bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Isaiah 14
Isaiah 14
Sukuma 2019
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 15 →
1
Ū SEEBA akūnchīla shigongo ū Yakobo, akūbasola hangī a Baisilaeli abatūūle ū mu sī yabo. Na bageni bakwiza bikale mo, babize isangī līmò n'ī numba ya ng'wa Yakobo.
2
Mahanga ga banhū gakūbagunanha ū kūshoka ū mu sī yabo. Hūna a ba numba ya Isilaeli bakwikala nabo a banhū ba mahanga benabo; bakūbiza basese babo bagosha na bakīma ū mu sī ya ng'wa SEEBA. Bakūbīīta kūbiza nding'wa abo baalī babadimile ī kwandya, bakūbasuga abo baalī baluhya babo.
3
Ū mu lūshikū lwa ng'wa SEEBA kūng'wifuuja a bing'we ū mu būluhi wing'we, na a makoye ga wiboneelwa kūlwa būsese,
4
mukūtūmamīla lūsumo ūlū, mumboodeleje ū ntemi wa Babuloni: Washila ng'haani ū ng'wiboneeji! Ū būkalī wakwe wa nyadooshi wagelela henaho!
5
Ū SEEBA wagūbīnzagūlaga ū nang'ha gwa banhū ba malofu, ū nang'ha gwa nyatemi, ū lūmeng'ho lwa basugi.
6
Ūyo gwalī gūtoyaga kūtūla banhū mu būpelanu; na a mahanga gwalī gūgasugile mu wiboneeji būtī bo kūlekeja.
7
Pyī ī sī jifuulaga na kūlembeela, Ī haha jikūhīlīīlaga kwīmba mīmbo dūhū.
8
Nī mitī ī mibanga nī mikoola ya Lebanoni yayegile no; īkūhayaga dūhū gīkī, “Nīyo īkī wagwishiagwa ū bebe, atīho ntemi wa mitī wa kwiza kūtūsenga.”
9
Ū mu gatī ya kūlimu īlīho tagambī nhaale, kūlwa kūkwanukūla bebe ūlū ūlīshikīīla koi; ī myoyo ya bafu īlīgulumūlwa gīkī balakūgīshe, pye abo baalī batongeeji ū mu sī; bose bose abo baalī batemi ba mahanga, balīmishiwa kūfuma ha masumbī gabo ga būtemi.
10
Pye a benabo nabo bakūshosha balīkūwīla gīkī, “Kinehe ngosha, nang'ho wagogoloha gīt'ūmo tūlī a bise shi, watwikola gashi!”
11
Pyī ū wikumīlīja wako wahombokejiwa kūlimu, nī yoge ya ndono jako; shagembe jiyitaga a ha ndaalo yako, ngino h'ī kache mbeho yako.
12
Bebe sonda ya dilū, ng'wana w'ikīngo, wahungumūka kūfuma ū ng'wigūlū! Bebe ūyo walī ūhemeegije mahanga, ī haha waponyiwa kūshisha hasī!
13
Wikalaga ūkwiwīlaga ū mu ng'holò yako gīkī, “Nakūlinha kūshisha ng'wigūlū, Ī līsumbī lyane lya būtemi nakūlīgūngūhya lībize higūlya ya sonda ja ng'wa Mulungu. Nakwigasha nyatemi higūlya ya lūgūlū lwa sukuma ya kūle, ū kū nhūng'wanhīlo ya mabità.
14
Nakūlinha nakīle nū kwigūlya ya malunde, nakwitūūla būtaale nene ngwenekīlī, nilenganīje nang'hwe Ūyo Alī Higulya no.
15
Alīyo angū ūūyū wichiagwa hasī kūle kū shimu kūshisha kūlimu.
16
Abo balīyūkūbona ūlībakaamaja no, bakwīyideedeng'hanyaga īyo yakūgwīlile baayiwīla gīkī, ‘Bing'we ūyu hū ng'wene ūyo walī wamanīīla kūtinginya sī, na kūdetemya mabūtemi?
