bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Revelation 21
Revelation 21
Sidamo
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Hakkunni gedensaanni haaro gordonna haaro baatto afummo. Umi gordinna umi baatto sa'ino. Kunni ka'a baaruno dihee'ranno.
2
Qullaawu katami haaro Yerusaalame, adhannosehura seesse qixxaabbino seemo gede ikkite gordunni Maganuwiinni dirritanna afummo.
3
Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.
4
Hindiiddo baala illensanni feyanno; albi ikkito sa'ino daafira, reyo woy dadillu woy wi'la woy shetto kunni ka'a diheedhanno» yitannoti lowo huuro fultanna macciishshummo.
5
Ayirradu barcimira ofollinohu, «Kune, ani baalanka coye haaro asseemmo» yii. Ledeno, «Kuni qaali hawaqi'nannihonna halaalehona borreessi!» yiie.
6
Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.
7
Qeelannohu konne baala ragi'ranno; ani Maganosi ikkeemmo; isino beetto'ya ikkanno.
8
Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.
9
Lamala sokkaasine giddonni mittu, goofimarchunniri lamalu qoomami wo'mitinota lamala gabate anga haa're anewa daye, «Amo! Ge'rechu minaama ikkitino idayicho leellisheemmohena» yiie.
10
Isi Ayyaanunni seeda lowo ilaala haa're masse"e, qullaawu katami Yerusaalame gordunni Maganuwiinni dirritanna leellishie.
11
Katama Maganu ayirrinyi xawisanni no; xawaabbisi hincilaallaamu dilqi gedeeho.
12
Tonaalame waalcho afi'rinohu lowohunna seedu kinchu huxxi noosi; tonaa lamenka waalcho tonaa lamenti sokkaasine agarte no. Tonaalamunku waalchira tonaa lamente Israeelete ga're su'mi borreessame no.
13
Soojjaati ragaanni sasu waalchi, aliyye ragaanni sasu waalchi, wodiidi ragaanni sasu waalchinna galchimi ragaanni sasu waalchi noosi.
14
Kinchu huxxi tonaa lame safote kincho afi'rino. Tonaalamente safo aana tonaa lamenka Ge'rechu soqqamaasine su'ma borreessinoonni.
15
Coyi'rie sokkaasinchi katama, katamu waalchuwanna kinchu huxxa bikkannota culku siqqicho anga adhe no.
16
Katamu shoolenka raga godowanna hojja taaloho. Sokkaasinchu katama bikkinanni siqqonni bikke la"anno woyite, seendillisi 2,400 kiilo metire geeshsha ikki. Godowunna hojja hakkeeshsha ikkitu.
17
Sokkaasinchu katamu huxxano bikki; egennamino bikkaasinchi garinni bikkanno woyite hojja 144 cigile ikki.
18
Huxxa huxxinoonnihu haanju dilqinniiti; katamuno hincilaallote gede xawannohunni filu culkinni minnoonniho.
19
Katamunniti kinchu huxxi safo, addi addi dilqinni seesiinsoonnite. Umi safo haanju dilqinni, layinki safo bulu dilqinni, sayikki safo daamu xoxxorraamu kinchinni, shoolkita haanju xoxxorraamu dilqinni,
20
onti safo duumu dilqinni, leelki safo burcuqqaamu dilqinni, lamalki safo duumu burcuqqaamu dilqinni, settikki safo haanju dilqinni, honsi safo baqqalu dilqinni, tonnikki safo kooshimu dilqinni, tonaa mitikki safo kuulaamu dilqinninna tonaa layinki safo xiillichu dilqinni seesiinsoonni.
21
Tonaalamunku waalchira tonaa lamu baaru giddonni haa'nanni dilqi no; mittu mittunku waalchi mittu baaru giddo dilqinni seekkinoonniho. Katamu doogo, hincilaallote gede xawaabba leellishannohunni filu culkinni seekkinoonnite.
22
Wo'manka Dandaanno Mootichi Maganunna Ge'rechu, Qullaawa Mine ikkitinohura, katamu giddo wole qullaawa mine diafoommo.
23
Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.
24
Kalqe baalate gosa kunni xawaabbi giddo ha'rantanno; baattote mootoollano ayirrinyensa haadhe hakkiira abbitanno.
25
Hakkiicho hashshu nookki daafira, waalchuwa barra baala mitte higgeno dicufantanno.
26
Gosate jironna ayirrinyu hakkiira daanno.
27
Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22