Joshua 20

Sidamo

← Chapter 19 Jump to: Chapter 21 →

1Hakkunni gedensaanni Kaaliiqi Iyyaasura,

2«Israeelete mannira: Muse kulanno'ne gede hajajoommo garinni eeggote katamma doorre.

3Mittu manchi afikkinni hedeweelcho manna shiiro, rabbisi'rasira hasi'ranno manchiwiinni gatanno gede, xooqe hattenne katamma eanno.

4Tenne katamma giddonni mittunniwa rahe ha're, katama e'nanni waalchira nooriwa yoo yitanno geerriwa shiqe ikkino coye baala ku'lanno. Hakkunni gedensaanni, katama eanno gede fajjitannosi; hee'ranno darga uyiteennasi hakkiicho keeshshanno.

5Rabbisi'rasira hasi'ranno manchi faana gane dayiro, katamu manni iso sayise aa dihasiissanno. Manna shiinohu danotenniiti ikkinnina komatenni ikkinokkihura, dagganno balanni agartasira hasiisanno.

6Songonniwa shiqeenna yoo yinasi geeshshanna, hakko sanira noohu qeesootu qari reya geeshsha hakko katamira keeshsha dandaanno. Hakkunni gedensaanni, galagale xooqe fulino katama hige minisira eanno» yee kulisi.

7Kunnira, Yordaanoosi Wayira galchimaanni Nifitaalemi iqqira gaaraame gobbara nootera Galiilaho Qedeeshi katamira, gaaraame Efireemi gobbara Sekeeminna gaaraame Yihudu baattora Kebirooni doorte baddu.

8Yordaanoosira widoonni, Iyyaarkora soojjaatoonni gotti yitinotera halallitte gobbara, Roobeeli gashshooti giddo nooha Beetseeri, Gaadi gashshooti giddo Geleaadi nooha Raamootinna Minaase gashshootira Baasaani nooha Goolaani doorte baddu.

9Israeelete manniranna giddonsa heedhannori wole gobba mannira, eeggote darga ikkanno gede doorroonni katamma tenneeti. Aye manchino danotenni manna shiiro, songote yoo yinikkinni shinannikki gede hatte katamma giddonni mitto katama xooqe, rabbisi'rasira hasanno manchi anganni gatanno.

← Chapter 19 Jump to: Chapter 21 →