bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Revelation 22
Revelation 22
Sidamo
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.
2
Kuni wayi katamunnita lowo doogo hige lolahanno. Waaho lamenka widoonni dirunni tonaa lame higge aganu aganunkunni laaltannoti heeshshote haqqicho no; haqqichote daro gosa hursitannote.
3
Kunni ka'a mayi gari rumono diheedhanno. Maganunna Ge'rechunnihu ayirradu barcimi katamu giddo hee'ranno; soqqamaanosino magansidhannosi.
4
Albasino la'anno; su'misino albinsa aana hee'ranno.
5
Kunni ka'a hashshu dihee'ranno; Mootichu Maganu xawisannonsa daafira, caabbichu woy arrishshote xawaabbi dihasiisannonsa. Insano hegere geeshsha mookkanno.
6
Hakkunni gedensaanni sokkaasinchu, «Kuni qaali hawaqi'nannihonna halaaleho. Ayyaanasi himanaanote aanno Magani Mootichu, shiima yanna gedensaanni ikkanno coye soqqamaanosira xawise leellishanno gede sokkaasinchosi soyi» yiie.
7
Yesuusino, «Kuneeti, ani rahe dayemmo; kunni maxaafi giddo nooha himanu qaale agadhannohu ba'raa'rinoho» yii.
8
Konne coye macciishshoommohunna laoommohu ani Yohaannisiiti. Konne coye macciishshummonna laummo yannara, leellishie sokkaasincho magansi'rate lekkasi hunda kumbuulummo.
9
Sokkaanchu kayinni, «Qorophi! Togo ikkitooti! Anino atenna himanaano roduuwikki ledo, kunni maxaafi giddo noo qaale agadhitannori ledo soqqamaanchohona, Maganoho kumbuuli!» yiie.
10
Ledeno, «Yanna mule noo daafira, kunni maxaafi giddo nooha himanu qaale dibbe cuffooti.
11
Bunshe assannohu bunshesi assolla; batte loosannohuno battaawolla; dancha loosannohuno loosolla; qullaawuno qullaawa ikke hee'rolla» yii.
12
Xaano qole, «Kune ani rahe dayemmo. Mittu mittunkura loosisi garinni aammora, loosisi gumi anewa no.
13
Umihunna Goofimarchunnihu, Albihunna Gedensihu, Hanafonnihunna Jeefonnihu aneeti» yii.
14
Heeshshote haqqicho laalo itatenna waalchuwate widoonni hige katama ea dandiitanno gede, uddanonsa hayishshidhannori ba'raadhinoreeti.
15
Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.
16
Yesuusi, «Ani konne coye farci'ranno gede sokkaasincho'ya beetekiristaannate soommo. Ani Daawiti rumushshootinna isi sirchooti; soodimaroho xawanno bakkalchooti» yii.
17
Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.
18
Kunni maxaafi giddo borreessinoonniha himanu qaale macciishshannoha baala qorophisiiseemmo. Ayino kunni qaali aana mittoreno lediro, Maganu kunni maxaafi giddo borreessinoonni qoomama ledannosi.
19
Ayino kunni himanu maxaafi giddo borreessinoonni qaali aaninni mittoreno xeisiro, Maganu kunni maxaafi giddo kulloonni laalo heeshshote haqqichotanna Qullaawu Kataminni iillitannosi kaayyo xeisannosi.
20
Konne coye farci'rannohu, «Ee, rahe dayemmo!» yaanno. Hamii'ni! Mooticha Yesuusa, amo!
21
Mootichu Yesuusi elto baalunku ledo heedho! Hamii'ni!
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22