ၼႄပျႃးလွင်ႈတၢင်းဢၼ်လိုၵ်ႉဢၼ်လမ်ႇ တီႈၵဝ်ဢေႃႈ။-

4ပေႃးသူၽတ်းတူၺ်းၵႂၢမ်းၼၼ်ႉၸိုင်၊ သူတၵ်းႁူႉလွင်ႈဢၼ်ၵဝ်ႁူႉၸႅင်ႈ လွင်ႈတၢင်းဢၼ်လိုၵ်ႉဢၼ်လမ်ႇၸဝ်ႈၶရိၸ်ႈၼၼ်ႉဢေႃႈ။-

5ၼႂ်းၶိင်ႇၵႃႇလႃႉတၢင်ႇတီႈ မိူဝ်ႈၼၼ်ႉၼၼ်ႉ မၼ်းၸဝ်ႈဢမ်ႇၼႄဢမ်ႇပျႃးတၢင်းဢၼ်လိုၵ်ႉဢၼ်လမ်ႇတီႈၵူၼ်းတင်းလၢႆ မိူၼ်ၸိူဝ်ႉၼင်ႇဢၼ်မၼ်းၸဝ်ႈ ဢဝ်တင်းဝီႉၺိၺ်ႇၸဝ်ႈ ၽုၺ်ႇဢွၵ်ႇၼႄပျႃးၵႃႈတီႈတမၢၼ်ႇၸဝ်ႈ ဢၼ်မူတ်းၸၢင်ႇဢိၵ်ႇတင်း ပရေႃးၽႅတ်ႈ တင်းလၢႆ ၶိင်ႇတေႃႈလဵဝ်ၼႆႉ။-

6တၢင်းဢၼ်လိုၵ်ႉဢၼ်လမ်ႇၼၼ်ႉၸမ်ႉ၊ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉ လႆႈၶၢမ်ႇဢမူၺ်ႇလူၺ်ႈၵၼ်တင်း ၵူၼ်း ယူႉတႃႉ တင်းလၢႆယူႇ၊ ပဵၼ်တူဝ်ဢၼ်လဵဝ်ၵၼ်ယူႇသေလႄႈ လႆႈသိူၵ်ႈသမ်ႇၵတီႉၸဝ်ႈယူႇၼႂ်းၸဝ်ႈၶရိၸ်ႈ ၵွပ်ႈပိူဝ်ႈတြႃးသတၢင်းသိူဝ်းပျေႃႇဢေႃႈ။-

7ၵဝ်လႆႈထိုင်ပဵၼ်သြႃႇ ဢၼ်ႁေႃးလၢတ်ႈတြႃးၼၼ်ႉ ၵႃႈၼင်ႇဢၼ်လႆႈၶၢမ်ႇဢဝ်ၵျေးၸူးၽြႃးပဵၼ်ၸဝ်ႈ ဢၼ်မၼ်းၸဝ်ႈဢဵတ်းလူပၼ်တီႈၵဝ် ၸွမ်းၼင်ႇဢၼ်တၼ်းၶူဝ်းၸဝ်ႈ ပွင်ႁဵတ်းၼၼ်ႉယဝ်ႉ။-

8မၼ်းၸဝ်ႈပၼ်ၵျေးၸူးၼၼ်ႉတီႈၵဝ် ဢၼ်ပဵၼ်ၵေႃႉဢၼ် ယဵင်ႈၶႅၼ်းလဵၵ်ႉၼႃႇသေၵေႃႉဢၼ်လဵၵ်ႉသေပိူၼ်ႈ ၵႃႈၼႂ်း ၵူၼ်းမူတ်းၸၢင်ႇတင်းသဵင်ႈတင်းလူင် ႁႂ်ႈၵဝ်လႆႈႁေႃးလၢတ်ႈတြႃးသတၢင်းသိူဝ်းပျေႃႇ တၢင်းဢၼ်ၸဝ်ႈၶရိၸ်ႈ ပျေႉၸုမ်ႇၼမ်ၵိုၼ်း ဢၼ်ၸႅတ်ႈထၢမ်ၸႅတ်ႈတူၺ်းလႄႈ ဢမ်ႇသဵင်ႈလႆႈၼၼ်ႉ တီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ၊-

