bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Ezra 4
Ezra 4
Sotho 1951 (BIBELE)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 5 →
1
Manaba a Juda le a Benyamini ge a ekwa gobane ba mathopša ba agela Morena Modimo wa Isiraele Ntlokgethwa,
2
ba tla go Serubabele le go bagolo ba dilete, ba bolela ba re: A nke re ageng le lena, gobane le rena re nyaka Modimo wa lena; re šetše re mo tlišeditše didimo go tloga mehleng yela ya Aserehadoni kgoši ya Asuri e a re khudušeditšego fa.
3
Fela, Serubabele le ba bangwe ba bagolo ba meloko ya Isiraele, ba fetola ba re: Go agela Modimo wa rena ngwako gotee le lena ga go kgonege. Re tlo aga re nnoši Ngwako wo wa Morena Modimo wa rena, ka mo re laetšwego ke Korese kgoši ya Peresia.
4
Ke mo setšhaba sa naga yeo se rephišitšego matsogo a setšhaba sa Bajuda, ba ba šitiša go aga ka go ba tšhoša.
5
Ba thwala baeletši ba go ba logiša maano a go thibela moago woo; ba dira ka mokgwa wo ka mehla ge go sa buša Korese kgoši ya Peresia, gwa ba gwa tla mmušo wa Dario kgoši ya Peresia.
6
Ge go buša Ahasifero, mola a sa thoma go buša, ba ngwala lengwalo la go bega ba ba agilego Juda le Jerusalema.
7
Mehleng ya Arithasasitha, Bisilama le Mithiredathe le Tabiele, le bagwera ba bona, ba ngwalela Arithasasitha kgoši ya Peresia lengwalo. Lengwalo le le be le ngwadilwe ka dihlaka tša Searama, la hlathollwa ka Searama.
8
Gwa ngwala Rehuma mokgoma le Simisai mongwadi, ba ngwalela kgoši Arithasasitha lengwalo, ba bega ba Jerusalema ba re:
9
Mokgoma Rehuma le Simisai mongwadi, le ba bangwe ba bagwera ba bona, e lego ba Dinai, le ba Afaraseka, le ba Tarapela, le ba Afarasai, le ba Arekafa, le ba Babele, le ba Susani, le ba Dehi, le Baelama,
10
le ba bangwe ba ditšhaba, ba ba khudušeditšwego mono ke Asinapara monnamogolo wa mošate, a ba dudiša motseng wa Samaria, le ba bangwe ba mošono wa noka, le go iša pele.
11
Ditaba tša lengwalo le ba le rometšego kgoši Arithasasitha šedi: Rena bahlanka ba gago ba mošono wa noka re re:
12
A kgoši e ke e tsebe gobane Bajuda ba ba boilego ba etšwa go wene, ba tlile go rena mono Jerusalema; ba tsoša motse o mobe woo wa meferefere; ba bile ba feditše go tsoša morako ba tiiša metheo.
13
Bjale kgoši a ke a tsebe gore ge motse woo o ka tsošwa, le merako ya wona ya fela, ba ka se ke ba hlwa ba ntšha makgetho le dibego, le makgetho a tsela; gomme o tlo senyegelwa ke tše di lebanego magoši.
14
Bjale ka gobane re balaki ba ba phelago ka tša mošate, ga go a re swanela ge re ka fo lebelela ge kgoši e senyegelwa; ke ka baka leo re begago taba ye go kgoši.
15
Gore go nyakiwe mo pukung ya ditaba tša kgale tša botatago; gomme mo pukung yeo ya ditaba tša kgale o tlo hwetša tša gore motse woo e be e le wa meferefere, o senyago dikgoši le dilete, le gobane e be e le wa go tsoša meferefere neng le neng, motse woo wa ba wa šwalalantšwa ka baka leo.
16
Ke gona re tsebiša kgoši gore ge motse woo o ka tsošwa, merako ya wona ya agiwa ya fela, o ka se ke wa hlwa o eba le naga mošono wa noka.
17
Kgoši ya fetola lengwalo le la mokgoma Rehuma le Simisai mongwadi, le bagwera ba bona ba ba agilego Samaria, le ba bangwe bao ba agilego mošono wa noka, ya re: A go be le khutšo le bjale.
18
Lengwalo le le re rometšego lona, le badilwe pele ga ka ka le kwišiša.
19
Ka napa ka laela ka re ditaba tšeo di tsomišwe. Gomme ba hweditše tša ge motse woo go tloga kgaleng o tsogela dikgoši maatla, o hlagiša bohwirihwiri le meferefere.
20
Go kile gwa ba le dikgoši tše maatla tša Jerusalema tša buša la mošola wa noka, tša ntšhetšwa makgetho le dibego le makgetho a tsela.
21
Bjale laelang gore banna bao ba thibelwe, gore motse woo o se ke wa tsošwa, ge e se ge taelo e ka tšwa go nna.
22
Bjale le se ke la itšimeletša tabeng ye, gore kgoši e se ke ya hlwa e senyegelwa.
23
Ya re ge lengwalo la kgoši Arithasasitha le badilwe pele ga Rehuma le Simisai mongwadi le bagwera ba bona, ba napa ba ya Jerusalema go Bajuda, ba ba thibela ka maatla le ka bogale.
24
Modiro wa go aga Ngwako wa Modimo wa kgaotšwa, wa leswa gwa ba gwa fihla, ngwaga wa bobedi wa ge go buša Dario kgoši ya Peresia.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 5 →
All chapters:
1
2
3
4
5
6
7
8
9
10
Recommended Reading
Commentary
Ezra Commentaries
→
Devotional
Ezra Devotional Guide
→
Get This Bible
BIBELE Study Bible
→