bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Joshua 1
Joshua 1
Sidamo
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Kaaliiqi soqqamaanchi Muse reyihu gedensaanni, Musera muli kaa'laancho ikke noohura, Newe beetti Iyyaasura Kaaliiqi,
2
«Kuneeti, soqqamaanchi'ya Muse reyino; xaate kunni ka'a atinna Israeelete manni baalunku qixxaabbe. Ani ragisiiseemmo'ne gobba martine e'inanni gede Yordaanoosi Waa fulle.
3
Musera kuloommonte gede, gaaddinanni yannara lekka'nenni kaddinanni baatto baala ki'nera oommo'ne.
4
Danni'neno wodiidi ragaanni nootenni halalli gobbanni kayise, aliyyeenni noo ilaalla Libaanoosite geeshsha iillanno. Soojjaatoonni lowiidihu Efiraaxisi Wayinni kae, Hitootu gobba sae, galchimi ragaanni noohu Mediteraaniyu Baari geeshsha iillanno.
5
Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.
6
Bashshi yitooti! Lowo geeshsha jawaati! Kaajji! Ani akaakkansara aammora xaaroommo baatto ragisiisatto gede, kunni mannira albisa ikkatto.
7
Atilla waajjitooti! Jawaati! Soqqamaanchi'ya Muse uyinohe seera baala seekkite agadhi. Ha'ratto darga baalaho wo'munku coyi qinaannohe gede, kunni seeriwiinni horonta miliqqi yitooti.
8
Konne Seeru Maxaafa aye yannarano nabbawa agurtooti; isi giddo borreessinoonniha baala wonsha dandaatto gede, hashshanna barra wodanchi. Hatto assittoro, baalunku coyi danchu garinni qinaannohe.
9
Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.
10
Hakkunni gedensaanni, Iyyaasu roorroota ikkitinore,
11
«Qacha'ne e'ine mannaho, ‹Kaaliiqi Magani'ne aanno'ne baatto amaddinara 3 barri giddo Yordaanoosi Waa fultinannina, sinqe qixxeessidhe› yitine kulle» yee hajaji.
12
Iyyaasu Roobeelinna Gaadi ga'rera, hattono daratu Minaase ga'rera,
13
«Kaaliiqi Magani'ne, tenne Yordaanoosira soojjaatoonni noo baatto ki'nera heedhinanni darga asse aanno'neta ikkitino gede Kaaliiqi soqqamaanchi Muse kulino'neta qaagge.
14
Meenti'ne, ooso'nenna saada'ne kawiicho heedhona. Olu uddano uddi're olaho qixxaawino manni'ne kayinni, fiixansa Israeele kaa'late, alba ikke Yordaanoosi fulona.
15
Kaaliiqi Maganinsa uyinonsata galchimi ragaanni Yordaanoosira widoonni noo baatto ragidha geeshsha ledo gaaddona. Kaaliiqi Magani'ne Israeelete ga're baalantera fooliishsho aannonsa yannara, ki'ne galagaltine daggine, soojjaati ragaanni Yordaanoosira widoonni Kaaliiqi soqqamaanchi Muse uyino'netera umi'ne baattora heedhinanni» yiinsa.
16
Insano Iyyaasura, «Kuloottonkere baala wonshineemmo; soyattonkewa baala ha'neemmo.
17
Musera wo'ma woyite hajajammanni hee'nummonte gede, aterano hajajammeemmohe. Kaaliiqi Maganikki Muse ledo hee'rinte gede ate ledono hee'ro!
18
Ate roore hettisannohunna hajajokki baalanta wonshannokkihu hee'riro reyo. Ati bashshi yitooti! Jawaati!» yitu.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24