9ဢိၵ်ႇတင်းႁႂ်ႈလွင်ႈဢၼ်သႃႇသၼႃႇ ဢၼ်ၸၢပ်ႈသႅင်ႇၵၼ်တင်းတၢင်းဢၼ်လိုၵ်ႉဢၼ်လမ်ႇ ဢၼ်ၸႃႉၸဵမ်ၵၢပ်ႈၵႃႇလႃႉ မိူဝ်ႈဢွၼ်ၼႆႉ ၼၼ်ႉလႄႈ သိူင်ႇဝႆႉမႅပ်ႉဝႆႉၼႂ်းၽြႃးပဵၼ်ၸဝ်ႈ ဢၼ်ၽၢၼ်ႇသၢင်းႁဵတ်းပဵၼ် ၵႃႈမီးတင်းသဵင်ႈတင်းလူင်ၼၼ်ႉ ပဵၼ်ၸိူဝ်ႉၼင်ႇႁိုဝ်ၼၼ်ႉ လႆႈထၢင်ႇသႃးတီႈၵူၼ်းတင်းသဵင်ႈတင်းလူင်ၼၼ်ႉယဝ်ႉ။-

10ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ လွင်ႈၼင်ႇႁိုဝ်တၵ်းႁႂ်ႈဢၼ်ထွတ်ႈဢၼ်မျၢတ်ႈ ဢိၵ်ႇတင်းဢႃႇၼႃႇတင်းလၢႆၵႃႈၼႂ်းတီႈၵၢင်ႁၢဝ်ၸိူဝ်းၼၼ်ႉ လႆႈႁူႉပိင်ႇၺႃႇၽြႃးပဵၼ်ၸဝ်ႈဢၼ်လၢၵ်ႇလၢႆးၼၼ်ႉ ၵွပ်ႈပိူဝ်ႈၸိူဝ်းၸဝ်ႈတေႃႈလဵဝ်ၼႆႉ၊-

11ၵႃႈၼင်ႇဢၼ်မၼ်းၸဝ်ႈဢဝ်လွင်ႈၸဝ်ႈႁဝ်း ယေႇသူႉၶရိၸ်ႈ လႄႈမီးတၢင်းၵျၢမ်ႇတၢင်းပွင်ထႃႇဝရႃႉၼၼ်ႉၸိုင်၊ ၸင်ႇပဵၼ်ဢေႃႈ။-

12ၵွပ်ႈပိူဝ်ႈတၢင်းဢၼ်ယုမ်ႇမၢတ်ႈၸဝ်ႈၼၼ်ႉလႄႈ ႁဝ်းမီးတင်းၸႂ်ဢၼ်ႁတ်းႁၢၼ် လႆႈဢၶႂၢင်ႉတၢင်းဢၼ် လႆႈသုတ်ႉၸမ်လႄႈၶၢမ်ႇဢဝ် တၢင်းဢၼ်ဢဵတ်းလူမၼ်းၸဝ်ႈၼၼ်ႉဢေႃႈ။

13ပိူဝ်ႈၼႆလႄႈ မိူဝ်ႈဢၼ်သူႁၼ်တုၵ်ႉၶႃႉတၢင်းၽၢၼ် ဢၼ်ၵဝ်လႆႈၶၢမ်ႇပုၼ်ႈသူ၊ ဢၼ်ပွင်ႁဵတ်းသရေႇသူၼၼ်ႉၸိုင် သူယႃႇပေၸႂ်လူႉ။

14ၵွပ်ႈပိူဝ်ႈလွင်ႈတၢင်းဢၼ် ဝႃႈမႃးယဝ်ႉၼၼ်ႉလႄႈ ၵဝ်ၶုပ်ႉမူပ်ႇသူးတွင်းၵႃႈတီႈၽၢႆႇၼႃႈပေႃႈၸဝ်ႈႁဝ်း ယေႇသူႉၶရိၸ်ႈ ၊-

15ဢၼ်ပဵၼ်ၸဝ်ႈဢၼ်ပၼ်ၸိုဝ်ႈပၼ်သဵင် ၵႃႈတီႈၵူၼ်းႁိူၼ်းၵူၼ်းယေးတင်းသဵင်ႈတင်းလူင် ဢၼ်မီးၵႃႈၼိူဝ်ၵၢင်ႁၢဝ် ဢိၵ်ႇတင်းၵႃႈၼိူဝ်လိၼ်မိူင်းၼႆႉၼၼ်ႉယူႇဢေႃႈ။-

