Lamentations 4

Shona (Baiberi Magwaro Matȿene aMŋari 1949 (Doke)

← Chapter 3 Jump to: Chapter 5 →

1Haiwa, ndarama yaȿiɓa sei! Ndarama yakaiȿo‐naka yashanduka sei! Mabge enɀimbo tȿene arashirwa pamharadzano dzenzira dzomuguta.

2Ʋanakomana ʋanoɗikanwa ʋeZioni ʋakafanana nendarama yakaiȿo‐naka, Haiwa ʋakanzi ʋakaita seɀiroŋgo ɀevu sei, iro ɓasa romuʋumbi wehari!

3Kunyaŋge namakaʋa anoɓuɗisa mazamu, acimŋisa ʋana ʋawo; Mukunda waʋanhu ʋaŋgu waʋa nehasha semhou murenje.

4Rurimi rwomŋana unomŋa runonamatira mumukanwa womuromo wake nenyota; Ʋanana ʋanokumbira ciŋgwa, asi hakunomunhu unoʋameɗurira.

5Aʋo ʋaisidya ɀinozipa, ʋarashwa munzira dzomuguta; Ʋairerwa ʋakafuka miceka mitȿuku, ɀino ʋotsiʋama pamaturunhuru.

6Nokuti ɀakaipa ɀomukunda waʋanhu ʋaŋgu ɀinopfuʋura ɀiʋi ɀeSodoma, Iro rakaparadzwa kamŋe‐kamŋe kusinamaʋoko akariɓata.

7Macinda aro akaŋga akapfuʋura cando nokunaka, akaŋga akacena kupfuʋura mukaka, Akaŋga akatȿuka pamuʋiri kupfuʋura makorari, pakuʋonekwa akaŋga akaita sesafiri.

8Ɀiso ɀaʋo ɀaȿiɓa kupfuʋura mazimbe, haʋazikanwi munzira dzomuguta; Ganda raʋo rinonamatira mafupa aʋo, rawoma, rafanana neɗanda.

9Ʋakaʋurawa nomunondo ʋakaita nani kunaʋakaʋurawa nenzara; Nokuti aʋa ʋawonda, ʋaɓayiwa nokushaiwa ɀiɓereko ɀeminda.

10Maʋoko aʋakadzi ʋaiʋa nomŋoyo munyoro ʋakaɓika ʋana ʋaʋo, Ɀikaʋa ɀokudya ɀaʋo pakuparadzwa kwomukunda waʋanhu ʋaŋgu.

11Jehova wakaita ɀaakaŋga aciɗa nokutsamŋa kwake, wakaɗurura hasha dzake huru; Wakaɓatidza mŋoto paZioni, wakapedza nheyo dzaro.

12Madzimambo enyika haana‐kutenda, kunyaŋge naʋose ʋagere panyika yose, Kuti mudziʋisi nomuʋeŋgi ʋacapinda pamasuʋo eJerusarema.

13Ɀakaitwa nokuɗa kweɀiʋi ɀaʋaprofita ʋaro, neɀakaipa ɀaʋaprista ʋaro, Ʋakateʋura ropa raʋakarurama pakati paro.

14Ʋanodzuŋgaira samapofu munzira dzomuguta, ʋakaȿiɓiswa neropa, Naiɀoɀo ʋanhu haʋagoni kuɓata ŋguʋo dzaʋo.

15Ʋakaɗanidzira kwaʋari ʋaciti: Ibvai, munetȿina! Ibvai, ibvai, regai ku ti ɓata! Paŋguʋa yokutiza nokudzuŋgaira kwaʋo, ʋanhu ʋakati pakati pamarudzi: Haʋaŋgazogari ɀe pano ʋari ʋatorwa.

16Kutsamŋa kwaJehova kwakaʋaparadzira; haacaʋi nehanya naʋo; Haʋana‐kuraŋgarira ʋaprista, haʋana‐kukudza ʋakuru.

17Meso eɗu anoŋgopera naɀino acitarira ruɓatsiro rweɗu pasina; Pakutarira kweɗu takatarira rudzi rusiŋgagoni kutiponesa.

18Ʋanoronda makwara eɗu, naiɀoɀo hatigoni kufamba munzira dzomuguta reɗu; Kuguma kweɗu kwaʋa pedyo, mazuʋa eɗu aȿika, nokuti kuguma kweɗu kwaȿika.

19Aʋo ʋakadziŋgana nesu, ʋakamhanyisa kupfuʋura makondo okuɗeŋga; Ʋakadziŋgana nesu pamakomo, ʋakatigarira murenje.

20Mŋeya wemhino dzeɗu, iye muzodzwa waJehova, wakaɓatwa muhuzha dzaʋo; Iye watakati: Pamumvuri wake ndi’po paticararama pakati pamarudzi.

21Farisisa, uʋe nomufaro, iwe mukunda weEdomi, ugere panyika yeUzi; Mukombe ucaȿika kwauri ʋo; ucaɓatwa newaini ukaɀifukura.

22Kurobga kweɀakaipa ɀako kwapera, iwe mukunda weZioni; haacazokutapisi ɀe; Iye uca ku roʋa pamsoro pe ɀakaipa ɀako, iwe mukunda weEdomi; iye ucafukura ɀiʋi ɀako.

← Chapter 3 Jump to: Chapter 5 →