17
Hū ng'wene ūyo wagalūchaga sī yabiza gīt'itogolo dūhū, ūyo wakenaagūlaga mizengo ya mu sī, na walī atabazunīlījaga bading'wa bakwe kūshoka kū kaya jabo?’”
18
A batemi ba mahanga pye a bose balaalile ng'wikūjo, būlī ng'wene mu shigila shakwe;
19
alīyo ū bebe waponyiwe ha nze ya shigila shako gītī itambī isoso; ī haha ūpīndiwe banhū baabūlagwa, abo baabūlagwa bo līlūshū, abo baponyiwe kū shimu kū mawe ga mu shigila; ūtikīlile na mibimba īyo Īkapandagīlagwa na magūlū.
20
Ū bebe ūtūsangīla nabo ū mu kajīkīlwe, nguno wīkenaagūla no ī sī yako, na a banhū bako wababūlaga. Ū būbyīle wa banhū ba malofu būtīko kūhayiwa hangī.
21
Beejagi ipandī lya kūbasīnzīla a baana bakwe, kūlwa būbi wa bakūlūgenji babo; a benabo batī ba kūbūūka na hado yaya, gīkī badime wingīji na kokaja mizengo yabo mu sī.
22
“Nakūbūūka nilwishe nabo,” alīhaya SEEBA wa mabità. “Nakūlyīnja ī lina ū mu Babuloni, pyī nū būshiigo wa banhū; a babyalwa nū būbyīle bokwe,” alīhaya SEEBA.
23
“Ī Babuloni nakwīgalūcha ībize sī ya malūtende ga minzī, na wikalo bo maging'hi; nakwīpyagūla n'ikūmbo lya būkenaagūji,” alīhaya SEEBA wa mabità.
24
Ū SEEBA wa mabità wilahīlile, wahayile gīkī, “Ūmo nahelelile h'ūmo īkūīla; nū mumo nītūūlīlile ī mihayo h'ūmo īkwikalīla.
25
Ū Ashulu nakūntobagūla ū mu sī yane; nū kū ngūlū jane nakūmpandagīla hasī na magūlū gane. Hūna ī lijoki lyakwe līkūbīngīla a banhū bane, nū nigo gwakwe gūkwīnga ū kū mabega gabo.”
26
Īyī h'ī mihayo īyo īhelilwe kūlwa nguno ya sī yose, nīyo ū gwenūyu hū nkono ūyo gūgoloolilwe kū mahanga gose.
27
Nguno ū SEEBA wa mabità ahelile chene, nani ūyo adūgije kūpilūcha? Ū nkono gwakwe gūgoloolilwe, nani ū wa kūgūgalūcha?
28
Ū mhayo gwenūyū gūkiza mu ng'waka ūyo Ntemi Ahazi akachīla.
29
Bing'we Bafilisti a bose, yaya ū kūyega īkī gīkī ū nang'ha ūyo gwalūmutūlaga gwabīnzīkile. Nguno ū ng'wijinji lya nzoka yenīyo, īkūfuma mo ng'hoboko, ū ng'wana wayo akūbiza nzoka ya būsūngū ya kūlala.
30
A bahabī ba bahabī bakūpandīka shilīwa, na a bagayiwa bakūyūlaala mu mhola. Alīyo ū nji gwako nakūgūkenaagūla na nzala; Īkūbūmalīja ū būshiigo wako.
31
Ee, bebe mita, līlaga! Ee, bebe līnzengo, tūlaga ng'hūngū! Bebe sī ya Bafilisti yose pye, detemaga kūlwa boobà, Nguno lyochi līliza kūfuma sukuma, ibità itaale lya bashilikale, īlo atīmo nelengetu nūūlū ūmò.
32
Tūkūbinha ishosho kī a batūmījiwa ba kūfuma kwihanga lyenīlo? “Ū SEEBA wīhandīkīīgije ī Sayuni, nīyo a banhū bakwe a baluhi bakūpīlīla ng'wenūmo.”
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66