Ephesians 4

Sotho 1951 (BIBELE)

← Chapter 3 Jump to: Chapter 5 →

1Ke a le rapela ge nna mogolegwa Moreneng, ke re swarang ka tsela ye e swanetšego se le bileditšwego sona,

2le ye ka go ikokobetšamoka, le ka boleta, le ka go se fele pelo, le kwana ka lerato.

3Le phegelele go tielela boteeng bja moya, setlemo e le kagišo.

4Mmele ke o tee, bjalo ka ge go bitšwa ga lena e le go biletšwa kholofelo e tee.

5Mong wa rena ke o tee, tumelo ke e tee, kolobetšo ke e tee.

6Modimo ke o tee, yena Ragobohle, Kokamabohle, Modirakabohle mo go bohle.

7E mongwe le e mongwe wa rena o seditšwe ka kgaugelo, ka tekanyo ya ba mo Kriste a re neilego ka gona.

8Gobane go itšwe: O rotogetše kua godimo, a thopolla mathopša, a nea batho dineo.

9Ge go thwe: O rotogile, ke go reng? A ga se go re o be a fologetše dibakeng tša tlasetlase tša lefase?

10Mofologi yo ke yena a rotogetšego godimo ga magodimo ohle, a ba Motlalagohle.

11Gomme ke yena a neilego dineo, ba bangwe ya ba baapostola, ba bangwe ya ba baporofeta, ba bangwe ya ba bagoeledi, ba bangwe ya ba badiši le baruti,

12ya ba go hlamiša bakgethwa gore ba kgone go direla phuthego, gore mmele wa Kriste o agišwe,

13gore rena ka moka re be re fihlele botee bja tumelo le bja tsebo ya go tseba Morwa wa Modimo, re fihlele senna ka botlalo, le bogolwane bja go lekanela botlalo bja Kriste.

14Re se ke ra hlwa re le bana, batho ba go fo gapagapiwa le go tšewatšewa ke phefo e ngwe le e ngwe ya thuto ka go foraforetšwa ke batho, re gokwa ke maano a go re aroša.

15Re be ba therešo leratong, mme re fele re tielela dilong tšohle, re le ditho tša Kriste, e lego yena hlogo,

16Hlogo e bušago mmele wohle, e kopanyago ditho tšohle tša holana, setho sa dira modiro wa sona wo o se lebanego, sa phediša mmele sa o bopa, sa o agiša ka lerato.

17Bjale, se ke se bolelago, se ke se tiišago Moreneng ke go re: Le se ke la etša bantle ba ba swerego tsela ba šilofetše dipelong tša bona.

18Ba fifetše tlhaologanyo, ba tlogelane le bophelo bja Modimo, e le ba go se tsebe, dipelo tša bona di thatafetše.

19Ba reteletše ba ineela bohlotlolo, ba dira tša ditšhila ba ile le dikganyogo.

20Gomme lena ga le bjalo; le ithutile go tseba Kriste.

21Mme le ithutile ruri, la rutega ka yena, la bona ge therešo e le mo go Jesu.

22Ke gona apolang tše e lego tša tsela ya kgale, tša motho e motala, e a senyegago a forilwe ke dikganyogo.

23Sa lena a e be go mpshafatšwa moyeng wa dipelo tša lena.

24Le apare motho e mofsa, e a bopetšwego go etša Modimo go lokeng le kgethegong ya makgonthe.

25Ke gona apolang maaka; ge le boledišana le bolele therešo, gobane re ditho seng sa rena.

26Ge le galefa le se ke la senya; a letšatši le se dikele le sa galefile.

27Mme le se ke la šuthela Diabolo sebaka.

28E a utswitšego a se ke a hlwa a utswa; a a kgothale a dire tše botse ka diatla tša gagwe, a tle a be le tše a kago abela mohloki.

29Melomong ya lena go se ke gwa tšwa lentšu le lebe; a go tšwe le bolo la go iša kagišo mo e hlaelago, le iše tšhegofatšo go ba ba le kwago.

30Le se ke la nyamiša Moya o mokgethwa wa Modimo, wo le swailwego ka wona la swaelwa tšatši la topollo.

31Tše e kego ke sekgoro, le bonaba, le mašata, le maroga, a di be kgole le lena, le bobe bjohle.

32Sa lena a e be go dirana ka botho le ka bonolo, le go gaguelana bjalo ka ge Modimo le yena a le gaugetše ka Kriste.

← Chapter 3 Jump to: Chapter 5 →