16လွင်ႈဢၼ်သူးတွင်းၼၼ်ႉၸမ်ႉ၊ လွင်ႈၼင်ႇႁိုဝ်မၼ်းၸဝ်ႈ တၵ်းဢဵတ်းလူပၼ်မႅၼ်ႈၸွမ်းၼင်ႇဢၼ်မၼ်းၸဝ်ႈ ပျေႉၸုမ်ႇၼမ်ၵိုၼ်းၼၼ်ႉတီႈသူ ႁႂ်ႈၵူၼ်းၽၢႆႇတင်းၼႂ်းသူ မီးတင်းႁႅင်းမၼ်ႈၶိူင်ႇၵွပ်ႈပိူဝ်ႈဝီႉၺိၺ်ႇၸဝ်ႈ၊-

17ဢိၵ်ႇတင်းႁႂ်ႈၸဝ်ႈၶရိၸ်ႈ လႆႈၵိင်းဝၢပ်ႈယူႇၵႃႈၼႂ်းႁူဝ်ၸႂ်သူ ၵွပ်ႈပိူဝ်ႈတၢင်းဢၼ်ယုမ်ႇမၢတ်ႈ ဢိၵ်ႇတင်းလွင်ႈၼင်ႇႁိုဝ် သူတၵ်းမီးတၢင်းဢၼ်ၽုၵ်ႇသွမ်ႈယူႇၼႂ်းမႅတ်ႈတႃႇ၊ တၢင်းဢၼ်တႄႇၶျႃးငဝ်ႈႁၢၵ်ႈတိူၵ်ႈဝႆႉသေယဝ်ႉ၊-

18တၢတ်ႈၼိူင်ႇႁႂ်ႈလႆႈႁူႉႁၼ် ၼႃႈယၢဝ်းၼႃႈပွတ်း၊ ဢၼ်သုင်၊ဢၼ်လိုၵ်ႉမႅတ်ႈတႃႇၸဝ်ႈၶရိၸ်ႈ မိူၼ်ၸိူဝ်ႉၼင်ႇၵူၼ်းမူတ်းၸၢင်ႇတင်းသဵင်ႈတင်းလူင်ၼၼ်ႉလႄႈ၊-

19ႁူႉမႅတ်ႈတႃႇၸဝ်ႈ ဢၼ်ဢဝ်တင်းၺၢၼ်ႇတူဝ်ၸဝ်ႈၵဝ်ႇ ဢမ်ႇႁူႉလႆႈၼၼ်ႉ ဢိၵ်ႇတင်းလွင်ႈၼင်ႇႁိုဝ် သူတၵ်းပျေႉၸုမ်ႇမႅၼ်ႈၸွမ်းၼင်ႇ တၢင်းဢၼ်ၽြႃးပဵၼ်ၸဝ်ႈပျေႉၸုမ်ႇ ၵႃႈမီးတင်းသဵင်ႈတင်းလူင်ၼၼ်ႉၸိုင်၊ ၵဝ်သူးတွင်းယူႇဢေႃႈ။

20ႁႂ်ႈမၼ်းၸဝ်ႈဢၼ်တၢတ်ႈၼိူင်ႇလႆႈ ႁႂ်ႈလႆႈႁဵတ်းဢၼ်ယဵင်ႈၶႅၼ်းယႂ်ႇၼႃႇသေ ၵႃႈဢၼ်ႁဝ်းၵျၢမ်ႇပွင်တွင်းပၢၼ်ႇၸွမ်းၼင်ႇ တၼ်းၶူဝ်းမၼ်းၸဝ်ႈဢၼ်ပွင်ႁဵတ်းၼႂ်းႁဝ်းၼႆႉၼၼ်ႉ၊-

21မုၼ်ၽုင်းယႂ်ႇၼႃႇၵႃႈၼႂ်းၸိူဝ်းၸဝ်ႈၵွပ်ႈပိူဝ်ႈ ယေႇသူႉၶရိၸ်ႈ ၵူႈၵမ်ႇၽႃႇသိုပ်ႇသိုပ်ႇတၢမ်းတၢမ်းသေၵမ်းလူၺ်ႈ။ ဢႃႇမိၼ်ႇ။

← Chapter 2 Jump to: Chapter 4 →