bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
Revelation 3
Revelation 3
Sidamo
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
«Serdeesi Katamira noo beetekiristaane sokkaasinchira, «Lamala Maganu ayyaannanna lamala beeddahe noosihu: Loosokki afoommo; su'ma lubbotenni nootto; kayinni reyottoho.
2
Loosikki Magani'ya albaanni guuta di"ikkinona, baqqi yii! Reyara rahe noo coyeno gatisse kaajjishi'ri.
3
Kunni albaanni rosiinsoonniherenna kulloonnihere qaagi. Agadhi; aagintaawi. Baqqi yite agadha hoogittoro kayinni, mooraanchimma dayemmohe. Ma yannara dayemmohero horonta diafatto.
4
Ikkollana, uddanonsa xursiisidhinokkiri Serdeesi shiimu manni ate ledo no. Insa ane ledo ha'ra maltinonsare ikkitino daafira, waajjo uddano uddidhe ledo'ya hadhanno.
5
Qeelinohu hattonni waajjo uddano tuulatanno; su'masino heeshshote maxaafi giddonni dihuneemmo. Anni'yanna sokkaasinesi albaanni farci'reemmosi.
6
« ‹Qullaawu Ayyaani beetekiristaannate yaannore macca noohu macciishsho› yiino» yite borreessite soyi.
7
«Filidelfiyu Katamira noo beetekiristaane sokkaasinchira, « ‹Waalcho fannanniti Daawiti qulfe noosihu qullaawunna halaalaanchu coyi'rino coyeti. Isi faninoha ayino dicufanno; isi cufinohano ayino difananno:
8
Loosokki afoommo; kune ayino cufa dandaannokkiha fa'namino waalcho albakkiinni woroommo. Wolqakki shiima ikkitinota afoommo; ikkirono qaale'ya agadhootto; su'ma'yano dikaadootto.
9
Ayihude ikkitukkinni, «Ninke Ayihudete» yitannori, Sheexaanu gaamo miilla ikkitino kaphaasine, albakkiinni dagge lekkakki hunda ubbe, ani baxoommoheta affanno gede asseemmo.
10
Cincatto gede kuloommohe coye agadhootto daafira, anino tenne baatto aana noo manna baala jifate kalqe baalate aana daara noohu qarru barrinni gatiseemmohe.
11
Kuneeti rahe dayemmo; ayino ba'lattokki adhannohekki gede nooheha seekkite cu'mi'ri!
12
« ‹Qeelinoha Qullaawa Mine Magani'yahura tuuqo asseemmosi. Hakkunni ka'a hakkiinni horo difulanno. Magani'ya su'ma, Magani'yawiinni gordunni daannohunniha, haaru Magani'ya Katami Yerusaalamennihu su'manna aneha haaro su'ma aanasi borreesseemmo.
13
« ‹Qullaawu Ayyaani beetekiristaannate yaannore macca noohu macciishsho› yiino» yite borreessite soyi.
14
«Lodooqiyu Katamira noo sokkaasinchira, « ‹Hamii'ni ikkinohu ammanaminohunna halaalaanchu naqaashshichi Maganu kalaqino kalaqamira kaima ikkinohu:
15
Loosokki afoommo. Woy diqiidootto woy di"iibbootto. Qiidoottoro woy iibboottoro woyyate.
16
Iibbittokkinni woy qiidittokkinni mulla gammuutte nootto daafira afii'yanni tufe hunammoheraati.
17
«Ani dureessaho; lowo jiro nooe; xeinoeri mitturino dino» yaatto. Gadadaamo, hawaaxama, buxicho, illiweelonna mullicho ikkoottota kayinni diafootto.
18
Dureessa ikkatto gede giiratenni daashshinoonni culka, teedakki diphate waajjo uddanonna la"a dandaatto gede illete xagichono anewiinni hidhattora seejjeemmohe.
19
« ‹Ani baxeemmoha baala seejjeemmo; qorichisheemmono. Kunni daafira diinaggaawoottoha ikki! Cubbokkino aagintaawi!
20
Kuneeti ani nafara uurre woshsheemmo; ayino huuro'ya macciishshe cufana faniero isiwa e"eemmo; sagaleno lamunku mitteenni inteemmo.
21
« ‹Ani qeelle adhe Anni'ya ledo ayirradu barcimisira ofollummonte gede, qeelinohu ane ledo ayirradu barcimi'yara ofollanno gede asseemmosi.
22
« ‹Qullaawu Ayyaani beetekiristaannate yaannore macca noohu macciishsho› yiino» yite borreessite soyi.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22