bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Ezra 8
Ezra 8
Sotho 1951 (BIBELE)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 9 →
1
Šele lengwalo la maina a bagolo ba meloko ya ba ba sepetšego le nna re etšwa Babele mehleng ya ge go buša Arithasasitha.
2
Wa ga Pinease ke Geresome; wa ga Ithamara ke Daniele, wa ga Dafida ke Hatusi;
3
wa ga Sekanya ke Sakaria wa ga Pareose; o be a na le banna ba lekgolo le nago le masome a mahlano ba ba ngwadilwego lengwalong la moloko wa gabo.
4
Wa ga Phahathe-Moaba ke Elioenai morwa wa Sekaria; o be a na le banna ba makgolo a mabedi.
5
Wa ga Sathu ke Sekanya morwa wa Jehasiele; o be a na le banna ba makgolo a mararo.
6
Wa ga Adina ke Ebede morwa wa Jonathane; o be a na le banna ba masome a mahlano.
7
Wa ga Elama ke Jesaya morwa wa Athalia; o be a na le banna ba masome a šupago.
8
Wa ga Sefatya ke Sebadya morwa wa Mikaele; o be a na le banna ba masome a seswai.
9
Wa ga Joaba ke Obadya morwa wa Jehiele; o be a na le banna ba makgolo a mabedi a nago le lesome la metšo e seswai.
10
Wa ga Bani ke Selomithe morwa wa Josifia; o be a na le banna ba lekgolo le masome a selelago.
11
Wa ga Bebai ke Sekaria morwa wa Bebai; o be a na le banna ba masome a mabedi a metšo e seswai.
12
Wa ga Asigidi ke Johanani morwa wa Hakatani; o be a na le banna ba lekgolo le lesome.
13
Ba ga Adonikama ba go tla morago, maina a bona šea: Ke Elifelethe, le Jehiele, le Semaya; ba be ba na le banna ba masome a selelago.
14
Ba ga Bigifai ke Uthai le Sebudi; ba be ba na le banna ba masome a šupago.
15
Bona ba ka ba phutha nokeng e elago e leba Ahafa; ra fetša matšatši a mararo re le mešašeng. Nna ka bona go le setšhaba le baperisita; ka hwetša go se Balefi.
16
Ka roma Eliesere, le Ariele, le Semaya, le Elinathane, le Jariba, le Nathane, le Sakaria, le Mesulama, ba e bego e le ba bagolo, Jojariba le Elinathane e le ba baruti.
17
Ka ba roma ka re ba ye go Ido mokgoma wa motse wa Kasifya, ka ba botša mantšu a ba tlogo a bolela le Ido le ba gabo bona, le bahlanka ba Ntlokgethwa ba lego motseng wa Kasifya, gore ba tlišetše bahlanka ba go tlo hlankela Ngwako wa Modimo wa rena.
18
Gomme ka ge re ukametšwe ke seatla se botho sa Modimo wa rena, ba re tlišetša banna ba tlhaologanyo ba ga Mahli morwa wa Lefi morwa wa Isiraele, boSerebja le barwa ba gagwe le bana ba bobona ba lesome la metšo e seswai,
19
le Hasabja, a tla a na le Jesaya wa ga Merari, le bana ba bona, e le ba masome a mabedi,
20
le bahlanka ba Ntlokgethwa, ba ba bego ba beilwe ke Dafida le bagolo gore ba diriše Balefi. Bahlanka ba Ntlokgethwa ba tla e le ba makgolo a mabedi le masome a mabedi, bohle ba ngwadilwe maina a bona.
21
Re le gona moo nokeng ya Ahafa ka hlabiša mokgoši wa gore go ikonwe dijo, gore re ikokobetše pele ga Modimo wa rena, re ikgopelele leeto le lebotse, re na le bana ba rena le thoto ya rena.
22
Ka gobane ke be ke itšhišimeletša go kgopela madira go kgoši, le banamedi ba go re hlabanela tseleng, gobane re be re šetše re boditše kgoši ra re: Seatla sa Modimo wa rena se ukametše bohle ba ba mo nyakago, se ba direla tše botse; gomme maatla a gagwe le bogale bja gagwe, di wela bohle ba ba mo lahlago.
23
Ke moka ra ikona dijo, ra kgopela tšona tšeo go Modimo wa rena; mme yena a re kwa.
24
Mme nna ka hlaola ba lesome la metšo e mebedi ba bagolo ba baperisita, boSerabja le Hasabja, ba na le bana ba bobona ba lesome,
25
ka ba lekanyetša disilefera le digauta le dibjana, le dibego tšohle tša ngwako wa Modimo wa rena, tše di bego di ntšhitšwe ke kgoši le ditona tša gagwe, le tše di bego di ntšhitšwe ke Baisiraele ka moka, ya ba dibego tša bona.
26
Ka ba lekanyetšda ka ba digela silifera ya talente tše makgolo a selelago le masome a mahlano, le dibjana tša silifera tša talente tše lekgolo, le gauta ya Talente tše lekgolo,
27
le dinwelo tša gauta tše masome a mabedi tša theko e ka bago diponto tše sekete, le dibjana tše pedi tša mphiri o phadimago o botse o etšago gauta.
28
Ka ba botša ka re: Lena le kgethegetše Morena; dibjana tše le tšona ke tše kgethwa, le disilifera tšeo le digauta tše ba di ntšhitšego ka go ithapa di kgethetšwe Morena Modimo wa botataweno.
29
Di dišeng le di boloke, le be le di lekanyetše ba bagolo ba baperisita le Balefi, le bakgoma ba meloko ya Isiraele kua Jerusalema, gore di išwe dipolokelong tša Ngwako wa Morena.
30
Baperisita le Balefi ba amogela disilifera le dibjana ka tekanyo ya tšona, gore ba di iše Jerusalema Ngwako wa Morena.
31
Nokeng ya Ahafa ra tloga ka la lesome la metšo e mebedi la kgwedi ya pele, ra leba Jerusalema. Gomme seatla sa Morena Modimo wa rena sa re šireletša, sa re namolela diatleng tša manaba a rena le diatleng tša ba ba bego ba re laletše tseleng.
32
Ge re fihlile Jerusalema ra hlwa ntshe matšatši a mararo.
33
Ka la bone ra lekanya disilifera le digauta le dibjana re le mo Ngwakong wa Modimo wa rena, ra di gafela Balefi bo Meremothe morwa wa Uria moperisita, le Eliesere morwa wa Pinenase, la Josabadi morwa wa Jeshua, le Noadya morwa wa Binui;
34
re di lekanya ka palo le ka boima bja tšona ka moka; tša napa tša ngwalwa tekanyo ya tšona ka moka.
35
Ba ba bego ba tlile ba etšwa bothopša, ba tlišetša Modimo wa Isiraele dihlabelo. E be e le dipowana tše lesome la metšo e mebedi bakeng sa setšhaba ka moka sa Isiraele, le dikgapana tše masome a senyane a metšo e selelago, le dikwana tše masome a šupago a metšo e šupago, le diphoko tše lesome la metšo e mebedi tša seloba; ka moka ya ba dihlabelo tša Morena.
36
Ditaelo tšela tša kgoši ba di fihliša go bakgoma ba mošono wa noka; bona bao ba thuša setšhaba le Ngwako wa Modimo.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 9 →
All chapters:
1
2
3
4
5
6
7
8
9
10
Recommended Reading
Commentary
Ezra Commentaries
→
Devotional
Ezra Devotional Guide
→
Get This Bible
BIBELE Study Bible
→